Malabar Honey And Food Park

01/06/2026

Europian Tourists enjoyed Malabar Honey And Food Park pvt Ltd

27/05/2026

14/05/2026

കേരളത്തിന്റെ നിയുക്ത മുഖ്യമന്ത്രി ശ്രീ വി.ഡി. സതീശന് ഒരു തുറന്ന കത്ത്
പ്രിയപ്പെട്ട മുഖ്യമന്ത്രിയേ,

കേരളത്തെ ഇക്കാലങ്ങളിൽ പലരും 6000 ലക്ഷം കോടിയുടെ കടബാധ്യതകളുടെ ഭാരത്തിൽ മുങ്ങിക്കൊണ്ടിരിക്കുന്ന ഒരു കപ്പലായാണ് കണ്ടുകൊണ്ടിരുന്നത്. എന്നാൽ അതേ സമയം, ഈ നാടിനെ പ്രതിസന്ധികളിൽ നിന്ന് കരകയറ്റാൻ മുന്നിട്ടിറങ്ങിയ ഒരു പ്രത്യാശയുടെ പ്രതീകമായാണ് ഇന്ന് കേരള ജനത താങ്കളെ കാണുന്നത്. അതുകൊണ്ടുതന്നെ, താങ്കളുടെ ചുമലുകളിൽ അതീവ ഗൗരവമുള്ള ഉത്തരവാദിത്വമാണ് നിക്ഷിപ്തമായിരിക്കുന്നത്.

കല്ലും മുള്ളും കുപ്പിച്ചില്ലുകളും നിറഞ്ഞ, വിഷപ്പാമ്പുകളും വ്യാഘ്രങ്ങളും പതിയിരിക്കുന്ന ഒരു ദുര്‍ഗമമായ പാതയിലൂടെ തന്നെയാണ് ഈ ദൗത്യവുമായി താങ്കളുടെ ഭാവിയാത്ര. എന്നാൽ ചരിത്രം നമ്മെ പഠിപ്പിക്കുന്നത്, വലിയ പ്രതിസന്ധികൾ വലിയ നവോത്ഥാനങ്ങൾക്ക് വഴിയൊരുക്കുമെന്നതാണ്.

ആധുനിക ചൈനയുടെ ശില്പികളിലൊരാളായ ഡെങ് ഷിയാവോ പിങ്ങിന്റെ ദൂരദർശിത്വവും, “20 years comprised into a day” എന്ന മാവോ സേ തുങ്ങിന്റെ അതിവേഗ വികസന ചിന്തയും ചൈനയേ എങ്ങനെ മാറ്റിമറിച്ചോ .... അതേ
ചിന്ത ഉൾക്കൊണ്ട് കേരളത്തിനും അതേ പോലെ ഒരു “Great Leap Forward” അനിവാര്യമാണ്. ശക്തമായ ദൂരദർശനവും കൂട്ടായ നേതൃത്വവും ഇല്ലാതെ ഈ ദുരവസ്ഥയിൽ നിന്ന് നമ്മുടെ നാടിനെ ഉയർത്തിക്കൊണ്ടുവരാൻ കഴിയില്ല.

കഴിഞ്ഞ ഏതാനും ദശകങ്ങളിൽ മിഡിൽ ഈസ്റ്റും യൂറോപ്പും നമ്മുടെ യുവാക്കളുടെ പ്രതീക്ഷയായിരുന്നു. എന്നാൽ ആ സാധ്യതകൾ ഇന്ന് ചുരുങ്ങിക്കൊണ്ടിരിക്കുകയാണ്. ഇനി നമ്മുടെ യുവാക്കൾക്ക് സ്വന്തം നാട്ടിൽ തന്നെ തൊഴിൽ ലഭിക്കണം. നല്ല ജീവിത നിലവാരവും, ആത്മാഭിമാനത്തോടെ ജീവിക്കാനുള്ള അവസരവും, ആഘോഷവും സന്തോഷവും നിറഞ്ഞ ഒരു സാമൂഹികാന്തരീക്ഷവും ഇവിടെ തന്നെ ഉണ്ടാകണം.

അതിന് കേരളത്തിൽ:

സംരംഭങ്ങൾ വ്യാപകമായി ഉയർന്നുവരണം

വ്യവസായങ്ങൾ വളരണം

ലോകോത്തര അടിസ്ഥാന സൗകര്യങ്ങൾ വികസിക്കണം

സംരംഭക സൗഹൃദ അന്തരീക്ഷം സൃഷ്ടിക്കണം

ടൂറിസം അതിവേഗം വികസിക്കണം

സംരംഭകരെ വെറും നികുതി അടക്കുന്നവരായി കാണാതെ, നാടിന്റെ യഥാർത്ഥ ആസ്തികളായി സർക്കാർ കാണണം. ഒരു സംരംഭം ആരംഭിക്കുന്ന വ്യക്തിക്ക്, അത് Break Even Point എത്തുന്നതുവരെ ഒരു മെന്ററെ സർക്കാർ നിയോഗിക്കണം. എല്ലാ ലൈസൻസുകളും പരമാവധി ലഘൂകരിച്ച് ഒരാഴ്ചയ്ക്കുള്ളിൽ ലഭ്യമാക്കണം.

വ്യവസായ ആവശ്യങ്ങൾക്കായുള്ള കെട്ടിടങ്ങളുടെ:
പെർമിറ്റ് ഫീസ്,കെട്ടിട നികുതി
അനാവശ്യ പേപ്പർ വർക്കുകൾ,
നൂലാ മാലകൾ, കാലതാമസം
എന്നിവ ഒഴിവാക്കണം.
ഓരോ ജില്ലയിലും ഇതിനായി ഗ്രീൻ ചാനൽ സംവിധാനം ഏർപ്പെടുത്തിയാൽ നല്ലത്

കാരണം, ഒരു സംരംഭം ആരംഭിച്ചാൽ അതിൽ ഏറ്റവും കൂടുതൽ ലാഭം നേടുന്നത് പലപ്പോഴും സർക്കാരാണ്. അസംസ്കൃത വസ്തുക്കളുടെ വാങ്ങൽ നികുതിയിലും വിൽപ്പന നികുതിയിലും ആദായ നികുതിയിനത്തിപോയി
സർക്കാർ ആദ്യം തന്നെ വലിയ വിഹിതം നേടുമ്പോൾ, എല്ലാ ചെലവുകളും കഴിഞ്ഞ് സംരംഭകനു ചെറിയൊരു ലാഭം പോലും കിട്ടാൻ പ്രയാസപ്പെടുന്ന അവസ്ഥയാണ് ഇന്നുള്ളത്.

സംരംഭങ്ങൾ വർധിച്ചാൽ:

തൊഴിലവസരങ്ങൾ വർധിക്കും

ജനങ്ങളുടെ വരുമാനം ഉയരും

ജീവിത നിലവാരം മെച്ചപ്പെടും

കേരളത്തിന്റെ സാമ്പത്തിക അടിത്തറ ശക്തമാകും
അതുവഴി സുസ്ഥിര വികസനം സാദ്ധ്യമാകും

അതുപോലെ തന്നെ, ടൂറിസം മേഖലയെ കേരളത്തിന്റെ ഭാവി സമ്പദ്‌വ്യവസ്ഥയുടെ പ്രധാന ശക്തിയായി കാണേണ്ട സമയം എത്തിയിരിക്കുന്നു.

ടൂറിസം കൊണ്ടു മാത്രം സമ്പന്നമായി ജീവിക്കുന്ന പല രാജ്യങ്ങളിലൂടെയും യാത്ര ചെയ്യുമ്പോഴാണ് നമ്മുടെ കൊച്ചു കേരളത്തിന്റെ അസാമാന്യ സൗന്ദര്യം എത്രമാത്രം അപൂർവമാണെന്ന് നമുക്ക് മനസ്സിലാകുന്നത്. പ്രകൃതി ഭംഗിയിലും, കാലാവസ്ഥയിലും, മനുഷ്യവിഭവ ശേഷിയിലും കേരളം ലോകത്തിലെ മികച്ച പ്രദേശങ്ങളിലൊന്നാണ്. മറ്റു പല രാജ്യങ്ങളിലേതിന്റെ പകുതി ചെലവിൽ, അവിടങ്ങളിലേതിനേക്കാൾ ഇരട്ടിയായ സൗകര്യവും അനുഭവസമ്പത്തും കേരളത്തിൽ സൃഷ്ടിക്കാൻ നമുക്ക് കഴിയും.

എന്നാൽ നമ്മുടെ സമൂഹത്തിൽ ഇപ്പോഴും അമിതമായ സദാചാരബോധവും, ദുരഭിമാനവും, യാഥാസ്ഥിതിക ചിന്തകളും വികസനത്തിന് ചിലപ്പോഴൊക്കെ തടസ്സമാകുന്നുണ്ട്. വിദ്യാഭ്യാസ നിലവാരത്തിൽ മുന്നിൽ നിൽക്കുന്ന കേരളം, ചിന്താഗതിയിലും കൂടുതൽ വിശാലത കൈവരിക്കേണ്ട സമയമാണിത്.

അതുപോലെ, എന്തിനും ഏതിനും പ്രതിഷേധം മാത്രം സൃഷ്ടിക്കുന്ന രാഷ്ട്രീയ സംസ്കാരവും, യാഥാർത്ഥ്യബോധം നഷ്ടപ്പെട്ട ചില പരിസ്ഥിതി സമീപനങ്ങളും കേരളത്തിന്റെ പുരോഗതിക്ക് തിരിച്ചടിയാകുന്നുണ്ട്. വികസനവും പരിസ്ഥിതിയും പരസ്പരം ശത്രുക്കളല്ല; മറിച്ച് സമതുലിതമായി മുന്നോട്ട് കൊണ്ടുപോകേണ്ട രണ്ട് ചക്രങ്ങളാണ്. അതിനാൽ എല്ലാവരും കൂടുതൽ യാഥാർത്ഥ്യബോധത്തോടെയും ഉത്തരവാദിത്വത്തോടെയും പ്രവർത്തിക്കേണ്ടതുണ്ട്.

സർക്കാർ സംവിധാനങ്ങൾ കൂടുതൽ കാര്യക്ഷമമാക്കുകയും, സമയബന്ധിതമായ തീരുമാനങ്ങളും ഉത്തരവാദിത്വബോധത്തോടെയുള്ള പ്രവർത്തന ശൈലിയും ഉറപ്പാക്കുകയും വേണം. ഒരു സാധാരണ പൗരനും സംരംഭകനും സർക്കാർ ഓഫീസുകളെ ഭയത്തോടെ അല്ല, വിശ്വാസത്തോടെ സമീപിക്കാനാകുന്ന സാഹചര്യം സൃഷ്ടിക്കണം.

കടൽത്തീരങ്ങളും മലനിരകളും പുഴകളും കായലുകളും മഴയും പച്ചപ്പും ഒരുമിച്ചുള്ള കേരളം — ശരിയായ ദിശാബോധവും ശക്തമായ നേതൃത്വവും ഉണ്ടെങ്കിൽ ലോകത്തിന് മുന്നിൽ മാതൃകയായൊരു നാടായി മാറാൻ കഴിയും. ലോകത്തിൻ്റെ ടൂറിസ്റ്റ് പറുദീസ ആക്കി മാറ്റാൻ സാധിക്കും.

ആ വലിയ ഉത്തരവാദിത്വം താങ്കൾ ധൈര്യത്തോടെയും ദൂരദർശിത്വത്തോടെയും ഏറ്റെടുത്തു വിജയിക്കട്ടെ എന്ന് ഹൃദയം നിറഞ്ഞ പ്രാർത്ഥനകൾ. ആശംസകൾ !!

സ്നേഹപൂർവ്വം,
ഒരു കേരളീയൻ

03/05/2026

Reviews of inturns @ malabar Honey