14/06/2026
豉油釀製技藝原來係 #非物質文化遺產 ！？ 🤯
喂，你冇睇錯，我哋平時就咁「撈飯」嗰滴豉油，背後嘅釀製技藝，係真·非物質文化遺產嚟㗎！
今日啊叔同你講故佬，拆解吓呢個「非遺」到底係咩料 😎
「豉油釀製技藝（本地醬園）」早喺2014年被列入香港非物質文化遺產清單，編號5.5。
即係話，係香港造豉油呢門手藝，係官方認證，香港人嘅文化寶藏🇭🇰 當中其實唔止豉油㗎，醬料行業入面仲有七種傳統技藝被列入香港非遺清單：豆豉製作、海鮮醬製作、蝦膏蝦醬製作、糯米酒釀製、蠔豉蠔油製作、麵豉製作 - 所以呢個行頭真係不得了！😎
非遺即係咩？簡單講就係「人傳人」嘅手藝、知識同傳統。
豉油釀製技藝點解入到？因為佢符合：
▸ 傳統手工藝 - 由黃豆到豉油，全部靠師傅手藝
▸ 歷史傳承 - 80年歷史，三代人，佛山古法
▸ 社區意義 - 香港人由細食到大，集體回憶！
▸ 濒危風險 - 土地，發展，人口老化，等等唔同因素
呢個非遺清單，只係「記錄」咗呢門手藝嘅價值，並唔代表佢會自動保存落去。
本地醬園面臨幾個危機：師傅年紀大（無新一代入行）、大眾唔識（唔知傳統同工業嘅分別）、成本高（天然生曬至少要等幾個月，工業豉油幾日搞掂）。有啲同行已經搬晒上內地，甚至直接結業。
悦和由1945年做到而家，經歷過三年零八個月、經歷過荃灣搬去古洞、經歷過同行北移嘅浪潮 - 我哋都留喺度，因為我哋信：好嘅味道，係要時間浸出嚟。
80年嚟堅持香港製造，唔係因為我哋叻，而係因為我哋夠固執 - 固執到今時今日都仍然相信香港有空間容納呢門手藝。
非遺要傳承，唔單止靠醬園，仲要靠大家㗎！！
試一次傳統豉油，你就會發現同工業豉油嘅分別，原來真係好大，快啲分享俾你嘅親朋戚友試吋啦～你每一滴支持，就係呢門非遺手藝嘅續命丹😌
