Sadri Bikash

27/02/2025

तोर प्यार में मोके हर पन्ना भरेक हाइक
कुछ तोर नाम करेक हाइक
कुछ मोर नाम करेक हाइक
तो कुछ पन्ना में समाज कर लागिन
सियाही ढलेक हाइक
तोर प्यार में मोके हर पन्ना भरेक हाइक।

✍️✍️✍️ प्रकृति कर औलाद

07/06/2023

सादरी भाषा में दोहा !____एगो प्रयोग।

छौउवा मनले सीख
------------------------

पढ़बे लिखबे तब होबे बुद्धि कर पम्पाल,
अनपढ़ रहले लागी रे जिनगी हों जंजाल।

पढ़बे लिखबे तब कहीं आगे बढ़बे तोय,
आगे बैढ़ जई सभे रे पिछवाय रहबे तोय।

ज्ञान ले आयो-बाबा भेजेल तोके इस्कूल,
मोबाइले पागल रहीस करीस बड़ेगो भूल।

पढ़बे लिखबे तब कहीं बनबे तोय रे नवाब,
अनुशासन कर नाम नई देवीस उल्टा जवाब।

✍️✍️✍️ राम कुमार राणा

21/04/2023

छोटे से प्रयास सादरी भाखा मानवा मन कर जागरूक ले।
! गर्व से कहोथो !
मोय हेको जोडेक भाखा सादरी ।
बड बुजुर्ग कहेना सादरी नागपुरी
तभ्हे तो सौबे भाखा में मेसा रहोन सर्वोपरि ।।
गुहाइर विनती आहे भाई बहिन सब से ।
उठा जागा माँय भाखा आत्मसम्मान ले ।।
निंदाल सुतल उदास आहा काले?
मतभेद छोईड आगे आवा अपन आधिकार ले ।
कतई दिन रहबु वंचित और अंधार में ।।
मिली जखन मोके मान्यता सरकार से ।
ईन्जोत होवी खुशहाली आवी गोटा समाज में ।।
✍️✍️✍️हरि कुजूर

22/02/2023

बंजर भूमि कर फ़सल

आइख बंद करोन तो
जिन्दगी खूबसूरत नज़र आवेल
आइख खोलते ही जीवन में
अंधेरा छावेल
का होलाक का नहीं
कुछ भी मोके पता नहीं
बस एतना जानोन
सीज़न लखै कभी कभार बात होलक
केयर देखाले
बंजर भूमि के फ़सल लायक बनाले
तोय प्रेम कर बीज बोले
कोरा कागज़ में रंग भाइर देले
मोके तोर से प्यार होलाक
तोके सब पता रहे
इ जाइन के भी
तोय टाइम पास करोत रहले
बार बार पूछलो मोय
केहो अउर पसंद आहे होले बताएदे
मोय साइड होई देबू
मोके मोहब्बत होलक मोर गलती रहे
ना ना करते बात के टाइल देले
मोहो तोके पसंद करोन कहिके
हर बार अपन ओर खींचते गेले
दिल में उतीर गेले।
कीटनाशक ज़हर देले
दिल में दर्द होवेल
बताओ मरहम लगाएक कहां जाबू?
अब तो देखभाल भी नी करिस
फ़सल उगाए के तो इसने छोइड़ देले।

✍️✍️✍️ प्राकृति कर औलाद

12/02/2023

✍️✍️✍️अमोश कुजूर

10/02/2023

तारीफ में का कहबू तोर
कामती आहे शब्द मोर

मोए अंधरा हल तो अंधरी हेकिस
मोए लुल्हा हल तोए लंगड़ी हेकिस
मोए खुदरा हल तोए नोट हेकिस
मोए जैक हल तोए पॉट हेकिस

मोए जींस हल तोए शर्ट हेकिस
मोए टिप हल तोए टॉप हेकिस
कया भरल, लाल पाईर साड़ी हेकिस
माेय दुई पहिया हल तोए चाइर चकवा हेकिस

मोए चकू हल तोए तरबूज हेकिस
मोए खूंटी, तोए देवार मजबूत हेकिस
मोए डिसना हल तोए चादर हेकिस
मोए बगीचा तोए हुआ कर फूल हेकिस,

चड़ चड़ रौउद में छाई हेकीस
केकरों बेटी केकरो माई हेकिस
केकरो एक्स केकरो वाई हेकिस
मोए हॉटस्पॉट तोए वाईफाई हेकिस

मोए फुचका, तोए पानी खट्टा हेकिस
मोए ठंडा हल तोए चादर मोट्टा हेकिस
बिन बदरी बरसात हेकिस
मोए चंदा हल तोए दान हेकिस

मोए पिपनी हल तोए आइंख हेकिस
नाचिस हल मेंजुर और उकरो से सुंदर पांईख हेकिस
लक्ष्मी घर कर, लाज हेकिस
सुंदर एकठो याइद हेकिस

मोए मोटा तोए ढेलकी हेकिस
मोए लम्बा तोए नाक चेपटी हेकिस
मोए बुड़बक हल तोए धोनती हेकिस
मोए पियाजी हल तोए आलूचोप हेकिस

अउर का कईह देबू तोर तारीफ़ में
कमती आहे शब्द मोर।

✍️✍️✍️ अभिजीत नाग

05/02/2023

04/02/2023

बगनिया महिला मजदूर
=×=×=×=×=×=×=×=×=×=×

डुवार्स तराई पहाड़ में
हरियर चाह बगान हय
बगान हय बगनिया हय
अउर बगनिया मनकर
अलगे एगो दुनियाँ हय
विभिन्न ढेरे पद हय
मुंशी हय बहिदार हय
कामदारी हय सरदार हय
चौकीदार हय दफादार हय
पियून हय चपरासी हय
डायबर हय खलासी हय
बिजली वाला तेल वाला
दवई वाला स़फई वाला
पानी वाला डाक वाला
हेन वाला तेन वाला
फिटर हय जोगाड़ी हय
साहेब कर बंगला हय
बेहरा हय बावर्ची हय
फूल हय माली हय
मरदे मनले सब पद खाली हय
महिला मजदूर कर हिस्सा में
चाह बूदा हय चाह पत्ती हय
जंगल हय माटी हय
सांप हय पतबिछी हय
गोजर हय तुम्बिल हय
कांटा हय कुशा हय
ठेंगी हय ठनठनिया हय
चाह बगान में महिला मनक
अलगे एगो दुनियाँ हय
नझो रिटायर होवतले
मुड़ में झाड़न हय पीठ में झोला हय
एक बेर काम लेलक कि
समैझले होय गेलक

✍️✍️✍️राम कुमार राणा

04/02/2023

NBU में जारी करल सूचना कर कारण पूरा दुवार्श तराई में हल चल माइच जाहे।
अचानक से अगर परीक्षा अंग्रेजी भाषा में देवेक पड़ी होले छवा मन काइसन देबै जे मन आइज तक हिंदी में ही परीक्षा देते आवाथै।
प्रशासन कर इ सब नीति शिक्षित होवेक से रोकेक में लाइग जाहे इसन में तो पूरा तराई दुवार्श कर विद्यार्थी मन मानसिक तौर पर भी अपंग होई जबै।
समय समय में सरकारी खेल चलते रही और जेमन के इकर लगिन आवाज़ उठायेक चाही उमन तमाशा देखबै भविष्य तो उमनकर ख़राब होई जेमन बगान कर आहै ग़रीब घर से आहै आदिवासी भाई बहिन।

इसन परिस्थिति जहां सब कुछ खाली थोपल जायेल मौका अच्छा आहे शादरी भाषा के लिए के प्रस्ताव रखाल जाओक अउर तराई दुवार्श कर भविष्य मनले सुविधा कर ओर जोर देवाल जाओक।

बंगाल में जिस तरह कर नीति एक कर बाद एक अपनाल जाथे का पता काइल का होई। हिंदी संगे सौतेला व्यवहार परिस्थिति बहुत ख़राब होई अवेक वाला दिने।

दाबी रखल जायेक चाही शादरी भाषा के लेई के ताकि हमरे कर छवा मनके भी असानी होई पढ़ें लिखे में।

जोहार 🙏🙏🙏

17/01/2023

पहला नागपुरी कवि घासी राम महली जी के उकर जयंती में शत् शत् नमन 🙏🙏🙏

जोहार 🌱🌱🌱

10/01/2023

रोहन तिर्की जी के बहुत बहुत अउर शुभकामनाएं 👏👏👏💐💐💐