12/03/2026
📍ठिकाण: भालेवाडी, ता. मंगळवेढा, जि. सोलापुर
📅 ११ मार्च २०२६
मंगळवेढा तालुक्यातील भालेवाडी येथे विकसित होत असलेल्या ग्रामीण पर्यटन उपक्रमाची पाहणी प्रभारी जिल्हाधिकारी तथा जिल्हा परिषद सोलापूरचे मुख्य कार्यकारी अधिकारी मा. कुलदीप जंगम यांनी केली. मुख्यमंत्री समृद्ध ग्राम पंचायत अभियानांतर्गत गावातील विविध विकासकामांसोबतच ग्रामीण पर्यटनाच्या संकल्पनेची माहिती देण्यात आली.
यावेळी हुरडा पार्टीसाठी तयार करण्यात आलेल्या ठिकाण,शिवारतसेच निसर्गरम्य परिसराची पाहणी करण्यात आली. शेतात तयार झालेल्या ताज्या ज्वारीपासून पारंपरिक पद्धतीने हुरडा भाजण्याचा कार्यक्रम आयोजित करण्यात आला होता. मान्यवरांनी शिवारफेरी करत ग्रामीण जीवनशैलीचा अनुभव घेतला.
भालेवाडी येथे विकसित होत असलेल्या "मिल्क अँड मिलेट व्हिलेज" संकल्पनेमुळे ग्रामीण पर्यटनाला चालना मिळून स्थानिक नागरिकांना रोजगाराच्या संधी उपलब्ध होतील, असा विश्वास उपस्थितांनी व्यक्त केला.
या प्रसंगी पंचायत समिती मंगळवेढाच्या गटविकास अधिकारी डॉ. जास्मिन शेख, विस्तार अधिकारी नलवडे, गटशिक्षणाधिकारी दर्शन मेहता, उपकृषी अधिकारी प्रशांत काटे तसेच महिला व बाल विकास प्रकल्प अधिकारी सुवर्णा जाधव,ग्रामविकास अधिकारी दत्तात्रय गायकवाड, तालुका व्यवस्थापक (उमेद) उमेश डांगे, डॉ. बुगडे, कृषी अधिकारी अभिजीत तावदारे, सुजित गायकवाड (बांधकाम विभाग), केंद्रप्रमुख रावसाहेब सूर्यवंशी, सरपंच डॉ. श्रीकांत दवले, उपसरपंच उषा गवळी, मुख्याध्यापक तानाजी कळकुंबे,कृषी पर्यटन तज्ज्ञ रमेश खळदकर, संवाद तज्ज्ञ नितीन सुकळीकर तसेच क्षेत्र समन्वयक भूषण महाजन तसेच अंगणवाडी सेविका, बचत गट प्रतिनिधी व पर्यटन समिती सदस्य असे सुमारे ५६ ग्रामस्थ उपस्थित होते.
milkandmilletvillage aquatourism Maharashtra Tourism Zp Solapur
