مطبخ ست البيت

مطبخ ست البيت كافة الخضروات المجهزة وكافة الاكلات الجاهزة واكلات شع? كافة انواع الخضروات المجهزة
البيتزا بانواعها
الطواجن
المعجنات
الاسماك
الاكلات الشعبية

السلام عليكم ورحمه الله وبركاته عاملين ايه وحشتونى جدا عايزة اشارك معكم تجربتى فى عمل عيش الحبة الكاملة ونتيجة ممتازة بس...
15/05/2026

السلام عليكم ورحمه الله وبركاته
عاملين ايه وحشتونى جدا عايزة اشارك معكم تجربتى فى عمل عيش الحبة الكاملة ونتيجة ممتازة بس بعد كام تجربة كده ماكنتش احسن حاجة

خلاصة ما أكتسبته 😄في العصائر الطبيعية🧃🥤🍋الليمون استخدامه مع أي نوع عصير طبيعي يفرق كثير🍌الموز بيعطي قوام وطعم كريمي للفو...
14/08/2023

خلاصة ما أكتسبته 😄في العصائر الطبيعية🧃🥤

🍋الليمون استخدامه مع أي نوع عصير طبيعي يفرق كثير

🍌الموز بيعطي قوام وطعم كريمي للفواكه

🌱الفانيليا بتعطي رائحه منعشه مع العصائر

#الشربات 🍹ثقافه اختفت في مصر🤦 وليه أختفت 🤷ولكن هي مازالت في تركيا وسهله جدا نختار الفاكهة المفضلة 😋ونقطعها مكعبات مع المياه وعلي النار تغلي ربع ساعة على نار هادئة 🔥ونضيف لها حبات القرنفل وشريحه ليمون 🍋ولو متوفر برتقال شريحه منه🍊 أيضا مع رشه #ريحان وممكن قطعه صغيره جدا زنجبيل🫚 ونتركها تبرد🧊 ونقوم بتصفيتهاوالتحليه بالسكر أو العسل

لو حابين نضيف لون أحمر 😍للشربات نضيف ملعقة كبيرة كركديه

☕لو حابينه بطعم الفواكه🥭🍒🍑 نختار الفاكهة المفضلة😋نهرسها ونغليها على النار مع المياه ثم نصفيها ونضيفها للشاي ساخن☕ ولو هنحبه مثلج نسقعهم مع بعض☃️ ونضيف الثلج🧊

🥛اللبن مع الزبادي إضافه رائعه لعصير الفواكه🍹

🌰🥔 المكسرات نطحنها ونضيفها لعصائر الشيكولاته🧋 لكن طبعا الغير مملحه بتكون حلوه جدا😋

🌱النعناع الفريش مع الليمون🍋 ثنائي مثالي كعصير😋

عصير البرتقال 🍊بيكون أحلي عند إضافه نصفه ليمون🍋
عصير الليمون مثالي عند إضافه عصير برتقاله واحده 🍊

انا المحاشى بأنواعها والممبار واللحمه المحمرة
28/07/2023

انا المحاشى بأنواعها والممبار واللحمه المحمرة

العاشوراء الكريمي بدون كريم شانتيه ولا قشطه المقادير ربع كيلو قمح بليلهلتر حليب او خمس اكواب ٣ملعقه نشأكوب وربع سكرفانيل...
28/07/2023

العاشوراء الكريمي بدون كريم شانتيه ولا قشطه
المقادير
ربع كيلو قمح بليله
لتر حليب او خمس اكواب
٣ملعقه نشأ
كوب وربع سكر
فانيليا
للتزيين
جوز هند وزبيب أو مكسرات
➖➖➖➖
الطريقه
ننقي القمح ويغسل القمح جيدا جدا عشان بيكون فيه رمل
ممكن يوضع في مصفاه رفيعه ويغسل جيدا
ننقعه لمده يوم كامل
تاني يوم نغسل جيدا ونصفيه ثم يوضع عليه ماء يغطيه ويرفع علي النار لما يستوي ويفتح
ونتأكد أنه استوي ننزل عليه بالحليب ماعدا كوب منه نضع عليه النشا ويقلب جيدا ونتركه علي جنب
بالنسبه للعاشوراء لما يسخن اللبن أو الحليب ننزل بالسكر ولما يغلي نقلب الحليب ال فيه النشا وننزل حبه بحبه مع التقليب علي طول حتي لا يحدث تكتلات
ونقلب لما تنقل وتغلي نطفئ ونضع الفانليا عليها النار وتغرف بالأطباق ولما تبرد تزين بجوز هند وزبيب أو مكسرات ولو حابين تزينوا بقطع المانجو
كل عام وانتم بخير

لو عندك لبن وقطع منك وانت بتغليه اعملي منه احلي قرص طريه المقادير كيلو دقيق كوب سمنه وزيتملعقه كبيره خميرهملعقه كبيره سك...
28/07/2023

لو عندك لبن وقطع منك وانت بتغليه اعملي منه احلي قرص طريه
المقادير
كيلو دقيق
كوب سمنه وزيت
ملعقه كبيره خميره
ملعقه كبيره سكر
نصف ملعقه ص ملح
اللبن القاطع للعجن او لبن عادي وزبادي او رايب ال متوفر
الطريقه
هنضع الدقيق في وعاء وعليه الخميره والسكر ويقلبوا ثم نضيف الملح ويقلب مره اخري ننزل بالسمنه والزيت وعليهم شويه شويه من اللبن القاطع ونعجن لما تتكون عجينه طريه نعجن لمده عشر دقايق ثم تغطي
بكيس وتترك حوالي ساعه لما تتصاعف حجمها ثم تشكل كور علي قد الحجم ال تحبيه وتفرد علي صاج ويدهن الوجه سمنه او قشطه لو متوفر وتدخل فرن مسبق التسخين علي درجه حراره عاليه
لما تاخد اللون الذهبي
#مطبخستالبيت

مراحل اكتمال القمر احلى كحك بيتى ده ولا ايه بالف هنا وكل عام وانتم بخير
17/04/2023

مراحل اكتمال القمر
احلى كحك بيتى ده ولا ايه
بالف هنا
وكل عام وانتم بخير

14/04/2023

اللهم في العشر الأواخر عطر قبر أمي برائحه الجنة اللهم ارحمها واغفر لها واجعلها من الضاحكين المستبشرين
يا الله

ملف كامل عن كحك العيد المقدوح والبارد وحشواته 😋اولا 👈( الكحك على السخن )المكونات كيلو دقيقنص كيلو سمنه٢ معلقه كبيره سكر ...
14/04/2023

ملف كامل عن كحك العيد المقدوح والبارد وحشواته 😋
اولا 👈( الكحك على السخن )
المكونات
كيلو دقيق
نص كيلو سمنه
٢ معلقه كبيره سكر بودره
٢ معلقه كبيره سمسم
معلقه كبيره خميره فوريه
معلقه صغيره بيكنج بودر
معلقه صغيره ريحة كحك
رشة ملح
نص كوب لبن دافي
👇👇
الطريقه
اول حاجه هنقلب الخميره مع معلقه صغيره سكر و معلقه كبيره ميه و ندوبها و نسيبها تخمر .
هنجيب بوله و نحط فيها الدقيق و عليه السكر و السمسم و البيكنج بودر و ريحة الكحك و رشة الملح و نخلطهم كويس و بعدين نسخن السمنه على النار و ننزلها على الدقيق و نقلب بسباتيولا او معلقه خشب لحد ما يبرد و بعدين نفرك الدقيق مع السمنه بإيدنا لحد ما الدقيق كله يتغلف بالسمنه و بعدين نضيف اللبن و الخميره و نعجن و نسيبه يرتاح نص ساعه و نشكل .اما عادي او بحشو عجميه
👇👇
العجميه
٣ معالق كبار سمنه
٣ معالق كبار دقيق
معلقه كبيره سمسم
كوب عسل ابيض
👇👇
الطريقه
هنقلب الدقيق و السمنه و السمسم في حله على النار لحد ما يبقى دهبي و بعدين نضيف العسل و نقلب و نطفي علطول و نسيبه يبرد و نستخدمه .
👇👇
ملحوظه
_مقدار السمنه ممكن نوصله ل ٦٥٠ جرام لو بنحبه ناعم اوي
و ممكن نقلله ل ٥٥٠ لو بنحبه وسط .
_الوزن المناسب للكحكه هو ٣٠ جرام .
_ بميه اجمل من اللبن عادي . حسب رغبتك
_ لو هنحشي ملبن هنعجنه بمعلقة سمنه و نكوره عشان يكون جاهز للحشو علطول و لو عجوه هنعجنها بمعلقة سمنه و معلقة لبن و رشة قرفه و رشة سكر بودره .

ثانيا 👈 الكحك على البارد
كحك على البارد ناعم وبيدوب فى الفم وطعمه يجنن
المقادير
كيلو دقيق
نص كيلو سمنة بدرجة حرارة الغرفة
نص كوب ماء
نص كوب سكر بودرة
ملعقتين من الخميره الفوريه
باكو بيكينج بودر
معلقتين ل 3 كبار سمسم محمص
باكو فانيليا
معلقتين كبار نشاء
رشة ملح
ريحة الكحك اختيارى لو تحبوا حطوا معلقة
الطريقة نضع كل المواد الجافة مع بعض وعليهم السمنة ونبسهم كويس مع بعض لغاية ما الدقيق كله يتغلف بالسمنة ويبقى زى الرمل المبلول نلم العجينه بس منعجنش وبعدين نبدأ بوضع السوائل شوية شوية بس منزودش عن نص كوباية لبن على ماية نشكل الكحك على طول ونخبزه
حشوة العجمية
معلقة كبيرة ذبدة
معلقة كبيرة دقيق
معلقة كبيرة سمسم
تلت كوب عسل نحل
الطريقة فى طاسة على النار يوضع الذبدة وعليها الدقيق ونقلبهم كويس لمده دقيقه ثم نضع العسل وأخيرا السمسم نستمر فى تحريك الخليط على النار لغاية ما القوام يتقل شوية نرفعه من على النار ويترك ليبرد شوية ثم يشكل كور صغيرة ويوضع فى طبق مدهون زيت خفيف حجم كرة العجميه يكون أصغر من حجم الكحك ولازم عجينة الكحك تغطى تماما العجمية
الفرن على 180 بتاخد من 15 ل 20 دقيقة أو لغاية ما تاخد لون ذهبى
بعد ما يبرد تماما يتم رش سكر بودرة عليه
والف هنا ♥

،، 1-سبب دوبان الكحك ونعومته يتركز فى كمية السائل المضاف بمعنى انك بتعملى مقدار الدقيق وتحطى نص المقدار سمن وبالرغم من...
12/04/2023

،،
1-سبب دوبان الكحك ونعومته
يتركز فى كمية السائل المضاف بمعنى انك بتعملى مقدار الدقيق وتحطى نص المقدار سمن وبالرغم من ذلك بيطلع ناشف
عارفة ليه ؟؟لان نوع الدقيق غير مخصص وقبل معايا ميه كتير اكتر من النسبه اللي احنا متفقين عليها
وحضرتك كل متلاقي العجينه ناشفة شويه مكسله تعجني لحد متطري تقومي تزودى سوائل علشان تتطري

2-لو هتعملى كمية صغيرة ومش هتقعدكتير متقدحيش السمنة اوى يدوبك سيحيهابس تفك ومتسخنش الغرض من قدح السمنة ياجماعة ان اهالينا كانوا بيعملوا كميات كبيرة وبتقعد اكترمن شهر ،،
ولكن حتي لو تم قدح السمنه نسيبها تبرد يعني هنشتغل كلو بارد ف بارد لان حضرتك كونك تقدحي السمنه وتشتغلي سخن في سخن اول حاجتين ممكن يقابلوكي :: السمنه بترشح من الكعكه وفي نفس الوقت بتبوظي مفعول الخميره وبتتطلع مكتومه مبلطه

3-- قصة بقى اعجن بمية ولا لبن مش قضية خالص وانتى حسب راحتك ولكن الافضل ماء علي لبن لان اللبن لوحده ممكن يطلع قلبها طري لو مكنش عندك خبره في التسويه

4-ياخبر نسيت اضيف ريحة كحك اعمل ايه هيبوظ كدا لا حضرتك عادى ريحة الكحك دى مجرد توابل بتدى له رائحه مميزه ليس الا

5- سر نجاح الكحك متضيفيش اى سائل غير اللى احنا اتفقنا عليه 200مل علي كيلو الدقيق

6- الكحك مش بيطلع دايب مع انك التزمتى بالمقادير حرفيا !!!!

اقولك ايه السبب انك كسلتى ومش بستيه كويس لازم تبسى الكحك بايدك بعد ما تضيفى له السمن ابدئ بسى الكحك بايدك ربع ساعة

7-الكحك حلو بس الحشو ناشف
سواء عجوة او ملبن عجمية !!!
لانك سيبتيه مدة كبيرة فى الفرن فالسوايل اللى فيه اتبخرت والملبن والعجمية نشفت المفروض اصلا العجوه بنعجنها بميه وشويه سمنه علشان تضبط معاكي في الحشو ودي طريقه صحيحه متقلقيش،،
اماالملبن اي ملبن غامق بلاش تشتريه لانه بيكون واخد تسوية زياده من المصنع و يبوظلك الوصفه المفروض الملبن يكون ابيض مش غامق غير كدا الملبن لازم قبل الحشو تدعكيه علي الرخامه ويطرى

8-فى التسوية تاخدى بالك من حاجة لو الكحك سادة يبقى هنقلل الحرارة شوية علشان يستوى براحته يعنى ممكن 160
لو محشى هيكون على 180 ليه بقى؟ علشان السادة عاوزينه يستوى من جوه وبره كويس اماالمحشى فبيكون سمك العجينة رفيع ومش عاوزينه يقعدمدة كبيرة علشان النار متطولش الحشو فينشف بياخدتقريبا نص ساعة

9-لو الكحك شقق ؟
يبقى ماتبسش كويس الحل بقى حطي عليه حته سمنه وادعكيه تانى لان السوائل زياده

10-لو الكحك بعدالتسوية النقشه اللي عليه بتروح ؟
يبقى دا حاجة من اتنين يااما الخميرة والبودر كتير يا اما خمره زايد يعنى بتسيبيه يخمر كتير بعد التشكيل

السلام عليكم ورحمه الله وبركاته دى مكونات بسكوت النشادر الهش التحفة المكونات :ك دقيق خاص بالكحك والبسكويت4بيضات بحرارة ا...
12/04/2023

السلام عليكم ورحمه الله وبركاته دى مكونات
بسكوت النشادر الهش التحفة
المكونات :
ك دقيق خاص بالكحك والبسكويت
4بيضات بحرارة الغرفه
ملعقه كبيرة ريحة الموز
ملعقة كبيرة فانيليا
2 ملعقه كبيرة نشا
معلقه كبيرة لبن بودر
رشة ملح
تلت كوب حليب
ملعقه صغيرة بيكنج بودر
ملعقه صغيره نشادر
400 جرام سكر بودر "3 اكواب الا ربع " ممكن 2 كواب على حسب الرغبه
نصف كيلو زبدة الا 100 جرام " 400 زبده " + 100 جرام سمنه " حوالى كوب الا ربع سمنه
تعليق ودعوة وهتلاقى الطريقة فى الكومنتات

#البامية البامية دى بتفكرنى بالبنت الريفية اللى جت مصر عشان تدخل الجامعة وقعدت فى بيت عمها مع بنات عمها..و محافظة على ع...
18/11/2022

#البامية

البامية دى بتفكرنى بالبنت الريفية اللى جت مصر عشان تدخل الجامعة وقعدت فى بيت عمها مع بنات عمها..و محافظة على عاداتها وتقاليدها الراسخة..

لا تحب الاختلاط مع حد زى بنات عمها البسلة وغيرها اللى ساعات يختلطوا مع الجزر و غيره..ولا تحب تغير لبسها ولا شكلها..ولا تحب الظهور والفشخرة الفاضية..

وشكلها ما بيتغيرش ولا طعمها أبدا..حتى لما أصحابها و بنات عمها يحبوا يعملوا حفلة ويشتركوا فى صينية تورللى لا تشترك معاهم..

الحاجة الوحيدة إللى ممكن تحطها عليها الليمون وبس..
البامية مؤدبة طول عمرها.

عمرها ما كان لها صوت ولو أكلتها مع الرز أو العيش ما تقولش لأ..ولو أكلتها سخنة ولا باردة عمرها ما تتذمر..

البامية عاشت سنين و سنين لا عمرها دخلت كيس زى البطاطس ولا أتحشت زى الكوسة ولا أتحمرت بالخل زى الباذنجان...

البامية هى أسطورة الحياء فى الخضار عمرها فى حياتها ما قلعت غير غطاء رأسها فقط

تحية كبيرة للبامية بجد يجماعه

Address

Giza
111

Opening Hours

Monday 11am - 7pm
Tuesday 11am - 7pm
Wednesday 11am - 7pm
Thursday 11am - 7pm
Friday 11am - 7pm
Saturday 11am - 7pm
Sunday 11am - 7pm

Telephone

33121874

Website

Alerts

Be the first to know and let us send you an email when مطبخ ست البيت posts news and promotions. Your email address will not be used for any other purpose, and you can unsubscribe at any time.

Contact The Business

Send a message to مطبخ ست البيت:

Shortcuts

Share

Category