Cultivamos productos 100% naturales, frescos y de temporada. Sofitamos güertes vecines, siempres respetando y cuidando ‘l nuestru recursu más preciáu: LA TIERRA, al traviés d’asociaciones y rotaciones de cultivos, abonos verdes como la veza, nabiza, avena… p’algamar l’equilibriu y fertilidá que la tierra necesita. Mimamos les nuestres plantes con remedios naturales como estractos d’ortiga, cola de
caballu, ayu, consuelda, aceite de Neen, asociación con plantes melecinales y arumoses, qu’atraen seres beneficiosos y imprescindibles pa l’agricultura y l’entornu como abeyes, bázcaros, catasoles, xaronques…
-Soberanía Alimentaria. Pol drechu de los pueblos de producir los sos propios alimentos en cantidá y calidá dignes, pudiendo decidir nes polítiques agraries de cada llugar, contra los tresxénicos y l’agricultura intensiva y de monocultivu qu’agota los nuestros recursos naturales, nun alimenta y quita’l valor del trabayu campesín. Una de les lluches más importantes de les campesines ye respetar l’equilibriu y biodiversidá propies del nuestru entornu y caltener variedaes llocales porque son les que meyor s’adapten al mediu de forma natural. Nestes llabores, los feminismos enséñennos a xenerar relaciones más igualitaries y xustes.
-Comerciu llocal, de cercanía, ecolóxicu y ensin intermediarios. Reduciendo al máximu l’usu de combustibles, ufiertando un serviciu personalizáu y respetando una digna relación calidá-preciu (tanto pa les persones que comemos saludable, como pa les campesines). Entregues en puntos d’alcuentru y recoyida.
