悦和醬園 Yuet Wo 1945

悦和醬園 Yuet Wo 1945 信念：傳統不等於守舊，創新不可以忘本

邊度有得買：
https://goo.gl/maps/H57gNsfz12ePMV148

鍾意辣嘅朋友望一望過嚟～今日就專門想同大家介紹講吓我哋呢款好似我咁「惹火」嘅產品 — 辣椒豆瓣醬！🔥唔好以為呢樽嘢係就咁「豆瓣醬加辣椒」咁簡單！我哋 #辣椒豆瓣醬 係用港式配方打造，香、辣、惹味並存，唔會一味死辣😌成份睇真啲：辣椒、糖、蒜...
18/08/2026

鍾意辣嘅朋友望一望過嚟～
今日就專門想同大家介紹講吓我哋呢款好似我咁「惹火」嘅產品 — 辣椒豆瓣醬！🔥

唔好以為呢樽嘢係就咁「豆瓣醬加辣椒」咁簡單！我哋 #辣椒豆瓣醬 係用港式配方打造，香、辣、惹味並存，唔會一味死辣😌

成份睇真啲：辣椒、糖、蒜、醋、鹽、麻油、馬鈴薯澱粉。就係咁簡單既無添加😌

重點就係蒜肉同麻油 — 蒜嘅香氣同麻油嘅溫潤，為辣味帶嚟多個層次，唔會淨係得個「辣」字。而且佢保留咗粗粒口感，食到辣椒嘅天然辛香。同普通豆瓣醬比，呢支多咗蒜香同麻油香，辣得嚟有層次，唔會「死辣死辣」咁單調。

辣椒豆瓣醬可算係中菜嘅靈魂，只要加一匙，一匙啫，一匙就夠！哇，即刻色香味俱全！
👅炒菜 — 麻婆豆腐、魚香茄子、炒雞丁，加一匙即刻升lv
👅蘸餃子 — 煎到熱辣辣嘅餃子點呢個，惹味到暈
👅拌麵 — 就咁撈麵已經好好味
👅蘸糕點 — 蘿蔔糕、芋頭糕點佢，鹹香辣三種層次

買咗開封之後記得擺雪櫃係最好，keep到最靚嘅香氣同味道。
但如果係對芝麻敏感嘅朋友要留意，因為我哋成份入面有麻油㗎～

未試過？
官網、門市、好多地方都有上架㗎，真係唔好錯過

講起 #桂花糖 ，你係咪淨係諗到桂花糕？😌😌今日啊叔同你介紹吓悦和呢樽 #桂花糖 ，等你知佢嘅玩法多到你估唔到😎首先要話大家知 #悦和桂花糖，同坊間嘅有咩唔同 - 佢絕對唔係一味死甜。我哋成份入面有糖、水、米醋、桂花、鹽，帶微微酸香，...
13/08/2026

講起 #桂花糖 ，你係咪淨係諗到桂花糕？😌😌
今日啊叔同你介紹吓悦和呢樽 #桂花糖 ，等你知佢嘅玩法多到你估唔到😎

首先要話大家知 #悦和桂花糖，同坊間嘅有咩唔同 - 佢絕對唔係一味死甜。我哋成份入面有糖、水、米醋、桂花、鹽，帶微微酸香，平衡咗甜味，怕甜嘅人都可以接受到～打開仲會見到真係一粒粒手揀既桂花乾㗎💯

其次，佢嘅包裝由舊時嘅膠兜仔轉咗做 #玻璃樽，方便儲存，送禮都靚仔。（儲存貼士：未開封常溫可以保存一年。）

啊叔溫馨提示：有人話打開蓋會聞到少少醋酸味，唔使驚，嗰個就係我地d靚米醋嘅味道，令佢食落帶少少酸甜唔會滯！放心食用😌

咁除咗整桂花糕，仲可以點整啊？
1️⃣ 桂花糖山藥 — 20分鐘搞掂嘅冷盤
鮮淮山蒸熟，淋上桂花糖，放涼雪凍就食得。夏天食勁夾，清甜軟糯，仲可以當開胃前菜。

2️⃣ 桂花糖藕 — 有手就得系列
糯米塞入蓮藕窿窿，加紅糖煮2-3個鐘，最後淋上桂花糖，完成！呢個係南京大排檔嘅名菜，原來自己整都唔難。

3️⃣ 杞子桂花糕 — 經典中的經典
桂花糖3湯匙、杞子、冰糖、魚膠粉，混合後雪4小時。清甜花香，仲有明目潤肺嘅功效，食多幾嚿都冇罪惡感😎

4️⃣ 沖水飲 — 最簡單嘅食法
就咁一勺桂花糖加熱水，已經係一杯桂花蜜。冬天飲暖身，夏天加冰飲透心涼。

5️⃣ 湯圓糖水 — 加一勺升呢
煮湯圓或者紅豆沙嗰陣，臨上碗之前加一勺桂花糖，成碗嘢即刻香晒，平凡嘅糖水即刻變高級。

#未試過桂花糖就要快啲上我哋官網了解吓啦

喂！鍾意芫荽嘅朋友，呢篇文係俾你哋嘅😂成日有人問啊叔：「你哋悦和有冇啲特別啲嘅醬油？」有！自推出以嚟就備受「爭議」，大家又愛又恨嘅 #芫抽😂😂 （有人叫佢「莞抽」，總之就係 #芫荽醬油）。唔好諗到咁複雜住，都唔係咩化學味精嘢，只係啊叔我...
07/08/2026

喂！鍾意芫荽嘅朋友，呢篇文係俾你哋嘅😂
成日有人問啊叔：「你哋悦和有冇啲特別啲嘅醬油？」
有！自推出以嚟就備受「爭議」，大家又愛又恨嘅 #芫抽😂😂 （有人叫佢「莞抽」，總之就係 #芫荽醬油）。

唔好諗到咁複雜住，都唔係咩化學味精嘢，只係啊叔我中意食芫荽咁咪撈吓豉油，點知溝到個世一組合，就係芫荽 + 悦和和風豉油咁簡單。呢支芫抽用悦和嘅和風豉油做底，加入芫荽，再配埋梅子醋，令味道更加有層次。
成份睇真啲：水、黃豆、鹽、小麥麵粉、糖、梅子醋、新鮮芫茜。
全部真材實料，冇化學嘢㗎😎
而且你睇吓個樽身標籤，有我個樣，再戴住個「芫茜帽」嘅嘜頭，係咪勁得意先！😂

👅 味道有咩特別？
第一啖係和風醬油嘅清香，然後配合芫荽嘅特殊香氣慢慢浮出嚟，最後仲有梅子醋嘅微酸回甘。呢啲嘢，化學嘢做唔到㗎😎

芫抽嘅用法多到數唔晒：
火鍋蘸醬 — 打邊爐沾點牛肉或各款海鮮，芫荽味出晒嚟
粥品配料 — 用嚟伴食生滾粥嘅鯇魚片，清新提鮮
小食餃子 — 搭配煎得熱辣辣、皮薄餡靚嘅餃子，或者串燒，十分惹味
撈麵撈飯 — 就咁一勺，成碗嘢即刻升呢

#芫茜控真係唔好錯過🔥
#官網有得買啦～

再見了，我哋嘅老伙記😌你知啦，悦和唔止係醬園，仲係 #香港唯一自設蒸釀酒廠嘅醬園。而呢個「唯一」嘅背後，靠嘅唔係咩高科技，而係一部喺悦和屹立咗超過60年嘅蒸餾器。今日啊叔想同大家講一個消息：呢部老伙記，已經光榮退休了😎佢唔係一部普通機器，...
02/08/2026

再見了，我哋嘅老伙記😌

你知啦，悦和唔止係醬園，仲係 #香港唯一自設蒸釀酒廠嘅醬園。而呢個「唯一」嘅背後，靠嘅唔係咩高科技，而係一部喺悦和屹立咗超過60年嘅蒸餾器。

今日啊叔想同大家講一個消息：呢部老伙記，已經光榮退休了😎

佢唔係一部普通機器，而係悦和由荃灣搬到古洞之後，陪住成間廠由1973年走到今日嘅「老伙記」——係香港酒業變遷嘅「見證者」，亦係為悦和生產大量土炮嘅「生產者」。當年同佢一齊喺香港開工嘅同行，好多已經結業、搬走、甚至消失咗，唯獨係佢，陪住悦和由第一代走到依家第三代，運作足超過60年，不離不棄。

呢部蒸餾器主要生產米酒，由雙蒸到四蒸佢都蒸到出黎，佢仲保存住華南地區獨有嘅「玉冰燒」釀製工藝，出品味道醇厚嘅醇舊米酒。釀酒過程中產生嘅酒漿，仲會攞去做醋嘅原材料，一粒米都唔浪費。我哋悦和嘅雙蒸米酒，醇舊米酒，好多好多都有佢留下既足跡。

隨着古洞北發展，悦和廠房面臨收地。呢部為古洞廠度身訂造，有成三層樓咁高既蒸餾器，最終都係留唔住... 雖然佢已經拆咗，但佢釀過嘅每一滴酒，都留喺悦和嘅歷史入面！

下次你見到悦和嘅酒同醋，買一支返去試吓。
你嘅每一滴支持，都係延續緊呢部老伙記嘅精神。

飲嘅係酒，留住嘅係歷史😌
再見了，老伙記。多謝你60年嘅陪伴😌

暑假啦！又到咗飛出去探親嘅季節🛫啊叔我呢排見到好多街坊拖住喼喺商場出現，就知又到咗一年一度「飛去探仔女／探父母」嘅時候😂你諗吓，外地嘅親戚朋友最掛住香港啲乜？一定係食！尤其係某啲地道醬料，外國超市真係可能有錢都買唔到... 今日就同你講清楚...
29/07/2026

暑假啦！又到咗飛出去探親嘅季節🛫

啊叔我呢排見到好多街坊拖住喼喺商場出現，就知又到咗一年一度「飛去探仔女／探父母」嘅時候😂你諗吓，外地嘅親戚朋友最掛住香港啲乜？一定係食！尤其係某啲地道醬料，外國超市真係可能有錢都買唔到...

今日就同你講清楚帶醬料上機嘅規矩，順便推介幾款最啱做手信嘅「方便醬料」😎

🛫 上機前你要知
根據香港機場嘅規定，手提行李入面嘅液體、凝膠類物品，每件容器唔可以超過100毫升。
即係話：所有醬料（豉油、醋、XO醬、甜醋全部計）樽身容量超過100ml，就唔可以手提上機！ 你要睇嘅係個樽寫住幾大，唔係入面仲有幾多。

解決方法有兩個：
寄艙 — 全部醬料、液體、膏狀食品，冇違禁成份就全部托運
買細樽裝 — 如果真係想手提，就揀100ml或以下嘅產品
啊叔提你：最穩陣一定係寄艙，包好啲就唔使煩😂

🔥
🔥 #唔好俾人沒收啊

🎁 手信推介：方便醬料系列
講到手信，啊叔最推我哋嘅 「方便醬料」系列！
成個系列有十幾款：叉燒醬、柱侯醬、海鮮醬、冰花梅醬、沙茶醬、甜麵豉、南乳醬⋯⋯全部齊晒！一支醬搞掂一個菜

叉燒醬就整叉燒、柱侯醬就炆牛腩、冰花梅醬就整梅子鴨 — 開蓋就係個味道，唔使左溝右溝，啱晒外地親戚想隨時煮到香港味😎

210ml呢個容量送禮得體，又唔會太重，寄艙唔怕超重，慳位又慳運費～
呢啲 #香港製造醬料 喺香港周圍都買到，但去到外國真係有錢都未必買得到... 尤其係冰花梅醬、南乳醬呢啲特色嘢 #當然 #我哋會繼續努力做到全世界都有得買悦和㗎啦😌

你又有冇試過帶我哋嘅醬出去呢？留言同我share吓😎

24/07/2026

好多人問我：「啱啱先開始入廚房，悦和咁多款方便醬料，唔知買邊款醬先啱？」

我通常都會答：一樽悦和鮮蒜豉醬就夠晒數！😌 點解特別啱新手？因為最怕就係唔識調味 - 鹹淡自己估、落幾多都心大心細。呢支醬幫你一步到位：鮮磨蒜蓉夠香、豆豉發酵夠濃郁，鹹度已經幫你調好，唔使再自己加生抽老抽估分量，開蓋已經聞到陣陣蒜香豉香。

唔識切蒜頭、剁豆豉都唔緊要，呢樽已經幫你搞掂晒前置工夫，開蓋、拌勻、落鑊或者落蒸架，就係咁簡單，新手都零失敗！😌

#悦和醬園 #鮮蒜豉醬 #懶人廚房神器 #香港製造

啊叔教你煮：夏天煮飯愈簡單愈好 😎天氣熱到咁，企喺廚房對住個爐，真係煮完都冇胃口食😂所以啊叔我夏天煮餸得一個原則：快、簡單、唔使諗。今日介紹呢支 #悦和炆肉混醬 ，正正就係呢種玩法 - 一支醬搞掂晒，唔使自己諗落乜、溝乜，開蓋就係咁簡單😎...
20/07/2026

啊叔教你煮：夏天煮飯愈簡單愈好 😎
天氣熱到咁，企喺廚房對住個爐，真係煮完都冇胃口食😂
所以啊叔我夏天煮餸得一個原則：快、簡單、唔使諗。

今日介紹呢支 #悦和炆肉混醬 ，正正就係呢種玩法 - 一支醬搞掂晒，唔使自己諗落乜、溝乜，開蓋就係咁簡單😎

🤔 點解要買呢支？
你諗吓，如果要炆一煲靚豬手，平時要買幾多醬？
柱侯醬、蠔油、生抽、老抽、冰糖、南乳⋯⋯
又貴又麻煩，買齊都可能要成嚿水，仲要試味試到懷疑人生😂
呢支炆肉混醬 一支搞掂晒——唔使左溝右溝，慳錢、慳位、慳時間。雪櫃細嘅朋友最啱，唔使擺幾支醬霸住晒啲位😎
順手等我分享個食譜俾大家， #一支醬炆豬手，超簡單

材料：
- 豬手 1隻（斬件）
- ⁠悦和炆肉混醬 3-4湯匙
- ⁠薑幾片、冰糖少許、水適量
做法：
- 豬手汆水，洗乾淨
- ⁠熱鑊落油爆香薑片，加豬手炒到金黃
- ⁠加入炆肉混醬炒勻（呢個時候已經香到暈😋）
- ⁠⁠加水（浸到豬手一半），加少少冰糖
- ⁠ ⁠如果中意嘅話可以加啲洋蔥蘿蔔薯仔做配料，隨心配搭都好食🤤
- ⁠大火煮滾，轉細火炆1.5-2個鐘
搞掂！食得！

啊叔話你知：
唔使再加豉油、鹽、糖，因為支醬已經調好味。
鹹甜適中，炆出嚟嘅豬手色澤靚、入味快😎

除咗豬手，雞翼、牛腩、羊腩、鴨、鵝、甚至齋菜都得！萬用嘅，想炆咩都得。最正係夏天炆定一煲，擺雪櫃，第二日翻熱仲入味，唔使日日煮😎

🎉 悦和醬園 新官網登場！啊叔同你逐樣數吓有咩進步咗😎以前成日收到客人DM：「豉油佬，你哋個網喺電話睇好難㩒呀」、「可唔可以PayMe呀？」、「我張單出咗貨未？」你哋嘅聲音，我哋聽到晒。今日啊叔同你介紹吓新官網有咩進化咗😎📱 手機落單超sm...
13/07/2026

🎉 悦和醬園 新官網登場！啊叔同你逐樣數吓有咩進步咗😎

以前成日收到客人DM：「豉油佬，你哋個網喺電話睇好難㩒呀」、「可唔可以PayMe呀？」、「我張單出咗貨未？」
你哋嘅聲音，我哋聽到晒。今日啊叔同你介紹吓新官網有咩進化咗😎

📱 手機落單超smooth - 單手㩒幾下就搞掂
以前有冇試過用手機上官網，要不停放大縮細先㩒到個掣？
新官網支援唔同型號，基本上你單手操作幾下就買完。唔使再同個畫面搏鬥😂

💳 付款一Click即完 - 唔使再WhatsApp傳入數紙
以前買完要手動轉帳，再WhatsApp傳入數紙？真係辛苦晒大家🙏
依家新系統全面升級！PayMe、信用卡、轉數快全部支援，㩒兩下就搞掂，即買即確認，慳時又慳力😌

🔍 搵貨、睇圖更清晰 - 一眼就望到
新官網介面大翻新！高清產品圖加上清晰分類（醬油、醬料、醋類、酒類、油類），想搵招牌甜醋定係頭抽？一眼就望到，唔使㩒來㩒去都搵唔到。
仲有，產品數量比以前多咗好多。以前官網得十幾款產品，而家上咗幾十款，連啲少眾嘢好似潮式椒油、梅子醋、麵豉醬全部上齊晒，唔使再問我哋「有冇貨」😂

👤 全新會員系統 - 查單超方便
以前買完嘢，最頭痕嘅就係：「我張單出咗貨未？我買過啲咩？」
新會員系統幫你搞掂晒！一登入會員專區，訂單狀態、購買紀錄清清楚楚，自己睇返就得，唔使再DM問我哋出貨未，幾時到貨😎

上到去仲有嘢唔明？隨時呢度留言問我😂！
#有咩建議都可以分享我哋隨時改進

「老闆，你哋有冇辣油？」呢句說話，我諗好多醬園同行都聽過😂但講到辣油，到底係四川紅油嗰種？雲吞麵店嗰種？定係潮式椒油嗰種？今日豉油佬我想同大家介紹吓，悦和呢支 #潮式椒油 有咩特別，同一般辣油又有咩分別😎潮式椒油嘅特色係重香不重辣，唔似四...
07/07/2026

「老闆，你哋有冇辣油？」呢句說話，我諗好多醬園同行都聽過😂
但講到辣油，到底係四川紅油嗰種？雲吞麵店嗰種？定係潮式椒油嗰種？
今日豉油佬我想同大家介紹吓，悦和呢支 #潮式椒油 有咩特別，同一般辣油又有咩分別😎

潮式椒油嘅特色係重香不重辣，唔似四川紅油咁麻辣到炸開個口，亦唔似廣東雲吞麵店嗰種辣油咁不慍不火。佢嘅辣係緩緩回辣、漸漸增溫，香氣先行，辣味隨後，食完仲有餘韻😌

🔥 咁悦和樽潮式椒油有咩唔同？
我哋成份好簡單：辣椒乾、辣椒油
冇蝦米、冇乾魚、冇蒜粉、冇增味劑（E621）。

呢個就係悦和嘅做法 - 真·原材料，零化學添加。
你食到嘅就係辣椒本身嘅香同辣，唔會有其他嘢搶味。同坊間其他潮式辣椒油比，人哋可能會加大豆油、糖、乾魚、乾蝦、蒜粉等等。我哋呢款就係 辣椒乾+辣椒油，簡單直接，冇花巧嘢。

咁點食最好？潮式椒油最經典嘅食法，就係撈粉麵😎
以前潮州粉麵店嘅人會咁食：
先攪勻支辣油（因為啲精華喺渣度）
用匙羹蘸少少辣油，撈埋魚露一齊點麵
最後將剩低嘅辣油同魚露倒入湯度，鹹甜鮮香一鑊過

當然，你唔使跟到咁足😂 就咁撈麵、撈飯、點小食、涼拌已經好惹味㗎啦～

買返支擺喺廚房，食麵嗰陣加兩滴，平凡嘅一碗麵即刻升呢😎
啊叔溫馨提示：開咗之後擺雪櫃最好，keep到最靚嘅香氣。

你知啦，我哋悦和自家出品好多款醋㗎嘛今日啊叔我想同你介紹一款比較少眾但勁正嘅嘢 - #悦和梅子醋 😎簡單講，就係用浸咗幾年酒嘅青梅，經過差不多兩年陳釀，等到梅嘅養分經二次醱酵轉化成為各種可以被人體吸收嘅微細分子，色澤又變到金黃色，而且帶有...
24/06/2026

你知啦，我哋悦和自家出品好多款醋㗎嘛
今日啊叔我想同你介紹一款比較少眾但勁正嘅嘢 - #悦和梅子醋 😎

簡單講，就係用浸咗幾年酒嘅青梅，經過差不多兩年陳釀，等到梅嘅養分經二次醱酵轉化成為各種可以被人體吸收嘅微細分子，色澤又變到金黃色，而且帶有淡淡嘅梅子果香+有酒嘅餘韻，呢個時候我就知道，又一枝高質嘅梅子醋出世啦～😌

「梅子醋」同一般「白醋」係兩個世界嘅嘢，介紹你哋幾種食法，可以趁夏天買返去感受吓又酸又開胃嘅感覺😌

1️⃣ 梅子醋梳打（我覺得最正！）
30ml梅子醋 + 梳打水 + 冰塊 + 少少蜜糖
倒落杯嗰下，啲氣泡「炸炸聲」，飲落酸酸甜甜，透心涼！

2️⃣ 梅子醋冰水
10-15ml梅子醋 + 凍滾水，就咁飲已經好好味。
如果屋企冇梳打水，呢個係最快靚正嘅飲法！

3️⃣ 梅子醋沙律汁
梅子醋 + 橄欖油 + 少少鹽，撈勻就係一個開胃沙律汁😎

4️⃣ 梅子醋浸車厘茄
上次教大家用陳醋浸車厘茄，其實梅子醋都得！梅子醋嘅果香仲更加清新～

悦和嘅梅子醋，係真·果實釀造，一滴水都唔溝。同坊間好多嘅味道層次都唔同，呢到你會食到：第一啖係醋嘅酸，然後梅子嘅果香慢慢浮出嚟，最後仲有淡淡嘅酒香回味。
呢啲嘢，化學嘢做唔到㗎😎

買返支擺雪櫃，熱到冇胃口嗰陣，倒杯梅子醋梳打，一啖就回神😌

啊叔溫馨提示：
梅子醋開咗之後，擺雪櫃最好。
同埋飲嘅時候記得稀釋，唔好就咁隊... 除非你好想體驗「酸到盲咗」嘅感覺😂

Address

荃灣街市街33號地下
Tsuen Wan

Opening Hours

Monday 08:00 - 19:00
Tuesday 08:00 - 19:00
Wednesday 08:00 - 19:00
Thursday 08:00 - 19:00
Friday 08:00 - 19:00
Saturday 08:00 - 19:00
Sunday 09:00 - 18:00

Telephone

+85224923354

Website

Alerts

Be the first to know and let us send you an email when 悦和醬園 Yuet Wo 1945 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category