18/01/2025
"Barri Lafa Hin Ba'u!!!
================
Bar-tokko leenca ta'uu hunduu nama sodaataa
Bar-tokko saree ta'uu danuun nama ifataa
Bar-tokko sa'a ta'uu jabbidhaan fakkeeffamu
Bar-tokko ijoollee ta'uu beenuu kottuuf waamamuu
Bar-tokko gaarii ta'uu hunduu nama jaallataa
Bar-tokko immoo hin jibbamuu xinnoon nama tuffataa
Bar-tokko hameessatu dhalee itittuu nama afeeruu
Bar-tokko homtuu dhibee raafuu maatiif affeeluu
Bar-tokko gola keessaa fudhuu galiif hammaaruu
Bar-tokko immoo dhabanii harka namaa ilaaluu
Barri yoom Lafa ba'aa matumarraa sirriiqaa
Barbaadu urgooftuu dibee barbaades dhoqeen laaqaa
Inni barri itti tolee narra turaaf abdataa
Inni barri itti hammaate narraa ka'ii kadhataa
Kaan hin turaaf abdataa kaan yoom darbaaf dhiphataa
Garuu Barri furgisoo deemaa finqilaachoo taphataa
Eessaan iyyuu haa deemuu, eessaan iyyuu haa dhufuu
Barri utubaa mitii hordamee achitti hin hafuu
Uggum Yaa bara kanaa Uumaa dhaaf safuu safuu!"
