24/07/2026
ਜਵਾਬ
ਫੋਟੋ ਵੇਖ ਕੇ ਅੰਦਾਜਾ ਲਾ ਸਕਦੇ ਇਹ ਕੀ ਕਾਰਣ ਹੋ ਸਕਦਾ ਇਸ ਤਰ੍ਹਾਂ ਪੈਸੇ ਰੱਖੇ ਸ਼ਹਦ ਦੇ ਜਾਰ ਥੱਲੇ??
ਜੇਕਰ ਅੰਦਾਜ਼ਾ ਠੀਕ ਹੋਇਆ, ਤੇਲ ਵਾਲੀ ਮਾਝਾ ਹਲਦੀ 500 ਗ੍ਰਾਮ ਭੇਂਟ ਕੀਤੀ ਜਾਊ ।
ਅਸਲ ਚ ਗਲ ਇਹ ਹੈ ਕਿ ਅਸੀਂ ਆਪਣੇ ਘਰ ਦੇ ਬਾਹਰ ਇੱਕ ਹਲਦੀ ਹੱਟ ਖੋਲ੍ਹੀ ਹੈ ਜਿੱਥੇ ਹਲਦੀ,ਸ਼ਹਦ,ਹਲਦੀ ਦਾ ਅਚਾਰ, ਮਾਂਹ ਵਗੈਰਾ ਲੋਕ ਖਰੀਦ ਕੇ ਲ਼ੈ ਜਾਂਦੇ ਨੇ।
ਅਕਸਰ ਜਦੋਂ ਕਿਤੇ ਘਰ ਜਾਣਾ ਹੋਏ,ਦੁਕਾਨ ਖਿਲੀ ਹੀ ਰਹਿੰਦੀ ਏ।
ਕੋਈ ਲੱਗੇ ਹੋਰ ਦੁਕਾਨ ਹੈ ਨੀ।
ਲੋਕਾਂ ਦੀ ਸਹੂਲਤ ਵਾਸਤੇ ਫੋਨ ਨੰਬਰ ਕੰਧ ਤੇ ਲਿਖਿਆ।
ਅਕਸਰ
ਇੰਞ ਹੁੰਦਾ
ਲੋਕਾਂ ਨੂੰ ਸਾਡੇ ਸੋਦੇ ਦੇ ਮੁੱਲ ਦਾ ਪਤਾ ਹੁੰਦਾ,ਫਿਰ ਕਿਤੇ ਦੁਕਾਨ ਤੇ ਨਾ ਹੋਈਏ,ਓ ਸੌਦਾ ਲ਼ੈ ਜਾਂਦੇ ਤੇ ਪੈਸੇ ਸਾਹਮਣੇ ਰੱਖ ਜਾਂਦੇ।
ਇਹ ਸੀ ਅਸਲ ਵਜ੍ਹਾ
ਕਿਸੇ ਨੇ 520 ਦਾ ਕੁਝ ਖਰੀਦਿਆ
ਓਦੇ ਪੈਸੇ ਸ਼ਹਦ ਦੇ ਜਾਰ ਥਲ਼ੇ ਰੱਖ ਤੇ।
ਕਈ ਤੇ ਖਾਤੇ ਚ ਪਾ ਦਿੰਦੇ ਪੈਸੇ।
ਨਾਲ ਹਦਾਇਤ ਦੇ ਜਾਂਦੇ
ਭਾਈ ਸਮਾਂ ਖਰਾਬ ਆ
ਕੋਈ ਸਮਾਨ ਚੁੱਕ ਕੇ ਲ਼ੈ ਜੁ
ਦੁਕਾਨ ਤੇ ਰਿਹਾ ਕਰੋ......
ਅਸਲ ਚ ਮੈਂ ਸੋਚਦਾ ਹੁੰਦਾ
ਕਿ ਅਜੇ ਤੱਕ ਐਹੋ ਜਿਆ ਕੁਝ ਵਾਪਰਿਆ ਤੇ ਨੀ ਸਾਡੀ ਹਲਦੀ ਹੱਟ ਤੇ।
ਬਾਬੇ ਦੀ ਮੇਹਰ ਹੈ।
ਲੋਕ ਬੜੇ ਜਿੰਮੇ ਵਾਰ ਤੇ ਇਮਾਨਦਾਰ ਨੇ।
ਇਹ ਜਿੰਮੇਵਾਰੀ ਤੇ ਇਮਾਨਦਾਰੀ ਵਾਲੀ ਗੱਲ ਸਭ ਤੱਕ ਪਹੁੰਚਾਉਣੀ ਜਰੂਰੀ ਹੈ।
ਮਾੜੇ ਮਹੌਲ ਬਾਰੇ ਤੇ ਚਰਚਾ ਹਰ ਕੋਈ ਕਰਦਾ
ਪਰ
ਇਮਾਨਦਾਰੀ ਵਾਲੀ ਗੱਲ ਓਹਲੇ ਰਹਿ ਜਾਂਦੀ।
ਓ ਚਰਚਾ ਹੋਣ ਦੀ ਹੱਕਦਾਰ ਹੈ।
ਇੰਞ ਹੀ
ਇੱਕ ਦਿਨ ਮੈਂ ਕਿਤੇ ਗਿਆ ਸਾਂ ਦੁਕਾਨ ਖਿਲੀ ਚਢ ਕੇ
ਕਿਸੇ ਕੁੜੀ ਦਾ ਫੋਨ ਆਇਆ
ਆਖਦੀ ਹਲਦੀ ਲੈਣੀ ਸੀ ਭਾਜੀ
ਮੈਂ ਆਖਿਆ ਚਿਰ ਲੱਗੂ ਜਾਣਾ ਮੈਨੂੰ
ਤੂੰ ਲ਼ੈ ਲਾ ਹਲਦੀ ਜਿੰਨੀ ਲੈਣੀ,ਪੈਸੇ ਨੰਬਰ ਦਿੱਤਾ, ਓਥੇ ਭੇਜ ਦੇ
ਓਨੇ ਫੋਨ ਕ ਪੈਸੇ ਨੀ ਰੱਖੇ ,ਆਖਦੀ ਏਥੇ ਰਖ ਦਿੰਦੀ ਆ
ਠੀਕ ਆ
ਏਨੇ ਨੂੰ ਫਿਰ ਫ਼ੋਨ ਆ ਗਿਆ
ਓ ਕਿਸੇ ਹੋਰ ਮੁੰਡੇ ਨੂੰ ਹਲਦੀ ਵੇਚ ਕੇ ਓਦੇ ਕੋਲੋਂ ਪੈਸੇ ਲ਼ੈ ਕੇ ਓ ਵੀ ਹੌਲੀ ਜੀ ਦਸਦੀ
ਆਹ ਮੁੰਡੇ ਨੂੰ ਨੀ ਦਸਿਆ ਕਿ ਕੋਈ ਹੈ ਨੀ ਸੀ ਦਕਾਂਨ ਤੇ,
ਮੈਂ ਓਦੇ ਤੋਂ ਓਹਲੇ ਆਹ ਪੈਸੇ ਰਖ ਦਿੰਦੀ ਆ, ਲ਼ੈ ਲਿਓ।
ਚੰਗਾ ਭਾਜੀ
ਸਤਿ ਸ੍ਰੀ ਆਕਾਲ।
ਹੁਣ ਦੱਸੋ ਐਹੋ ਜਹੀਆਂ ਕਈ ਬਾਤਾਂ ਤੇ ਜਿਹੜੀਆਂ ਅਕਸਰ ਵਾਪਰ ਜਾਂਦੀਆਂ।
ਲੋਕਾਂ ਦਾ ਭਰੋਸਾ ਬਣਿਆ ਰਵ੍ਹੇ।
ਹਾਂ ਸੱਚ ਓ ਹਲਦੀ ਲ਼ੈ ਕੇ ਗਏ ਸਨ ਜਿਹੜੇ ਸ਼ਹਦ ਦੀ ਸ਼ੀਸ਼ੀ ਥੱਲੇ ਪੈਸੇ ਰਖ ਕੇ ਗਏ।
MAJHA FOODS Bhupinder Singh Bargari Jagmeet Singh Pannu
