07/05/2026
Korneyl talo yaqaan baa qaranku ku taagnadaaye, Tuur iyo rasaas iyo colaad laguma taagaa'e, Talis iyo nidaam baa jiroo lagu tanaadaye,
Nin waliba halku tiig sadu talada garsiyaye
Dowladnimo tiir bay leedahoo lagu tanaasula'e,
Tuhun iyo hadal qiiro leh laguma toosnaado'e,
Taliska iyo amniga haddii talo la wada siiyo,
Tallaabada la qaadaa qaranka way u toogtaaye.
Korneylkan talada in loo idmaday baan tuhun katagneyne
Tacab badan habeen iyo dharaar buu tiirka u hayaaye,
Tixgelin iyo maamuus badan talada weydiintiiye, Turaanturo iyo qabyalad midna laguma tuhmaaye.
Galmudug amnigeedii haddii lagu tashaday maanta,
Guddoon iyo awaamiir hadday gacanta ugu dhiibeen,
Gobannimo ku dhehan dowladnimo waa go.aan kiiye
Cidna k**a gadoodaan wixii qaran ku go'aanshaaye.
Dadku qeyla wayn iyo hadal kala go' go'an reebye,
Qaar baa qiiro iyo xanaaq qabadsiinayaaye,
Qaran dumis haddaan laga digtoon qiiqa wuu kaceye,
Qof waliba halkuu joogo waa inuu
qaddariyaa'e.
Amarkii dowladda iyo sharci waa qodob sugane,
Qalbi adag nin loo xilsaaruu qaran ku dhowraaye,
Qofkii diida dowladnimo waa qallooc jiraaye,
Qaran baa ka weyn ruux kastoo qabiil ku qayliyaaye.
Korneyl talo yaqaan baan ahayn nin heyb laqotamiye
Qaran iyo dadkiisuu u yahay qalin iftiimaaye,
Qeyrkii nabadeed iyo amnigu waa wuxuu quudaaye,
Qof waliba ha gartee dalku qaran buu ku taagnaay
Maar Laqe ✍️
