30/01/2024
طاجن البطاطا الخطير بطعم اللوتس لزوم الدفى
وصفة البطاطا
المقادير زي ما انا عملتها لو انتي عايز تقللي براحتك :
- ٣ كيلو بطاطا
- ٢ بيض
- ٢كوب لبن
- ملعقة كبيرة ونص سمنة او زبدة
- ٢ ملعقة كبيرة زبدة فول سوداني
- نصف كباية جوز هند مبشور
- ٣ ملاعق كبيرة عسل نحل
- ملعقة كبيرة ونص قرفة
- نص ملعقة صغيرة زنجبيل
- ربع ملعقة صغيرة قرنفل
- ربع ملعقة صغيرة حبهان مطحون
- رشة فانيليا
- رشة فلفل اسود
- ملعقة كبيرة بيكنج بودر
- رشة ملح
للتزيين والحشو :
- فول سوداني او اي مكسرات مجروشة
- جوز هند
- بسكوت قرفة
- ٥ ملاعق شوفان
- ملعقة كبيرة قرفة ورشة زنجبيل
- قشطة بلدي او وش اللبن او ملعقة زبدة
الطريقة :
هنشوي البطاطا وناخد اللي جواها ونحط عليها كل المكونات اللي فاتت وبعد كده ندهن الصينية زبدة او زيت ونرش عليها شوفان ونحط طبقة من التزيين وبعد كدة نحط طبقة من خلطة البطاطا ودور تاني من مكسرات التزيين وبعد كده باقي البطاطا وفي الاخر نحط باقي التزيين ونحط القشطة علي الوش في الاخر لكن خلطة التزيين من غير قشطة ونكون مشغلين الفرن علي العالي لمدة نصف ساعة وفي الاخر تخليها تاخد وش محمر علي الشواية وتمام كده بالهنا والشفا
