家香移英 - 臘味

家香移英 - 臘味 當初為品牌命名時，
我把「Home」與「Kitchen」放在一起，
有意保留下兩個字母。

H.K.

對我嚟講，
呢兩個字母唔只係「家」的起點，
亦係「香港」的延續。

Homeplace Kitchen，
就係香港味道喺英國落地的地方。

Bringing Hong Kong taste home.

蘇格蘭之旅最後兩日去咗酒廠、睇 Fish Ladder，仲喺 Pitlochry 食咗嗰餐鴨胸。啱啱好，完全冇 overcook，加埋微辣杏桃汁同 mash，真係唔好再話英國冇好嘢食。😋夜晚住咗 Alyth。如果唔係 Expedia 推薦，...
02/08/2026

蘇格蘭之旅最後兩日

去咗酒廠、睇 Fish Ladder，仲喺 Pitlochry 食咗嗰餐鴨胸。啱啱好，完全冇 overcook，加埋微辣杏桃汁同 mash，真係唔好再話英國冇好嘢食。😋

夜晚住咗 Alyth。如果唔係 Expedia 推薦，我未必會揀。點知住落幾舒服，好靜，直情有種與世隔絕嘅 feel。

第二日去 Falkirk Wheel。以前淨係睇相，去到現場睇住佢慢慢轉，感覺真係唔同。

今次去蘇格蘭又係超級藍天。😂 我發覺自己每次嚟蘇格蘭都好好天，所以最後回程又係影咗一堆藍天相。☀️

30/07/2026

呢日行程真係幾密。🤣

先去 Glenfinnan Viaduct，即係 Harry Potter 嗰條火車橋。

好多人一早企定喺山坡，就係等蒸汽火車經過嗰幾秒。火車一出現，大家即刻拎機影相。個畫面真係幾靚。

之後去咗 Eilean Donan Castle。

真係好有蘇格蘭古堡嗰種感覺，難怪成日見到人用佢做明信片。🏰

最後去咗 Loch Ness 附近睇水閘，同埋 Neptune’s Staircase。

我發現自己幾鍾意睇呢啲。🤣

睇住啲船慢慢升、慢慢落，原來都可以睇咗一段時間。

第二日去咗 Oban。呢度好舒服。海鮮當然食咗，而且應該係今次幾日最好食嗰餐。🦪不過，我影得最多嘅，反而唔係海鮮。係個海。🤣準確啲講，係陽光照落海面嗰一刻。我可以企喺度望好耐。海鷗喺水面飄嚟飄去，個海一路閃，好似每一秒都唔同。返到屋企睇返啲...
28/07/2026

第二日去咗 Oban。

呢度好舒服。

海鮮當然食咗，而且應該係今次幾日最好食嗰餐。🦪

不過，我影得最多嘅，反而唔係海鮮。

係個海。🤣

準確啲講，係陽光照落海面嗰一刻。

我可以企喺度望好耐。

海鷗喺水面飄嚟飄去，個海一路閃，好似每一秒都唔同。

返到屋企睇返啲相，先發現自己真係影咗好多個海。

冇特別做啲乜。

企喺度睇吓，已經好舒服。

開工前最後一trip 多年前想去嘅地方，今年終於去咗。🏴󠁧󠁢󠁳󠁣󠁴󠁿講返大學畢業嗰年，其實已經計劃過去蘇格蘭。不過嗰陣仲係學生，冇錢、冇車，計劃做到一半就唯有放棄。之後返咗香港返工，一忙就係好多年。今年朋友嚟咗英國，一句：「不如去蘇格蘭吖。...
27/07/2026

開工前最後一trip

多年前想去嘅地方，今年終於去咗。🏴󠁧󠁢󠁳󠁣󠁴󠁿

講返大學畢業嗰年，其實已經計劃過去蘇格蘭。

不過嗰陣仲係學生，冇錢、冇車，計劃做到一半就唯有放棄。之後返咗香港返工，一忙就係好多年。

今年朋友嚟咗英國，一句：「不如去蘇格蘭吖。」就係咁，終於成行。

原來由第一次諗住去，到今次真正去到，已經隔咗好多年。😆

第一日就有個小插曲。

Google Maps 唔知點解帶咗我哋行山路，結果足足揸咗差唔多兩個鐘頭山路先到 Edinburgh。去到酒店，我隻腳已經痛到唔想郁。😂

不過第一晚住嗰間酒店真係好有古典氣息，成個 Edinburgh 亦都好靚。第二朝個早餐仲好豐富，前一日揸車嘅辛苦，好快就唔記得晒。

旅程，就由 Edinburgh 開始。😊

巡迴搵客｜特別篇：Reading平時巡迴搵客，多數都係咁趕路。今日難得放慢腳步，去探吓兩位一直合作緊嘅客戶。第一站去咗 Mr Fresh。其實一直都想去買佢哋啲肉——肉片方便又快，豬頸肉又唔係周圍都有得買，咁啱順便幫自己個雪櫃補返少少貨😆。...
30/06/2026

巡迴搵客｜特別篇：Reading

平時巡迴搵客，多數都係咁趕路。

今日難得放慢腳步，去探吓兩位一直合作緊嘅客戶。

第一站去咗 Mr Fresh。

其實一直都想去買佢哋啲肉——肉片方便又快，豬頸肉又唔係周圍都有得買，咁啱順便幫自己個雪櫃補返少少貨😆。

之後去咗 米港茶餐廳。

未合作之前，已經有留意佢。一直覺得呢間餐廳好有心思，由門口招牌，到店內字體同地磚，都有返香港新派茶餐廳嘅感覺。

今次終於坐定定食餐飯，順便傾吓近況。

芝士焗豬扒飯好食，而臘腸滑雞煲仔飯，飯粒粒分明，食到尾仲有最緊要嘅飯焦，正😋。

成日忙住出去識新客，當然都要搵時間返去探吓一直支持我哋嘅客戶。😊


#家香
#巡迴搵客
#特別篇

#香港味道

📍 Reading

巡迴搵客日記｜Sheffield琴日去咗 Sheffield。第一站去咗客人介紹嘅一間中超。傾傾下先知，老闆屋企人之前睇過我 YouTube 訪問嗰條片—感謝🥰之後再去另一間中超。未識我哋，不過傾得幾好，約咗下個月再跟進👍🏻返屋企唔趕得切，...
27/06/2026

巡迴搵客日記｜Sheffield

琴日去咗 Sheffield。

第一站去咗客人介紹嘅一間中超。傾傾下先知，老闆屋企人之前睇過我 YouTube 訪問嗰條片—感謝🥰

之後再去另一間中超。未識我哋，不過傾得幾好，約咗下個月再跟進👍🏻

返屋企唔趕得切，揀咗條平時唔會行嘅路。

返屋企嗰陣，冇特登趕時間，揀咗條平時唔會行嘅路。

山路雖然窄，但一路見到羊、牛，同埋好靚嘅天空。

有時搵客搵客，沿途嘅風景先係意外之喜☺️


#家香
#巡迴搵客

#香港味道
📍 Sheffield

端午節祝各位嚟緊糭有好運🥳
19/06/2026

端午節祝各位嚟緊糭有好運🥳

17/06/2026

巡迴搵客日記｜Newton-le-Willows - 後續

仲記得早前巡迴搵客去到 Newton-le-Willows，認識咗 360港味超市。
傾計期間，老闆試咗我哋幾款產品，特別鍾意膶腸，試完讚好食😆

今日有好消息要同大家講🥳
360港味超市，而家有得買家香臘味啦！
每次巡迴搵客，最開心嘅唔一定係當日傾成幾多，而係隔咗一段時間，見到當日種落嘅種子，慢慢發芽🌱

如果你喺 Newton-le-Willows 附近，以後又多一個地方可以搵到我哋啦☺️


#家香
#360港味超市

#巡迴搵客

#香港味道

📍 Newton-le-Willows

巡迴搵客日記｜Newton-le-Willows本來諗住去 Liverpool，輾轉被客人介紹，去咗 Newton-le-Willows 一間港式超市。見到老闆，傾談之間，原來兩年前已經有過聯絡——緣份兜咗個圈，今次終於見到面。傾得愉快，老...
06/06/2026

巡迴搵客日記｜Newton-le-Willows

本來諗住去 Liverpool，輾轉被客人介紹，去咗 Newton-le-Willows 一間港式超市。

見到老闆，傾談之間，原來兩年前已經有過聯絡——緣份兜咗個圈，今次終於見到面。

傾得愉快，老闆更加特別提到想試我哋嘅膶腸。

膶腸一直都係我哋最自豪嘅出品，所以聽到有人主動提起，特別開心☺️

之後老闆介紹咗我去附近嘅港式粉麵餐廳食嘢。

炸醬麵加雲吞。

第一啖入口，真係有種熟悉嘅感覺，一秒返咗香港。

希望嚟緊有機會落座Newton-le-Willows。


#家香
#巡迴搵客

#香港味道

📍 Newton-le-Willows

巡迴搵客日記｜Glasgow 後記好消息陸續有嚟🥳話說上次去蘇格蘭，今日有結果了。萬富行 Matthew’s Foods Glasgow，將會試賣我哋嘅產品。老闆娘一開始有啲猶豫，但最後願意試下，謝謝🥰。而舖頭食過我哋臘腸嘅員工——雖然素未...
23/05/2026

巡迴搵客日記｜Glasgow 後記

好消息陸續有嚟🥳
話說上次去蘇格蘭，今日有結果了。
萬富行 Matthew’s Foods Glasgow，將會試賣我哋嘅產品。
老闆娘一開始有啲猶豫，但最後願意試下，謝謝🥰。

而舖頭食過我哋臘腸嘅員工——雖然素未謀面，謝謝您幫我哋講咗幾句好話。唔知你睇唔睇到呢篇，感謝❤️

Glasgow 嘅朋友，家香臘腸嚟喇！🎉
呢個星期上架試賣


#家香
#巡迴搵客

#香港味道
📍 Glasgow

Address

Unit H Westminster Industrial Estate
Birmingham
DY29SW

Website

Alerts

Be the first to know and let us send you an email when 家香移英 - 臘味 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category