23/12/2025
Si sa konn rivew Enben tande sa….Kò ou fè anpil reyaksyon chak jou san ou pa reyalize poukisa. Men tout sa gen yon rezon.
Reyaksyon sa yo pa fèt pa aza yo gen wòl pou yo jwe: swa pou pwoteje w, alèt ou, oswa kenbe kò a fonksyone nòmal. Men 10 reyaksyon natirèl kò ou fè, ak sa yo vle di:
1. Òkèt
Li parèt lè w ap vale vit, ap respire fò, oswa santi w boulvèse. Se yon fason pou kò a mete fren sou dyafram nan pou di: “Rale fren, ou twò prese!”
2. Baye
Li pa senpleman parese. Baye se yon mwayen pou ogmante oksijèn nan sèvo a epi bese chalè entèn lè w fatige oswa anwiye.
3. *Detire san rezon*
Lè ou santi w detire san ou pa planifye li, se kò a k ap mete sistèm ou an sou pye ankò: li debloke sikilasyon, aktive misk yo epi wete letaji.
4. *Estène*
Lè ou etènye, se kò a k ap mete deyò mikwòb, pousyè oswa polèn. Se yon refleks defans pou netwaye pasaj nen an.
5. *Chè de poul*
Lè w frisonnen, kò a ap eseye konsève chalè oswa fè fas ak laperèz. Se menm jan bèt yo gonfle plim yo pou fè fas ak danje.
6. *Tretman nan je (twiching)*
Si ou santi po je w ap tranble, li ka soti nan mank dòmi, estrès oswa twòp kafeyin. Li se yon siyal ke ou bezwen repo.
7. *Dwèt ki vin plise nan dlo*
Sa ede w pi byen kenbe bagay nan yon anviwònman glise. Se yon adaptasyon kò a devlope pou fonksyonalite.
8. *Kriye san reyal rezon klè*
Lanm dlo je netwaye je a, elimine iritan epi soulaje chaj emosyonèl. Kriye se terapi natirèl.
9. *Ti pantan lè w prèt pou dòmi*
Ti sekous sa yo se sèvo a k ap verifye si tout bagay mache byen anvan ou tonbe nan dòmi fon.
10. *Bliye lè w sou presyon*
Sèvo a, lè li chaje ak estrès, pa gen tan ni espas pou “klasifye” enfòmasyon. Se poutèt sa ou konn bliye bagay fasil.
Kò ou toujou ap voye mesaj. Pa inyore siy li yo.*
Chak sentòm se yon fòm kominikasyon. Koute kò ou, li toujou konnen sa l ap fè. Edem pataje siw te renmen enfomasyon sa yo…
