06/05/2026
🪇 Sabor Latino – matar og menningarviðburður í Kolaportinu 9.–10. maí
Um næstu helgi sameinar nýi matar- og menningarviðburðurinn Sabor Latino það besta úr mat, tónlist og menningu Mið- og Suður-Ameríku í Kolaportinu, Tryggvagötu 19.
✌🏼 Þrír af fremstu matarvögnum landsins munu leiða saman hesta sína:
Mijita, sem býður upp á kólumbískan mat, ásamt The Food Truck og La Buena Vida, sem bæði koma frá Mexíkó.
🌮 Allir þrír vagnarnir hafa verið í fremstu röð á Götubitahátíðinni undanfarin ár. The Food Truck bar sigur úr býtum á hátíðinni í fyrra, La Buena Vida hafnaði í þriðja sæti og Mijita hlaut hin virðulegu „Best in Show“ verðlaun árið 2025.
💃🏻 Auk glæsilegs matarúrvals verður boðið upp á iðandi stemningu, salsadans, lifandi tónlist og fjölbreytta afþreyingu fyrir alla fjölskylduna. Þar á meðal verður hefðbundin piñata og andlitsmálning fyrir yngstu kynslóðina.
🥟 Aðgangur er ókeypis og allir velkomnir til að njóta og upplifa sanna latínó-stemningu í hjarta Reykjavíkur.
