waajjira kutaa Bulchiinsa Qassoo

07/08/2026

Magaalaa Naqamteé Waajjira Bulchiinsa Ganda Qassootti guyyaa har'aa Jaarmiyaalee Dargaggoo Ganda keenyaan arjoomni dhiigaa gaggeeffamaa ooleera

31/07/2026

Adoolessa 24.2018 Ganda Qassoo
Hojiin Kenniinsa Tajaajila Lammummaa Hojii Eebbifamaadha.

Bulchiinsa magaalaa Naqamtee Ganda Qassootti Hojii Kenniinsa Tajaajila Lammummaatiin Namoota Harka Qalleeyyii Deeggarsa Hin Qabneef Manni Ijaaramaa Jira.

29/07/2026

Adoolessa 22.2018 WBGQassoo.

Bulchiinsa Magaalaa Naqamtee Ganda Qassootti milishaafi Gaachanni sirna 525 leenjii garaa garaa fudhachaa turan eebbifaman.

Itti gaafatamaan waajjira milishaa bulchiinsa magaalaa Naqamtee obbo Wayyeessaa Barsisaa eebba kana irratti argamuun haasaa taasisaniin, milishoonniifi gaachanni sirnaa kunniin leenjii loltummaa, naamuusaafi qor-qalbii fudhachaa turan nageenya gandaafi magaaalaa keenyaa eeguun hawaasni sodaa nageenyaa keessaa bahee hojii idilee isaatti akka xiyyeeffatuuf hojjechuu qabdufi hattoota nageenya hawaasaa booressan saaxiluun ol-aantummaa seeraa kabachiisuun barbaachisaadha jedhaniiru.

Bulchaa bulchiinsa ganda Qassoo obbo Gaaromaa Nugusaa sirna eebbaa kanarratti haasaa taasisaniin, humna qaamolee nageenyaa magaalaa keenyaa cimsuuf yeroo adda addaatti leenjisaa kan turan ta'uu himanii, qaamolee nageenyaa magaalaa keenyaa kanneen biroo waliin taatanii nageenya magaalitti eegsisuu keessatti gahee keessan bahuu qabdu jechuun dubbataniiru.

Qajeelcha poolisii bulchiinsa magaalaa Naqamteetti itti gaafatamaan ittisa yakkaa aanaa 1ffaa Inispekter Abdii Isheetuu gama isaaniitiin sirna eebbaa kana irratti akka dubbatanitti mootummaan uummanni keenya nagaan bahee nagaan akka galuuf hojii adda addaa hojjechaa turee jira jedhanii, ammas isin warri har'a eebbifamtan naamuusa hojichi isin irraa barbaadu gonfattanii amanamummaadhaan hawaasa keessan tajaajiluu qabdu jedhaniiru.

26/07/2026

Ganda Qassootti gamaaggamni raawwii hojii paartii fi mootummaa bara 2018 fi karoora bara 2019 paartii fi mootummaa gaggeeffameera
:::::::::://////////////////////
Adoolessa 19/2018Bulchiinsa Magaalaa Naqamtee Ganda Qassootti gamaaggamnii raawwii hojii paartii fi moitummaa kan bara 2018 fi maree karoora hojii paartii fi mootummaa bara 2019 karaa hirmaachisaa taheen bakka hawaasni bal'aan argamanitti gaggeeffamaa oleera
Akka Bulchaan Ganda Qassoo Obbo Gaaromaa Nugusee jedhanitti hirmaanaa fi qooda fudhattootaa uummata keenyaan hojiin bara darbees kan milkaa'e bara kanas uummata keenya ba'aa hurmaachisuun gaggeessumma` paartii keenyaan kan hin milkoofne hin jiru jechuun uummata bal'aa, miseensa paartiifi gurmaa'insa paartii fi mootummaa hunda galateeffachuun hojii bara kaanaas karaa milkii qabuun eegalleera, karaa waa hundaan of danda'uun cimnee hojjechuu qabna jechuun dhamsa qaban dabarfatanii jiru.

26/07/2026

# # # Sirna Beekamtii kennuu # # # #
Beekamtiin nama hojii gaarii hojjetee jajjabeessa; hojii isaa akka cimsu fi kanneen biroonis fakkeenya irraa akka fudhatan taasisa. Hojii gaarii beekamtii kennuun aadaa gaarii dagaagsuu fi bu'aa hojii guddisuuf gahee olaanaa qaba.

15/07/2026

Adoolessa 8.2018 Naqamtee.Qassoo

Gurmuun Dubartoota Bulchiinsa Magaalaa Naqamtee Ganda Qassootti Koonfiraansii Kurmaana 4ffaa Gargaaramummaa Irraa Gara Omishtummaatti Jedhuun Geggeeffame.

Koonfiraansicha irratti itti gaafatamtuun gurmuu dubartootaa bulchiinsa magaalaa Naqamtee aadde Saadiyyaa Ahimad fi Gurmaa'insi Paartii Ganda Qassoo Obbo Maamed Najaat koonfiraansii kanaan hojiiwwan bara 2018 keessa raawwataman gamaaggamuun hojii kenniinsa tajaajila lammummaa ganna kanaa irratti dubartoonni hirmaachuun akka qaban himanii, carraa jiru hundatti fayyadamtanii hojjettanii gargaaramummaa irraa gara oomishtummaatti ce'uu qabdu jedhaniiru.

13/07/2026

13/07/2026

Duulli Qulqullinaa KTLGanna kanaa ilaalchisuun Magaala Naqamtee Ganda Qassootti guyyaa har'aa gaggeeffamaa ooleera

02/07/2026

Waxabajjii 25/2018.WKBMN.
Bulchiinsa Magaalaa Naqamtee Ganda Qassootti Qaamolee Filannoo Marsaa 7ffaa Milkeessaniif Sirni Galateeffannaa Taasifame.

Itti gaafatamaan waajjira paartii badhaadhina damee bulchiinsa magaalaa Naqamtee gargaaraa piroofeeseraa Malaakuu Geetaahuun sagantaa galateeffannaa kana irratti argamanii haasaa taasisaniin, Paartiin badhaadhinaa filannoo marsaa 7ffaa karaa nagaa si tasgabbii qabuun xumuramuu kaasuun, Akkasumas Paartiin keenya sagalee caalmaan xumure irra deebiin waggoota shanan itti aananitti waadaa isaa haaressuun yoomiyyuu caalaa hojjechuun Itiyoophiyaa gara biyya fakkenya badhaadhinaatti ceesisuuf jabaannee ni hojjenna jedhanii, namoonni hundi hojii filannoo milkeessitan galatoomaa jedhaniiru.

Kantiibaa bulchiinsa magaalaa Naqamtee obbo Masarat Hayiluu gama isaaniin, biyyi keenya filannoo hirmaachisaa ta'e geggeessuun tattaaffii dimokiraasii lafa qabsiisuuf taasisaa jirtu milkeessitee jirti, isinis warri hojicha milkeessuu keessatti qooda keessan bahachaa turtan galatoomaa jedhanii, gara fuula duraattis piroojektoota jalqabaman yeroon xumuramee hawaasa keenya fayyadamaa akka taasisuufi rakkoo bulchiinsa gaarii uummata keenyaa furuuf yoomiyyuu ni hojjenna jedhaniiru.

Bulchaan bulchiinsa ganda Qassoo obbo Gaarummaa Nugusee gama isaaniitiin hawaasaafi dhaabbilee adda addaa ganda keenyaa hojii filannoo marsaa 7ffaa milkaa'inaan akka xumuramuuf qooda isaanii bahan galateeffachuuf sagantaa qophaa'e ta'uu himanii, waadaa uummata keenyaaf seenne milkeessuuf cichoominaan ni hojjennas jedhaniiru.

Dhuma irratti namoota hojii filannoo marsaa 7ffaa milkeessuu keesstti qooda ol aanaa qabaniif beekamtiifi waraqaan ragaa kennameeraaf.