24/07/2025
വാക്കിലും, പ്രവർത്തിയിലും, പെരുമാറ്റത്തിലും സത്യസന്ധത ഉണ്ടാവുക എന്നത് സ്വാഭിമാനം ഉള്ളവരിൽ നിന്നും മാത്രം പ്രതീക്ഷിക്കേണ്ടതാണ്.🙏
നമ്മുടെ സ്വാർത്ഥ ബോധത്തിന് പരിധി നിശ്ചയിക്കുന്നയിടത്താണ് നമ്മളിലെ മനുഷ്യത്വം വേറിട്ട് നിലക്കുന്നത്.❤️
നേടാനുള്ളത് എന്ത് തന്നെയായാലും നമ്മുടെ നേട്ടം മറ്റുപലരുടെയും തകർച്ചയ്ക്ക് ആക്കം കൂട്ടിയിട്ടാകരുത്. മാർഗ്ഗമല്ല ലക്ഷ്യമാണ് പ്രധാനം എന്ന തിരിച്ചറിവിലും സത്യസന്ധത, അന്തസ്സ് കൈമോശം വരാതെയിരിക്കണം.‼️
തേനിൽ ചാലിച്ച വാക്കുകൾ തിരെഞ്ഞെടുക്കാൻ പാടവമുള്ളവർക്ക് അതേവാക്കുകളെ നമ്മുടെ സ്വാർത്ഥ തീരുമാനങ്ങൾക്കുള്ള പരിചയാക്കുവാനും കഴിയും. 🤨
പക്ഷേ, അപ്പോഴും ചിലരുടെ മനഃസാക്ഷി തിരുത്തുവാൻ ശ്രമിക്കും. അതേ മനഃസാക്ഷിയെ ബോധ്യപ്പെടുത്താനായി നമ്മൾ നമ്മളുടേതായ കുറച്ചു നിഗമനങ്ങൾ, ന്യായികരണങ്ങൾ ഒക്കെ കണ്ടെത്തും, പ്രചരിപ്പിക്കും.
നമ്മുടെ ലക്ഷ്യത്തിനായി നമ്മൾ ഇരയാക്കിയവരിൽ ചിലർ വീണ്ടും നമ്മളെ വിശ്വസിക്കും, നമ്മൾ പുതിയ ഇരകളെയും കണ്ടെത്തും‼️
നമ്മളിൽ നിന്നും പല തിക്താനുഭവങ്ങൾ നേരിട്ടവർ സ്വയമേവ അകലം പാലിക്കും.
ചോദ്യങ്ങൾ ഉയർത്തുന്നവരോടെ നമ്മൾ അന്ധരും, ബധിരരും, മൂകരുമായി അഭിനയിക്കണം⁉️
കൂടുതൽ ന്യായികരിക്കുന്നവനാണ് ഇന്നിന്റെ ശരി. കാലചക്രം ഇനിയുമുരുളും, ഇന്നിന്റെ ശരികൾ, ന്യായികരണങ്ങൾ ഒക്കെയും തിരുത്തപ്പെടും.
പുതിയ കാൽവെപ്പുകൾക്ക് ഊഷാര ഭൂവൊരുക്കിയ കണ്ണീർക്കണങ്ങൾ ഒരു കാട്ടുത്തീയായി പിറക്കാതിരിക്കട്ടെ.
അസ്തിത്വം മറന്നകന്നവർക്ക് ശുഭയാത്ര.❤️🙏
"ഒന്നിച്ചുപോന്നവരിടയ്ക്കു മടങ്ങിയേക്കാം...
നന്നെന്നു ചൊന്നവര് നാളെ മറിച്ചുചൊല്ലാം...
തന്നുറ്റ ബാന്ധവര് തളര്ന്നു നിലം പതിക്കാം..."‼️
