Coop Outraformadevivenda

03/06/2026

Outra Forma de Vivenda apoia a mobilización polo dereito á vivenda do 6 de xuño.

A vivenda non pode ser un privilexio nin un negocio: ten que ser un dereito garantido!

Dende Outra Forma de Vivenda vivimos con preocupación a situación de emerxencia habitacional que atravesa as nosas vidas. Sufrimos o encarecemento dos alugueiros, a dificultade crecente para acceder a unha vivenda digna, a presión da especulación inmobiliaria e a insuficiencia de políticas públicas que poñan a vivenda ao servizo da maioría social.

Como cooperativa de vivenda en cesión de uso, defendemos modelos non especulativos, comunitarios e sostibles como alternativa ao modelo hexémonico e neoliberal baseado na propiedade privada e no endebedamento individual, mais sabemos que estas alternativas deben formar parte dunha resposta máis ampla. O dereito á vivenda precisa mobilización social, políticas públicas, máis vivenda pública, control efectivo dos abusos no mercado e medidas reais contra a expulsión da veciñanza dos seus barrios.

Por iso, apoiamos as accións impulsadas pola e polo .falperra.osmallos , e animamos á todalas persoas da cidade a participar na manifestación do sábado 6 de xuño ás 12h na praza de Ourense.

04/05/2026

La vicepresidenta segunda del Gobierno participó en un encuentro organizado por EspazoCoop con entidades gallegas que trabajan en servicios esenciales, vivienda colaborativa e intervención social

04/05/2026

O cooperativismo de vivenda en cesión de uso é unha realidade que vai gañando presenza. A cesión de uso permite desenvolver proxectos vitais de xeito estable nos que a propiedade é colectiva e nos que a vida ten unha dimensión máis comunitaria.

Pero o recoñecemento debe ir acompañado de feitos: financiamento accesible, solo público, convenios autonómicos e convocatorias adaptadas.

03/05/2026

Onte participamos na Coruña no encontro “Coidar, habitar, incluír”, organizado por
Espazocoop Unión de Cooperativas Galegas, xunto a cooperativas galegas de coidados, vivenda e intervención social e coa participación da vicepresidenta 2ª e ministra de Traballo e Economía Social Yolanda Díaz Pérez e coa secretaria de Estado para a Economía Social, Amparo Merino

Estamos nun momento determinante. O Plan Estatal de Vivenda 2026-2030 abre unha xanela de oportunidade para impulsar un modelo de vivenda asequible, comunitaria e fóra da especulación, pero a chave está agora en como se aplique nas comunidades autónomas, tamén na Galiza. Por iso, cómpre esixir unha resposta política que o acompañe de medios, financiamento, apoio técnico, formación do persoal das administracións, difusión pública da cesión de uso e investigación e seguimento dos proxectos que xa están funcionando.

Proxectos como o noso, As Lavandeiras (A Coruña), Alvariza (Santiago), O Fogar na Ulla (Teo) ou O Laghar (Cangas) amosan que na Galiza xa existe unha base social, asesorada por equipas técnicas e e preparada para continuar avanzando.

Agora precisamos políticas públicas autonómicas que entendan e acompañen aos nosos proxectos para que máis persoas poidan acceder a unha vivenda digna sen depender dun crédito individual nin de alugueiros especulativos.

A vivenda cooperativa en cesión de uso non é só unha alternativa habitacional é un modelo comunitario e estable que pon a vida e os coidados no centro mediante a economía social.

Seguimos construíndo outra forma de vivenda.

22/04/2026

Moitas grazas a todas as persoas que fixestes parte de A tope coas coopes!

Foi unha alegría poder compartir espazo con e proxectos en distintas fases e dos que temos moito que aprender. Moitas grazas a pola organización e por acollernos.

Seguimos camiñando e tecendo rede 💛

16/04/2026

Nun contexto no que acceder a unha vivenda digna é cada vez máis difícil, cómpre abrir espazo para falar de alternativas reais.

A vivenda cooperativa en cesión de uso é unha delas: un modelo que aposta pola estabilidade, a xestión colectiva, o apoio mutuo e a desmercantilización da vivenda.

Este sábado 18 de abril participaremos en “A tope coas coopes!”, un coloquio organizado pola no Ateneu Roig e no que estaremos as cooperativas e estas dúas, referencias do cooperativismo de vivenda en Barcelona.

Compartiremos reflexións e experiencias sobre como construír vivenda fóra das lóxicas especulativas do mercado e sobre como poñer a vida no centro.

📍 Ateneu Roig
📅 18 de abril
🕧 12:30

Porque a vivenda non debería ser un privilexio nin un negocio.

17/03/2026

03/03/2026

O sábado tivemos a sorte de participar nas xornadas de vivenda e convivencia alternativa da na compañía de moitos proxectos interesantes.

Foi unha xornada para poñer en común experiencias e aprender doutras iniciativas. Grazas a Hedreira pola acollida, a pola perspectiva, e a toda a xente que se achegou a escoitar, preguntar e construír rede.

02/02/2026

🗞️ publica un artigo sobre As Lavandeiras, o noso proxecto de vivenda colaborativa en cesión de uso. Un artigo que nos axuda a explicar algo moi sinxelo: a vivenda non pode seguir funcionando como un xogo amañado onde gaña quen máis acumula.

O noso proxecto aposta por un modelo que pon freos reais á especulación e devolve a vivenda ao seu valor principal: ser un fogar.
✅ Dereito de uso estable, nin compra nin alugueiro
✅ Cotas a prezo de custo, sen plusvalías privadas
✅ Xestión colectiva e decisións democráticas
✅ Un edificio pensado para vivir mellor con espazos compartidos, apoio mutuo e comunidade

A a crise habitacional non se resolve con “máis oferta”: fai falta máis vivenda fóra do mercado, con regras que garantan accesibilidade a longo prazo e repartan poder e seguridade na cidade.

26/01/2026

📣 Presentación aberta de As Lavandeiras

O xoves 29 de xaneiro ás 19:30, no local da Alexandre Boveda (Rúa Santo André, 36 1º), faremos unha presentación do noso proxecto de vivenda colaborativa en cesión de uso: unha alternativa real ao modelo tradicional.

No acto participaremos persoas do colectivo promotor para contar como comezou o proxecto, en que punto estamos e compartir os próximos pasos de cara a súa materialización.

📌 Inscrición necesaria (formulario na web da AC Alexandre Bóveda)
https://acalexandreboveda.gal/event/presentacion-do-proxecto-de-vivenda-colaborativa-as-lavandeiras/