Aba Aregawi

28/01/2026

26/12/2024

እምነቶሙ ለአበው !🌿🌿🌿

❝ሰብ ማለት ዘይተነበበ መጽሐፍ እዩ❞

💥 ቀዳማይ ፈታዊኻ ዝኾነ ሰብ አብዚ ዓለም አዝዩ ውሕድ እዩ ። ባህግታትካን ስሚዕታትካን ትልምኻን ራኢኻን መጻኢኻ ብሩህ ተስፋኻ ንመን ከም ትነግሮ አስተውዕል ። ትምህርቲ ድንቁርና እምበር ዕሽነት አይቐርፍኝ አያጥፍእን እዩ ። ካብ ዓያሹ ፈላጣት ሊቃውንቲ መምህራን ኢና ዝብሉ ንባዕሎም ዘይተለወጡ ሰብ ክልውጡ ዝፅዕሩ ተጠንቀቕ አይትድከም ፍረ ዘይብሉ ባጫ ምሸላ እዮም ውፂኢቱ ፍረ ዘይብሉ ድኻም ጥራሕ እዩ ዝኸውን ። ሚእቲ ጥቕልልቲ ቅርሺ ብሓደራ ክታቕምጠሉ ዘሃበካ ሰብ ክልተ ሓምሳ ጌርካ አይትመልሰሉ ። ምኽንያቱ ሓደራ ዝጠልም ፣ ብቃሉ ዘይርከብ ፣ መትከል ዘይብሉ ፣ ባዕሉ ዘይኸውን ፣ እምነት ምጉዳል እቲ ዘሓሰረ ተግባር እዩ'ሞ እሙን ኩን ።

💥 ሓደ ሰብ ብዙሕ ዝገበርካሉ ዝሰራሕኻሉ ሰብ ብዙሕ ክጎድአካ ይኽእል እዩ'ሞ ። ፅቡቕ ስራሕ ንባዕልኻ እዩ ፤ ፅቡቕ ብምስራሕኻ ካብ እግዚአብሔር ዋጋኻ ክትረክብ ኢኻ ። ሰብ ግና ጥፍኣትካ ስለ ዝሓስብ ተዳሊኻሉ ፅናሕ ደሓር ከይትጉዳእ ። አይኮነን ዝወጠንካዮ ዝሓዝካዮ እውን ይወድቀካ እዩ ። ሓደ ነገር ክትጅምር ከለኻ ተስፋኻ ብእግዚአብሔር ይኹን ፤ ተስፋ ዘለዎ ሰብ ብግዚኡ አብ ዘሓሰቦ ይበጽሕ እዩ ፤ ተስፋ አይትቑረፅ ሰጉም ንቕድሚት ። እናርሓቕካዮ ዘይርሕቐካ ከብዲ ወላዲት ጥራሕ እዩ ። ወላዲት ሕይወት ሂባ በኣኻ ሰንኪ ሕይወታ ትስእን ፤ ወላዲት እንተሞይታ መተካእታ ዘይብላ ሰብ ኢያ እናሃለወት አኽብራ ተኸናኸና ወላዲተይ በላ ።

💥 ምሉእ ልብኻ ዘሃብካዮም ሰባት ዓሻ ወይከዓ ዘይሰልጠነ ፋራ ሰብ እዩ ይብሉኻ ። ናይ ሓደ ሰብ ልቡና ወይ ከዓ ሓሳብ ደስ ዝብለካ በዘይካ እግዚአብሔርን በዓሉ እቱ ሰብ ምንም ውሽጥኻ እንታይ ከም ዝሓሰብካ ክፈልጠካ አይኽእልን እዩ እቲ ሓቂ ። ምሽጥርካ ባዕልካ ሓልው ሓዝ ናይ ልብኻ ሚዛን ብትኽክል አቕምጦ ባዕሉ ክምዝኖ እዩ ። ልብኻ ንመን ከምትህባ አስተውዕል አብ መውደቒቓ አውድቃ ። ብዙሓት ሰባት ከምቲ ንሕና ነሓስቦምን ንፈትዎምን አይኮኑን እዮም ። ናባኻ ክመፁ ፈተውቲ መሲሎም ይመፁ ካባኻ ዝደሊዎ ሓሳብ ወይ ከዓ ቁስ ነገር ስለዘሎ ሓወይ ፈታውየይ ይብሉኻ እታ ዝደሊዋ ምስ ረኸቡ ድማ ከም ሽንቲ ግመል ንድሕሪት ይኸዱ ። ዝግ ርግእ ኢልካ ተዓዘብ ከም ምስቲያት ፍንትው ኢሉ ክረአየካ እዩ ፤ ብትእግስቲ ጠምት ተመልከት ከዓ ብርሃን ክትርኢ ኢኻ ተስፋ ጥራሕ የሃልኻ ።

💥 ዘያድልየካ ሰብ ካብ ሕይወትካ ንምውፃእ አይትሰከፍ አርሒቕካ ደብርዮ መሊሱ ከይሬአካ ። ሓደራ ግና ከይትቅየም ሰብ ብትፈጥሮኡ ድኹም ስለ ዝኾነ እዩ ። ዘያድሊ ሰብ መድፈን መፃወዲያ ማለት እዩ ፤ ጊዜ ምስረኸበ ከም ዘይትለዓል ገይሩ ይሰብረካ ፣ ይቐትለካ ፣ ይቐብረካ ፣ ታሪኽካ ስም ዝክርኻ ያታ ይገብሮ እዩ ። ሞት ተዘይ መፀ ፀግዒ መሓዝ ጊዜ ክትገዝእ ይገብረካ እዩ ። ዘየሓልፍ ጊዜን መከራን የለን እዩ ። ኵሉ ሓላፊ እዩ ዘየሓልፍ የለን ፤ ንዝሓልፍ ጊዜን መከራን ዘየሓልፍ ፀሊም ታሪክ አብ ሕይወትካ ምጽሓፍ ግና ካብ ሞት ሞት እዩ ። ብዝኾነ ይኹን ክብረትካን ፣ መትከልካን ፣ ዓድኻን ናብ ዋጋ ዕዳጋ ከይትወርድ ተጠንቀቕ ።
እምነቶሙ ለአበው! 🌿🌿🌿
ዕለት 17/4/2017 ዓ.ም ።