11/05/2023
5 មិនបន្ទោស 6 មិនជេរស្ដី៖
កូនក្មេងធម្មតាមិនអាចចៀសផុតពីការធ្វើខុសនោះទេ ប៉ុន្តែការស្តីបន្ទោសកូនក្មេងក៏ត្រូវមានវិធីសាស្រ្តដែរ។ ពាក្យសម្ដីដែលបាននិយាយចេញ ប្រៀបដូចការចោះទឹកក្នុងធុងចោល អ្នកចោះអាចភ្លេចទៅបាន ប៉ុន្តែកូនក្មេងដែលត្រូវចោះវាប្រាកដជាចងចាំទៅដល់ពេលធំឡើង។
#5មិនបន្ទោស៖
1.មិនបន្ទោសកូនខ្សោយ
សមត្ថភាពរបស់មនុស្សម្នាក់សុទ្ធតែមានកម្រិត ដូច្នេះប្រសិនបើមានអ្វីមួយដែលកូនមិនអាចធ្វើបាន ក៏ជារឿងធម្មតាដែរ។ លើសពីនេះទៅទៀត ភាពវៃឆ្លាត និអំណោយទានក៏មានច្រើនប្រភេទណាស់ដែរ មិនពូកែខាងមុខនេះ ក៏គង់តែពូកែខាងមុខផ្សេងដែរ។
2. មិនបន្ទោសពេលកូនសួរច្រើន
កូនក្មេងតែងចង់ដឹង មានពេលខ្លះសួរចាំតែឆ្លើយគឺល្មមហត់ ប៉ុន្តែពេលខ្លះសួរមនុស្សចាស់ក៏មិនដឹងឆ្លើយយ៉ាងណាដែរ។ ប៉ុន្តែអាស្រ័យតែសំណួរ និងចម្លើយនេះហើយ ដែលកុមារបានរៀនយល់ពីពិភពលោកនៅជុំវិញខ្លួនពួកគេ កុំព្រោះតែការបាត់បង់ភាពអត់ធ្មត់ ដែលមើលរំលងទាំងសំណួរឆោតល្ងង់បំផុតរបស់ក្មេង។ ត្រូវពន្យល់យ៉ាងល្អិតល្អន់ មិនដឹងក៏ត្រូវស្រាវជ្រាវ និងពន្យល់ឡើងវិញអោយក្មេងយល់ នេះហើយគឺជាការបណ្តុះបណ្តាលចំណេះដឹងសម្រាប់ក្មេង។
3. កុំបន្ទោសកូន ៗ ព្រោះតែគ្រោះថ្នាក់ចៃដន្យ
អ្នកណាក៏ធ្លាប់ប្រហេសដៃប្រហេសជើងដែរ បែកបាក់ឬជំពប់ជើងដួលទាំងអស់ គឺអាស្រ័យតែមិនសំណាង។ ក្នុងនាមជាឪពុកម្តាយ មិនគួរអោយតែមានកំហុសអ្វីមួយចេះតែស្តីបន្ទោសកូនៗ ដែលបណ្តាលឱ្យកុមារពេលមានបញ្ហាមិនហ៊ាននិយាយ ។
4.មិនបន្ទោសកូនធ្វើអ្វីក៏យឺតយ៉ាវ
ទើបរៀនមិនអាចស្ទាត់ ទើបធ្វើមិនអាចលឿន យឺតប៉ុន្តែមាំល្អ ប្រសើរជាងលឿនដោយធ្វេសប្រហែស ។ ប្រសិនបើក្នុងពេលធ្វើការមិនផ្តោតអារម្មណ៍ ធ្វើតាមវិធីអោយតែរួច... គឺសមនឹងត្រូវស្តីបន្ទោស ប៉ុន្តែប្រសិនបើកុមារបានព្យាយាមយ៉ាងម៉ត់ចត់ ទោះបីមិនបានរហ័សរហួនដូចកូនរបស់គេឯងក៏ដោយ ក៏សមតែទទួលបានការលើកទឹកចិត្តនិងសសើរដែរ។
5. មិនបន្ទោសកូនព្រោះតែគ្នាឈឺ
មានមនុស្សជាច្រើន កូនឈឺទោះបីមិនខ្វល់ខ្វាយ និងមើលថែក៏ពិតមែន ក៏នៅតែរអ៊ូរទាំព្រោះតែកូនបែបនេះបែបនោះទើបឈឺ ត្រូវបង់ខាតចំណាយលុយទិញថ្នាំគ្រប់សព្វបែបយ៉ាង។ ពេលមានជំងឺឈឺស្កាត់ គឺនៅពេលដែលរាងកាយមនុស្សយើងចុះខ្សោយបំផុត ស្មារតីក៏ចុះខ្សោយ ហើយងាយនឹងមានអារម្មណ៏ថាអាណិតខ្លួនឯង។ ខ្លួនឯងជាកុមារមិនមែនចង់អោយខ្លួនឈឺនោះទេ ហេតុអ្វីត្រូវស្តីបន្ទោសចំពោះរឿពិបាកគ្រប់គ្រងបែបនេះ?
#6មិនជេរស្ដី៖
1. មិនត្រូវជេរស្តីកុមារនៅកន្លែងដែលមានមនុស្សច្រើន
កិត្តិយសគឺជាអ្វីមួយដែលមនុស្សគ្រប់គ្នាតែងមាន មិនថាមនុស្សធំឬកូនក្មេង។ ដូច្នេះការស្តីបន្ទោសក្មេងៗនៅកន្លែងមានមនុស្សច្រើន កាន់តែធ្វើឱ្យពួកគេមានអារម្មណ៍ខ្មាស់អៀន និងអន់ចិត្តច្រើនតែប៉ុណ្ណោះ។
2. កុំជេរស្តីនៅពេលកូនដឹងកំហុស
នៅពេលដែលកុមារដឹងពីកំហុសរបស់ខ្លួន មិនគួរស្ដីនាំថែមទៀតនាំតែអាសារបង់ គួរតែណែនាំចង្អុលប្រាប់ទៅកុមារធ្វើដូចម្ដេចទើបត្រូវ។
3. កុំជេរស្តីកូននៅពេលយប់
ការស្តីបន្ទោសកូនរបស់អ្នកនៅពេលនេះ អាចបណ្តាលឱ្យកូនអ្នកមានអារម្មណ៍ថាអាណិតខ្លួនឯង ធុញទ្រាន់នឹងការដេក គេងមិនបានស្កប់ស្កល់ ថែមទាំងគេងជួបសុបិន្តអាក្រក់ក៏ថាបាន។
4. កុំជេរស្តីកុមារក្នុងពេលទទួលទានអាហារ
រាល់ពាក្យរិះគន់ ស្ដីបន្ទោស ចាំក្រោយពេលញ៉ាំរួចចាំនិយាយ។
5. កុំជេរស្តីពេលកូនកំពុងតែសប្បាយចិត្ត
កុមារកំពុងតែសប្បាយរីករាយតែត្រូវស្តីបន្ទោសមិនខុសពីកំពុងដើរលេង ជួបខ្យល់ព្យុះនោះទេ។ ការផ្លាស់ប្តូរភ្លាមៗ អាចបង្កឱ្យស្មារតីបាត់ភាពនឹងនរ ដែលជះឥទ្ធិពលដល់ការអភិវឌ្ឍរបស់កុមារ។
6. កុំជេរស្តីកុមារ ពេលកុមារកំពុងមានរឿងមិនសប្បាយចិត្ត
រាល់ការរិះគន់នៅពេលនេះ នឹងធ្វើឱ្យអារម្មណ៍របស់កុមារកាន់តែអាក្រក់ថែមទៀត បង្កើតសម្ពាធផ្លូវចិត្តកាន់តែច្រើនអោយកុមារ។ រាល់សម្ពាធទាំងនេះ ប្រសិនបើមិនត្រូវបានរំសាយនោះទេ អាចនាំឱ្យមានផលវិបាកដែលមិនគួរអោយនឹកស្មាន។
- japanese beauty supplements
