07/06/2026
ბავშვობაში მთელი დღე გარეთ ვიყავი.
ხან ჭიანჭველებს ვაკვირდებოდი, ხან ხოჭოებს, ხან ვარკვევდი ძროხას რატომ ჰქონდა კუდი. 😄
დღეს კი ხშირად ვხედავ, როგორ უხარიათ მშობლებს, რომ 3 წლის ბავშვმა YouTube ჩართო ან რილსების სქროლვა ისწავლა.
არადა, ეს განსაკუთრებული უნარი არ არის.
განსაკუთრებული ის არის, როცა ბავშვს აინტერესებს:
"რატომ?"
რატომ იზრდება მცენარე?
რატომ მოდის წვიმა?
რატომ ამოდის სოკო?
რატომ ანათებს ვარსკვლავი?
ტექნოლოგიის წინააღმდეგი არ ვარ. პირიქით.
მაგრამ ტექნოლოგია უნდა ეხმარებოდეს ბავშვს სამყაროს აღმოჩენაში და არა სამყაროს ანაცვლებდეს.
რილსები გვაჩვევენ შემდეგ, შემდეგ და შემდეგ ვიდეოს.
ბუნება კი გვასწავლის ლოდინს.
დათესავ და დაელოდები.
მორწყავ და დაელოდები.
დააკვირდები და დაელოდები.
სწორედ ამ ლოდინში იბადება ინტერესი, პასუხისმგებლობა და აღმოჩენის სიხარული.
მგონია, რომ ბავშვებს ყველაზე მეტად ახალი გაჯეტი კი არა, ახალი აღმოჩენები სჭირდებათ.
და იქნებ ჩვენი მთავარი ამოცანა ის იყოს, რომ მათ რაც შეიძლება მეტი მიზეზი მივცეთ იკითხონ:
"კარგი, მაგრამ რატომ?" 🌱
