Hjá Jóhönnu

15/06/2026

Athugið!

04/06/2026

Tillaga dagsins

Núna bendum við fólki á að koma við hjá vinum okkar í fiskbúðinni eftir fiskmetinu en her ætlum við að deila dásamlegu fiskisúpunni hennar tengdamömmu.

1 stór laukur
2 stk gulrætur
1 stk kúrbítur ( voru að koma nýjir í morgun)
1 msk smjör
2 msk Hveiti
7 dl. Vatn
1 grænmetisteningur
2 fiskiteningar
2 1/2 dl rjómi
Salt og pipar
Fiskur eftir smekk

Einföld og sérstaklega góð súpa, hægt að setja hvaða fisk sem menn kjósa í hana og ég miða oftast við ca 2 flök í einfalda uppskrift

Fyrir þá sem ekki vilja fisk þá stendur þessi súpa alveg sem góð máltíð ef menn vilja sleppa fiskinum en um að gera að prófa sig áfram með það.

Ég setti þorsk í hjá mér og af því ég elska fisk þá var ég ekki að spara hann. En hér var elduð súpa fyrir 10 manns

En ég gleymdi mér aðeins í myndatökunum og hætti í miðju klíðum að taka myndir

30/05/2026

Moldin er mætt!

28/05/2026

Höfum aðra tillögu að kvöldmat í dag

Núna er það pizza, það er hægt að gera allskonar útgáfur af pizzum og brauðstöngum jafnvel marga daga í röð án þess að fá samskonar mat. Listinn er endalaus. Við komum hér með nokkrar hugmyndir

27/05/2026

Tillaga að kvöldmat

Hvað er betra en svið, kartöflustappa og rófur a svona rigningardegi

19/05/2026

Tillaga dagsins

Suma daga þarf maður bara eitthvað einfalt

Kartöflur skornar í teninga (og nóg af þeim) og steiktar á pönnu. Kryddað eins og hentar hverjum og einum.

Kjötbúðingur skorinn í teninga og settur útí þegar kartöflurnar eru byrjaðar að eldast. Þetta er síðan látið eldast ásamt lauk, papriku, sveppum, brokkólí eða hvaða grænmeti sem er til í ísskápnum. Best að setja ljótt grænmeti í af því ljótt er betra ef það er eldað 😉

Börnin gáfu þessu allavega toppeinkun

07/05/2026

Tillaga dagsins er kjúklingasalat

Ég gerði þetta salat í gær og er að borða kalda afganga af því núna á meðan ég skrifa þessa færslu og mæli mjög mikið með.

Ég notaði læri í staðin fyrir bringur en það var bara af því ég tók það út úr frystinum

Ég átti ekki til klettasalat svo ég notaði bara lambhagasalat sem er hvort sem er vinsælla hjá börnunum. Ég átti ekki til balsamik edik svo ég notaði rauðvíns. Og við bættum við ristuðum furuhnetum.

Ég hafði helminginn af því sem eg gerði í skál og helminginn þannig að hver og einn g*t blandað sínu saman eins og menn vilja

https://gerumdaginngirnilegan.is/uppskrift/kjuklingasalat-med-vinberjum-og-fetaosti-bbq-hunangssosu

05/05/2026

Við viljum minna á að við getum tekið við slökkvitækjum sem þið viljið láta yfirfara!

https://www.vesturbyggd.is/stjornsysla/utgafa-og-auglysingar/frettir/yfirferd-slokkvitaekja-5/?fbclid=IwdGRjcARmtglleHRuA2FlbQIxMQBzcnRjBmFwcF9pZAo2NjI4NTY4Mzc5AAEet35FGxvIT82rz2BYYFc7jhglvOQs1hRvz-YJTtfjjEcncypuQ7dF1rgRDXo_aem_ZwcbAyLftqQE7WIVWwEzng

Öryggismiðstöðin mætir með starfsemi sína dagana 4.-8. maí og tekur á móti slökkvitækjum í hleðslu og yfirferð.

30/04/2026

Það er komið grænmeti og kjöt fyrir helgina. Allskonar í boði fyrir alla!
Minnum á að það er opið frá 11:00-15:00 á morgun, 1 maí!

28/04/2026

Tillaga dagsins í dag er tvennt, svona í tilefni dagsins

Fyrst er saltkjöt, rófur og kartöflur, jafnvel baunasúpa

Hitt er sveppasúpa

Hér er góð súpa, ljótir sveppir eru tilvaldir í súpur og sósur og við eigum svo sannarlega nóg af ljótum sveppum.

Ég bjó til svona súpu í síðustu viku og bjó þá til hvítlaukssmjör líka og við smurðum svo venjulegt heimilisbrauð með því, smá ost yfir og inn í ofn

https://ljufmeti.com/2012/07/04/sveppasupa/