林記海味

15/02/2026

收爐大吉，初七啟市。
林記海味

14/02/2026

提提你，今日2月14日係情人節💘
提提你聽日收爐前，要辦年貨嘅記得今日、聽日12點前嚟⋯ 仲幫到你

🧧【年尾小分享｜收爐前要做D 咩？】

臨近年尾，照我多年經驗，
今年📅 2月15日（年廿八）中午12點，
林記大概就會進入「收爐模式」啦。

其實收爐嗰日，對我哋嚟講都幾有儀式感。
傳統上，夥計會先一齊食餐飯，
食完就落閘，然後——全店大掃除正式開始 🧹老細都要做呀 !

冬菇位、花膠位、
左右兩邊入曬樽嘅鮑魚、
玻璃櫃上面嘅罐頭、
冷氣出風口、天花板……
基本上成個大廳嘅嘢都會移走、拆走、換箱。

老實講，一年入面，
真係得呢一日可以將成個舖頭清空成咁。

但最有趣嘅係——
年年都係一樣，
當我哋啱啱落咗鐵閘，
就總會有朋友趕嚟話：
「可唔可以買少少？」😅

我哋都明白㗎，
好多人都係返工忙，
啱啱放工、公司收爐先衝過嚟辦年貨。

所以提提大家 🙏
👉 記得中午12點前到，
👉 或者早一兩日先嚟慢慢揀。

因為一到收爐，
有啲貨已經入咗雪房，
有啲搬咗去倉庫最入面，
到時就真係想幫你拎都幾困難啦。

提早少少，
唔使趕、唔使急，
慢慢辦好年貨，

多謝大家一年嘅支持，
預祝大家行個好年 ❤️

PS. AI 圖無咁誇張....

11/02/2026

【第二集｜我哋都會做錯：磅數篇】

第二個比較少見，
但我哋都想坦白講清楚嘅問題：
👉 「點解我買一斤，好似少咗？」

首先要講清楚一樣嘢：
乜嘢叫「呃秤」？
即係明知你買一斤，
但俾得15両，
呃少少、積少成多。

但有一種情況，
係屬於 人為錯失。

例如一啲用「磅數」計算嘅貨品，
好似 急凍青邊鮑魚。
如果上一手同事用完磅，
冇手尾將個磅調返做「斤」，
下一位同事又冇察覺，
就有機會出現份量少咗。

呢種情況其實好容易睇得出，
因為通常會 少咗成 200 克左右。
基本上一拎上手，多數即刻察覺；不過臨近年尾太多單，做到人都傻傻地，真係有機會未必即時發現。

如果你咁 "幸運" 遇到呢個情況，
我哋要同你講聲：真係唔好意思。對唔住

處理方法係咁👇
我哋一定會跟進，
同埋同事會被「狠狠懲」

講笑歸講笑，
但原則好清楚：
錯就要認，
唔會推，更唔會當冇事發生。

多謝大家一路信任林記，你哋嘅提醒，
係令我哋做得更好嘅原因。🙏

09/02/2026

趕住講一聲！
林記其實一直都有喺 HKTVmall 上架，
價錢因為平台佣金同運費會比門市貴少少；
呢個大家都明白。

今日準備集中火力做新年貨清貨時，
發現蠔豉、海中蝦乾、青島貝。
近30日一齊入咗 「HKTVmall 海味區熱賣榜 」第8 、第9 、第10位！

今朝即刻同老細講：出個優惠賀一賀佢！

HKTVmall 優惠碼 “LKHAPP50”
即減$50，每人限用一次 名額有限。
用到3月31日

用喺林記海味舖 HKTVmall 產品
有需要就收藏定先

04/02/2026

【第一集｜我哋都會做錯：漏咗件貨篇】

正所謂——
睇人做錯嘢最開心，
間間都讚自己又叻又準又幾勁。

咁我哋就講吓 我哋會做錯啲乜。

第一樣，其實都幾常見：
👉 買咗10樣，漏咗1樣喺側邊。

有時舖頭忙，
貨多、人多、單多，
真係有機會有件貨擺咗側邊，
冇跟埋一齊交俾你。

所以有個小請求 🙏
返到屋企記得 點一點、算一算。
如果真係發現少咗，
可以喺我哋嘅環保袋，
或者你個袋度搵返林記個電話，
打返嚟同我哋講：
• 當時邊位同事幫你
• 你發現漏咗乜嘢

我哋一定會跟進處理。

💡 小提示一
如果你買嘢時自己有張清單寫低買乜，
呢個時候就會發揮最大功用。

💡 小提示二
亦都有一種情況係：
你其實揀咗件貨，
但因為擺咗另一邊，
同事計數時冇計到，
你就會以為「買咗但冇俾你」。

💡 再俾多個貼士
如果你買好多嘢，
可以直接同我哋講一聲，
我哋會俾個 膠籃 你，
將所有貨集中放好，
咁樣會清楚好多 👍

林記唔係完美，
但我哋肯認、肯改、肯負責。
多謝大家一路包容同提醒 ❤️

01/02/2026

🧧【年尾小分享｜收爐前要做D 咩？】

臨近年尾，照我多年經驗，
今年📅 2月15日（年廿八）中午12點，
林記大概就會進入「收爐模式」啦。

其實收爐嗰日，對我哋嚟講都幾有儀式感。
傳統上，夥計會先一齊食餐飯，
食完就落閘，然後——全店大掃除正式開始 🧹老細都要做呀 !

冬菇位、花膠位、
左右兩邊入曬樽嘅鮑魚、
玻璃櫃上面嘅罐頭、
冷氣出風口、天花板……
基本上成個大廳嘅嘢都會移走、拆走、換箱。

老實講，一年入面，
真係得呢一日可以將成個舖頭清空成咁。

但最有趣嘅係——
年年都係一樣，
當我哋啱啱落咗鐵閘，
就總會有朋友趕嚟話：
「可唔可以買少少？」😅

我哋都明白㗎，
好多人都係返工忙，
啱啱放工、公司收爐先衝過嚟辦年貨。

所以提提大家 🙏
👉 記得中午12點前到，
👉 或者早一兩日先嚟慢慢揀。

因為一到收爐，
有啲貨已經入咗雪房，
有啲搬咗去倉庫最入面，
到時就真係想幫你拎都幾困難啦。

提早少少，
唔使趕、唔使急，
慢慢辦好年貨，

多謝大家一年嘅支持，
預祝大家行個好年 ❤️

PS. AI 圖無咁誇張....

24/01/2026

🎉 新年佳節即將來臨 🧧
大家開始準備年貨未呢？

由 1月25日（星期日）起至年廿八，
👉 所有星期日照常營業
🕗 08:00 – 17:00
🕗 08:00 – 12:00 （年廿八）

📞 如有任何查詢，歡迎致電 2548 3977

💡 溫馨提示：
想避開人潮，建議揀 星期日早上 嚟，行得更舒服、買得更開心！

⚠️ 年假安排：
年廿八中午（2月15日）至初六（2月22日）暫停營業
記得留意時間，提早準備年貨啦～

🎊 祝大家新年快樂、行大運！
期待新春再同大家見面 💛

🧧 Chinese New Year is coming! 🎉
Have you started preparing your festive goodies yet?

From 25 January (Sunday) to Lunar New Year’s Eve,
👉 We will be OPEN every Sunday
🕗 08:00 – 17:00
🕗 08:00 – 12:00（15Feb）

📞 For enquiries, please call 2548 3977

💡 Friendly tip:
Visit us on Sunday mornings to avoid peak hours and enjoy a smoother shopping experience.

⚠️ Holiday Notice:
We will be closed from noon on Lunar New Year’s Eve (15 Feb) to the 6th day of CNY (22 Feb).
Please plan your shopping in advance.

🎊 Wishing everyone a Happy & Prosperous New Year!
See you again this festive season 💛

11/11/2025

【每年呢個時候，臘味登場！】

點解臘腸臘肉唔全年都有？
因為「林記」堅持，好味唔可以求其。不時不食。

每年臘味季開始之前，我哋一班林記同事都會一齊開飯試味——
試咸度、試香氣、試油香、試口感。
每條臘腸都要過關，先可以進入量產。
再微調、再改良，務求你每年食到嘅，
都係 嗰個熟悉、香濃又令人回味的味道。

今年嘅臘腸，
香氣依然撲鼻，油潤依舊....

#係咪香港整 #物香港仲有廠整 #邊到黎 #唔好咁肥 #唔好咁廋 #半肥 #林記海味

21/10/2025

如果我哋當年拍廣告，可能會係咁樣㗎 👇（聲畫自行腦補）。

23:00 宣傳易

18/10/2025

簡單啲講： 丁香魚返咗貨

14/10/2025

宣傳易 🤠🏮【原來有兩間林記海味？】

今日有位新客仔話：
「我啱啱喺上環站出咗閘，行咗去文咸西街林記呀！」😆

⚠️等我喺呢度解釋少少 📞 講多少少：

上環 文咸西街73號 係我哋林記海味嘅 批發部，
主要對象係海味業界、進出口商，啲貨通常係「原箱原件、一板一車」咁出。如果你係做生意嘅朋友、做餐廳嘅朋友想批發拎貨歡迎聯絡我哋。
Send個WhatsApp過嚟 9026 1186 了解。
（ 乾瑤柱、海參、大地魚、蝦籽、蝦頭、櫻花蝦 通通都有）

如果你係想買返自己用嘅煲湯料、乾瑤柱、海參、送禮佳品 等等☝🏻就去返 西營盤 威利麻街 林記海味門市啦～
地方寬敞啲，可以慢慢揀、慢慢睇 ❤️

兩個地方一樣係林記海味，
一邊對象業界朋友，一邊招呼街坊朋友，
大家支持我哋咁多年，真係好感激 🙏

📍
批發部：上環文咸西街73號 林記大廈
零售門市：西營盤 威利麻街 8-12 地下C& D
（西營盤站 A1 或A2出口）