17/09/2026
مفتول عم ينفتل 🤭 ومفتول انفتل🤔 ومفتول ع النار بتهبل😳 ومفتول عم ينفرك😥 ومفتول عم يتبرد🤫 ومفتول صار بتلاجة🤨ومفتول بعد ساعة راح يتسلم للمحلات⌚⌚⌚⌚
وكل هدا والحمد والشكر لله بطلت اجيبلكم سيرته لان صار ينشغل ويروح ع المحلات بشكل يومي بدون لا دعاية ولا اعلان وكل يوم عم تزيد الكميات والطلبيات🌹🌹 يمكن تعبت كتير زمان بس اليوم مفتول نابلس ما بده لا دعاية ولا اعلان اليوم مفتول نابلس في القمه ☑️☑️☑️
نصيحة من مجرب لا تركن ع الدعاية والاعلان ليوصل منتجك اركن ع منتجك والجودة تبعته♥️♥️♥️ حافظ انو يضل ممتاز يتقدم ما يتراجع☑️ خود بملاحظات زبوناتك واسمعلهم💝 مثلا انا كتير زبونات من سنين حكولي صغري حجم الحبة وفعلا سمعت كلامهم.. كتير زبونات حكولي لا تحطي ملح وانتي تفتلي بكفي طعم الملح يلي بالقمح وفعلا بطلت حط ملح بالمره☑️☑️☑️☑️
واليوم انا وصلت لدرجة في محلات كتير عم تطلب مني يكون عندها مفتول نابلس وانا مش قادرة اغطي كل الكميات المطلوبة مني والحمد والشكر لله 🙏
ليش مش قادرة انتج كميات كبيرة تغطي المطلوب من محلات جديدة عشان بدي اضل محافظة على جودة مفتولي وحبته الحلوة وهدا كله بده وقت كبيرررررر كل يوم كل يوم كل يوم كل يوم.... مش مهم عندي بس ابيع كميات كبيرة الاهم عندي احافظ على زبوني.... وصح مهم يزيد عدد الزباين بس الاهم انو يمدح مفتول نابلس بشكل مستمر ويضل يقول مفتول نابلس كل مرة بطبخه او باكله بطلع اطيب من المره يلي قبلها👌
وهدا كله بده تعب ومجهود كبير لاوصل اله💪💪💪💪
كيف بتعرفي انو مفتول نابلس غيرررررررررررر👌 انا بجاوبك بالدليل
انو موسم المفتول الطبيعي بالشتا........بس مفتول نابلس عم ينطلب بالصيف بنفس كميات الشتا يعني صار عند الزباين ادماااااااان💃💃💃
اليوم زبون مفتول نابلس بضل يلف كل المحلات ليلاقي مفتول نابلس اذا بده يطبخ مفتول ما برضى اي مفتول غير مفتول نابلس
عشان بده مفتول نابلس ما بده غيره والله مش غرور ثقة بشغلي واديش تعبة لوصلت لهي الثقة بشغلي ومن زبوناتي 👍💪
اليوم المحلات يلي عندها مفتول نابلس بتحكيلي مش مهم نربح من بيع مفتولك المهم انو بنشوف زبون بفوت خص نص ع الباب بسال في مفتول نابلس اذا في بكمل وبفوت ع المحل وبتسوق اذا ما كان ضايل عنا بلف حاله وبطلع وشووووو بدي احسن من هيك نتيجة بعد تعب سنين👌👌👌
خلي جودت منتجك تحكي عن نجاحك.. ووصولك لحلمك بده صبر وايمان بده امانه واتقان بده محافظتك ع مستوى عالي من ثقة الزباين فيكي لانو ولا مرة منتجك خيب ظنهم وثقتهم فيكي ☝️☝️☝️☝️
ومش مهم يكون عندك الف منتج👌👌👌 ركزي على منتج... اثنين... ثلاثة... يكونوا بالقمه والكل يستنى متى تعلني انو بلش موسم منتج معين افضل من الف منتج ولا واحد فيهم ناجح والزباين ممكن تلاقيه بكل مكان🤔🤔🤔🤔
اليوم في القمه 👌👌👌👌
#وتحددددددددددددي
الله بعينكم انا بغيب بغيب😂 وبرجع بكتب جريدة يلي كملت قرأة تصلي ع النبي❤️
