26/04/2026
< 同里 感激同渡館 🙏）
三年前4月中同阿信（書少少店主）加朋友從玉龍樓搬呢兩個櫃到大馬路嘅呢到。
當初純粹唔想棄個層版櫃而諗住放書店，
放咗果到覺得好fit書少少。
小舍主終於面對現實，
書少少同渡館將於5月中完結，
唔想處理都要處理，
今日free出最心愛的卡板櫃了。
有不捨🥲同時又爽爽哋😌，
係門外望入去無個櫃阻住，
終於見到呢間係書店；
入到裏面空間大咗，
終於抖到氣，每下呼吸都深d。
因為怕醜，實在唔會私下同阿信講以下說話，
但又想嗲，覺得呢到講仲易，唔使生勾勾對答，好似無咁難為情🫣。
呢三年都好感謝謝信比機會同里，
比個瘋婦進駐絕對係好大膽同好高忍耐力。
未認識佢時會覺得佢夜晚返工日頭開店太累了吧。
在書少少內觀察了一陣就感受到，
佢唔辛苦，因為在書店佢是吸收能量中，
佢好鍾意自己建立嘅呢到。
反而佢每次掙扎結唔結業，
我心內替佢擔心無呢到佢去邊呼吸，
但都相信佢會再找到令自己活著的地方。
同里同渡正式告一段落。
經歷都係發現果樣嘢對自己有效定無效，
有得失，沒成敗，
一切都是自我觀察嘅過程。
過去現在未來抱對自己及世界好奇心，
溫柔處理，
是一場難忘的實驗🧪，
今生是第一次㗎呢。
同有幸在元朗唯一獨立書店相遇的大家一齊共勉之。
未去買書好去睇 15:00~20:00
祝我買到BIGBANG演唱會飛🤪
