Green House 香港綠屋

Green House 香港綠屋 Contact information, map and directions, contact form, opening hours, services, ratings, photos, videos and announcements from Green House 香港綠屋, Health Food Shop, Yuen Long.

《嚴正聲明》本農場近日發現，有不法分子在網上未經授權，盜用我方照片於社交平台進行虛假宣傳。此等行為動機可疑，嚴重侵害本農場商譽及消費者權益，本農場對此予以強烈譴責，並將保留追究法律責任的一切權利。如各界發現任何相關侵權或假冒行為，請立即通知...
16/07/2026

《嚴正聲明》
本農場近日發現，有不法分子在網上未經授權，盜用我方照片於社交平台進行虛假宣傳。

此等行為動機可疑，嚴重侵害本農場商譽及消費者權益，本農場對此予以強烈譴責，並將保留追究法律責任的一切權利。

如各界發現任何相關侵權或假冒行為，請立即通知本農場，並協助向相關平台進行檢舉舉報，絕不姑息。

客戶嚴正注意：本農場所有產品僅透過官方指定渠道供應，謹防受騙上當，避免購買假冒偽劣產品。

感謝各位一直以來的支持與信任！
香港綠屋

14/07/2026

🌱 七月農場日常 | 出菜實況 🌱

七月嘅天氣熱到爆🥵
不過我哋每日清晨，就已經喺農場開始工作：收菜、揀菜、包裝、出貨
朝早摘菜，晏晝出菜
務求將最新鮮嘅蔬菜送到大家手上。🥬✨

因為通菜同莧菜都生長得好快
所以我哋都要行動得快啲、準啲，先至留得住最好嘅狀態俾大家！

再次感謝各位友好嘅商店同埋朋友繼續支持我哋🙏🏻
正正因為有你哋，我哋先至覺得呢份工作好有意義
可以將時令嘅蔬菜，帶到更多人嘅餐桌度 💚

多謝每一位支持本地農業嘅你！
如想更快知道我哋嘅最新動向
可以加入我哋嘅《綠屋Only Friends》🏡

《合作商舖一覽》再次多謝大家對我哋嘅支持！大家除咗可以繼續喺Google Form訂我地新鮮嘅通菜同莧菜之外，今次我哋仲聯同本地店舖一齊合作🤩🤩大家透過佢地嘅ig同facebook平台都可以買到我哋香港綠屋嘅通菜同莧菜啦～好多謝咁多間店舖嘅...
08/07/2026

《合作商舖一覽》

再次多謝大家對我哋嘅支持！
大家除咗可以繼續喺Google Form訂我地新鮮嘅通菜同莧菜之外，今次我哋仲聯同本地店舖一齊合作🤩🤩大家透過佢地嘅ig同facebook平台都可以買到我哋香港綠屋嘅通菜同莧菜啦～

好多謝咁多間店舖嘅幫忙💚
聽到我哋俾人棄單嘅消息，都樂意分享平台俾我哋寄賣菜菜子～🥹
佢哋本身賣緊各款唔同類型嘅產品
滿足哂大家衣食住行嘅需求
香港人一齊撐本地店！
Swipe去右邊睇吓邊間就你腳🐾

《港島區》
📍野草 Weeds gelato & coffee
北角和富道21-53號和富中心地下B50號舖（B1單元）

位於北角嘅西式咖啡店，主打自家研發嘅意式雪糕（Gelato）同精品咖啡。店主遠赴意大利學師，研發團隊將本地農產品同本土風味融入雪糕之中，例如芫荽雪糕、黃皮雪糕等，另外佢哋亦有提供酸種麵包多士～店內設有「本地菜」區域，歡迎自備環保袋，將本地新鮮菜買返屋企～

《九龍區》
📍EgaoCo .hk
觀塘駿業街66號巧運工業大廈2樓C1室

隱身於觀塘工廠大廈嘅特色選物店。「Egao」喺日文解作「笑容」，店主以此為出發點，悉心搜羅來自世界各地嘅環保產品，希望大家用正面開心嘅態度去嘗試唔同嘅環保產品。同埋佢哋嘅所有產品都係唔經動物測試㗎！除咗係環保小店，佢哋仲有售賣書籍㗎～

📍日常豐作
九龍灣環球工商大廈1樓04室2號房

位於九龍灣嘅裸買環保永續雜貨店。店主細心挑選來自本地優質日常食品、手工藝品與生活良物，由最基本嘅生活需要入手，鼓勵大家自備容器同環保袋，希望推廣貼地嘅環保生活。

《新界及離島》
📍帶包SHOP a.k.a The Bulkshoppers
大埔鄉事會街9-13號大日子商場2樓219-220號舖

位於大埔嘅無包裝裸買店，鼓勵街坊自備容器嚟購買日常糧油雜貨、天然清潔劑以及各式本地優質產品。佢唔單只係一間雜貨店，更加係農夫同消費者之間嘅橋樑，以訂菜單、賣現貨等方式，為社區帶嚟純粹嘅本土味道。

📍一耕 Gaang One
屯門青棉徑6號好發大廈21號鋪

位於屯門紅橋，主打售賣來自香港多個農場嘅本地農產品，並精選各地優質生果、糧油雜貨同急凍食品。佢哋好支持本地農業，每個星期都會更新本地菜菜單，可以俾大家經網上訂購，再到店自取～等屯門人唔使出城都可以買到靚食材。

📍不時 Kairos
需使用不時 Kairos ig入google form訂購

提倡喺啱嘅時間享受最天然、最適合當下身體所需嘅農產，透過農田導賞、在地餐桌、本地農業共購等方面，希望令人由「食」開始重新思考。

📍Lai Green 環保黎雜物店
元朗鳳攸北街11-15號益發大廈1樓26號舖

位於元朗嘅環保生活百貨。店內搜羅咗豐富嘅環保產品、本地品牌清潔用品、本地醬料、飲品、食品，由個人護理到居家清潔應有盡有。用實際行動降低實踐環保嘅門檻，等元朗街坊能夠喺日常消費中，輕鬆實踐對環境友善嘅無塑生活。

📍田嘢 Organic Greenfield
荃灣科技中心1605室
位於荃灣嘅社區支援型農業推廣機構，主打推廣本地漁農美食、醬料，積極推動「食在本地、因時而食」嘅風氣，重新連結城市消費者同香港本土嘅土地。

📍諾丁山烘焙材料專門店
Facebook：諾丁山烘焙材料專門店 Notting Hill Cake
上水龍琛路2A號地下
位於上水嘅烘焙工具及材料店。店內提供種類極為齊全嘅進口烘焙食材、專業器具、模具以及精緻嘅包裝用品。

📍SEED 點籽
西貢醫局街29號
位於西貢嘅環保裸買店。提倡無包裝、秤重購買嘅消費模式，販售優質嘅有機食品、天然個人護理產品、環保家居用品同生活雜貨。希望將環保、減廢、減少過分使用化合物嘅諗法好似種籽一樣散播人心。

繼之前嘅《番茄出城》，今次輪到《正菜出城》，團購嘅產品有綠屋自家種植通菜同紅莧菜～🥬🌱《 你啲菜咁健康無化學農藥～點賣啊？》🧑🏽‍🌾🧑🏾‍🌾📍$18/300g（半斤，有多無少）📍滿$200有九折，歡迎搵埋屋企人/朋友/同事/姨媽姑姐隔離鄰舍...
05/07/2026

繼之前嘅《番茄出城》，今次輪到《正菜出城》，團購嘅產品有綠屋自家種植通菜同紅莧菜～🥬🌱

《 你啲菜咁健康無化學農藥～點賣啊？》🧑🏽‍🌾🧑🏾‍🌾
📍$18/300g（半斤，有多無少）
📍滿$200有九折，歡迎搵埋屋企人/朋友/同事/姨媽姑姐隔離鄰舍一齊夾單

你可以揀：
🥬 通菜 (椒絲腐乳/蝦醬炒都一流)
或/及
🥬 紅莧菜 (蒜炒/金銀蛋無得輸)

《可以喺邊見到我哋？》
🚙 6/7 （一）18:00-19:00 元朗港鐵站（F岀口近的士站）
🚙 7/7 （二）18:00-19:00 大埔墟火車站 （A岀口近巴士站）
🚙 9/7 （四）17:00-17:30 柴灣地鐵站 (祥利街前恒生銀行舖位)
🚙 9/7 （四）18:00-18:30天后地鐵站 （維多利亞公園籃球場旁停車場)

《點樣訂啊？》
👉🏿ig bio click linktree填寫訂購表格，詳情參閱表格

如果有任何問題，歡迎 ig dm / whatsapp 93012136我哋丫

🐝：「呢包係莧菜」

🐝：「呢包係通菜」

🐝：「呢片係菜菜菜菜菜菜菜菜菜菜菜」

嘩嘩嘩！萬眾期待嘅健康群組《綠屋Only Friends》正式上線喇！！一直都收到好多心急嘅朋友仔問有關本地食材嘅團購資訊（包括自家農場農產品、由其他農友引入嘅新鮮蔬果、本地食品副產品）～第一彈💣🔥就係我哋綠屋自家農場嘅蔬菜團購，填咗我哋嘅...
05/07/2026

嘩嘩嘩！萬眾期待嘅健康群組《綠屋Only Friends》正式上線喇！！

一直都收到好多心急嘅朋友仔問有關本地食材嘅團購資訊（包括自家農場農產品、由其他農友引入嘅新鮮蔬果、本地食品副產品）～

第一彈💣🔥就係我哋綠屋自家農場嘅蔬菜團購，填咗我哋嘅Google form +入左我哋whatsapp 社群即可享有團購價八折去買我哋嘅正菜。另外仲可以dm話俾我哋知你哋想喺邊一個區度開團購，我哋會盡力安排，務求令各位都食到鮮嫩爽口嘅本地菜！

《點樣入會😎？》（見圖2）
我哋ig bio擺咗Whatsapp 社群 link，又或者係呢度輕輕一click就即刻入到呢個健康嘅群組啦～
同樣地，ig bio都有個掣直接入到ig group～

Whatsapp 社群：https://chat.whatsapp.com/HvznjV2g9Kj3yTUuPSzKex?s=sw&p=a&ilr=2

Ig 社群：https://www.instagram.com/channel/AbYZbzWwn6oqRPad/

好想快d同大家瘋狂交流！！

《夏日蔬菜祭☀️🌱🥬》種咗一輪柴灣嘅菜菜子終於可以同大家見面啦～～～～🥬🥬🥬今次我哋嘅作物主要分咗香草同埋菜，鮮摘香草 $20/20g (按每種品種計算)，靚菜有莧菜、通菜、芥菜 $20/300g開放時間係16:00-18:00，另收入場費...
01/07/2026

《夏日蔬菜祭☀️🌱🥬》
種咗一輪
柴灣嘅菜菜子終於可以同大家見面啦～～～～🥬🥬🥬

今次我哋嘅作物主要分咗香草同埋菜，鮮摘香草 $20/20g (按每種品種計算)，靚菜有莧菜、通菜、芥菜 $20/300g

開放時間係16:00-18:00，另收入場費大人$50 // 小童（4-12歲）$30 // 幼童（3歲或以下）免費

元朗溫室未來都會考慮開放俾大家摘菜🙆🏻‍♀️🥬 敬請期待😚

報名表格link：ig bio👉Linktree

留意返，填寫報名表=成功預約！我哋好快會Whastapp send預約通知俾大家📩

大家好啊～～～好耐無見🥹雖然天氣太熱，綠屋暫時停止生產士多啤梨同蕃茄，但我哋無停過工㗎💪🏻💪🏽💪🏾依家我哋做緊咩呢？📍元朗溫室現正進行升級同改善工程，預計11月中重開，真係大升級㗎🏋🏻‍♂️靜雞雞話你知，除咗原有嘅溫室之外，嚟緊會新增多種設...
10/06/2026

大家好啊～～～好耐無見🥹
雖然天氣太熱，綠屋暫時停止生產士多啤梨同蕃茄，但我哋無停過工㗎💪🏻💪🏽💪🏾依家我哋做緊咩呢？

📍元朗溫室
現正進行升級同改善工程，預計11月中重開，真係大升級㗎🏋🏻‍♂️靜雞雞話你知，除咗原有嘅溫室之外，嚟緊會新增多種設施同田區，希望為大家帶嚟更舒適同更多唔同嘅體驗～

升級之餘我哋都有種菜㗎，嚟緊會有營養超高嘅紅莧菜同通菜，想食嘅記得留意我哋嘅團購公告🔈

📍柴灣天台
繼續馬照跑舞照跳菜照種！將視乎種植情況開放收割祭～✂️🌱🥬留言估吓我哋種緊咩菜？（無獎）

13/05/2026

原本諗住報Hyrox但太忙唔記得咗報名
先醒起我哋原來日日都玩緊🤡
需要額外訓練可以過嚟調理農務
專業嘅 hyrox training 可以搵

作為農夫，我哋經常都要戶外工作。 嘅t-shirt一直都係我哋嘅不二之選。今季Mont-bell聯同本地插畫家梁奇美 ，推出「The Beauties of HK」特別版Wickron Tee。優質嘅材料上繪製出屬於香港嘅20種生物，成為一...
14/04/2026

作為農夫，我哋經常都要戶外工作。
嘅t-shirt一直都係我哋嘅不二之選。
今季Mont-bell聯同本地插畫家梁奇美 ，推出「The Beauties of HK」特別版Wickron Tee。
優質嘅材料上繪製出屬於香港嘅20種生物，成為一件代表香港生物多樣性嘅作品。

隨衫附送嘅生態小冊子令我哋可以更加深入認識與我哋生活係同一土地上嘅朋友仔。

認識，是珍惜的開始。
讓我哋一齊透過呢件只屬於香港嘅Wickron Tee，令更多熱愛戶外嘅同好者深入認識大自然嘅鄰居。

如果想知多啲，即上
http://montbell.com.hk/thebeautiesofhk/
了解更多啦！

* #山海鄰居*
#穿上身的圖鑑
#香港農夫

多謝大家支持香港綠屋🏡採摘季節正式完季喇！！我哋將暫停公眾採摘至11月雖然期間無開放士多啤梨/番茄採摘不過休季期間我哋keep住會有新搞作‼️🔝 農場將會再升級 🔝🌟 以試驗性質出產精緻農產品🌟 提供更多共融空間 俾大家帶小朋友 同 小動物...
07/04/2026

多謝大家支持香港綠屋🏡

採摘季節正式完季喇！！
我哋將暫停公眾採摘至11月
雖然期間無開放士多啤梨/番茄採摘
不過休季期間我哋keep住會有新搞作‼️

🔝 農場將會再升級 🔝
🌟 以試驗性質出產精緻農產品
🌟 提供更多共融空間 俾大家帶小朋友 同 小動物 過嚟放電⚡️
💚 綠屋採購部正式成立！ 為大家搜羅本地優質農產品

‼️💣嚟緊第一彈: 【綠屋OnlyFriends】💣 ‼️
只要加入我哋嘅WhatsApp 社群，就可以第一時間收到我哋時令嘅本地食材團購資訊
（包括自家農場新產品、其他本地農友引入嘅新鮮蔬果、本地食品副產品）

希望大家多多支持🍀🙆🏻‍♀️
敬請繼續留意我哋嘅動向！🏃🏻‍♂️

Address

Yuen Long

Website

Alerts

Be the first to know and let us send you an email when Green House 香港綠屋 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category