17/11/2024
#منقول
خويا مزوج 5 سنين ونص ومزال موالدش دراري بدا كايعصب ويغوت على مرتو وماما الله يهديها كاتحرش فيه وتقول ليه الناس تزوجو غي موراك وولدو وكانت مرتو كل مرة تمشي عند الطبيبة وتقولها مكاين والو ، وحنا ساكنين فواحد الجيهة فاش مكاتحملش المرا مكيفكروش اصلا بلي ممكن يكون المشكل من الراجل كايقولو نيشان بلي المرا لي عاگرة مرتو مسكينة شربها المرار وقالها من حقي نتزوج وتافق مع ماما وختي الكبيرة وشافو ليه وحدة وقبلات ومراتو مافراسها مايتعاود فاش ساقت الخبار بقات كاتبكي ودارت حالة وقالها خويا من حقي نولد ولادي وتزايدات معاه فالهضرة وضربها وقالها ايلا مابغيتيش سيري لدار باك انا بغيت نشوف ولادي مابقيتش قاد نصبر ، موراها بسيمانة خويا جاه إلتهاب وديناه للطبيب ودارليه تحاليل ولقاه 100٪ مكايولدش وعقيم تصدمنااا وهو سد على راسو فالبيت وكتيبكي فحال شي دري صغير بواحد الطريقة كاتقطع فالقلب عمري شفت خويا فديك الحالة ، مراتو فاش سمعات الخبار سمحات فيه وقالت بغيت نطلق ومن حقي نولد ونشوف ولادي وهو ماصبرش عليا باش نصبر عليه والبنت لي خطبوها ليه فاش ساقت الخبار فسخات الخطوبة خويا حالتو كاتشفي قاليه بابا نرجع ليك مرتك قاليه خويا ماكرهتش ولكن لاهي لا دارهوم قابلين درنا كولشي ولكن والو وهي دفعات الطلاق وخويا مكوي ، البنات كيفاش نديرو نرجعوها راه خويا حالتو كاتقطع فالقلب
#منقوووووووول
