02/05/2025
នាថ្ងៃសុក្រ ៦កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែឧសភា ឆ្នាំ២០២៥ លោក មុត មេសា គ្រូបង្រៀនឧត្តមសិក្សា លោក ស្រុី ស្រេង ជំនួយការមន្ទីរពិសោធន៍ម៉ាស៊ីនត្រជាក់ និងក្រុមការងារ GIM AC Service Team បានចូលរួមធ្វើបទបង្ហាញដោយផ្ទាល់ក្នុងវគ្គបណ្តុះបណ្តាលស្តីអី« ការដំឡើង និងថែទាំម៉ាស៊ីនត្រជាក់» នៅវិទ្យាស្ថានបច្ចេកវិទ្យាកម្ពុជា មណ្ឌល តេជោ ហ៊ុនសែន ចំការដូង។
គោលបំណងសំខាន់ៗ នៃវគ្គបណ្តុះបណ្តាលនេះ គឺផ្តល់នូវចំណេះដឹងទៅកាន់ប្អូនៗនិស្សិតឱ្យបានស្គាល់ពីប្រព័ន្ធម៉ាសុីនត្រជាក់ សម្ភារ: និងឧបករណ៍សំខាន់ៗសម្រាប់សេវាកម្មជួលជុល និងថែទាំម៉ាសុីនត្រជាក់ផងដែរ។
ចុងបញ្ចប់ នៃវគ្គបណ្តុះបណ្តាលនេះទៀតសោត ក្រុមនិស្សិតបានអនុវត្តជាក់ស្តែងជាមួយក្រុមការងារ GIM AC Service Team ដោយផ្ទាល់ និងបានយល់ដឹងពីតំហែទាំប្រព័ន្ធម៉ាស៊ីនត្រជាក់ប្រកបដោយប្រសិទ្ធភាព។
យើងខ្ញុំតំណាងឱ្យ GIM AC Service Team សូមគោរពអរគុណដល់ឯកឧត្តមនាយកវិទ្យាស្ថានបច្ចេកវិទ្យាកម្ពុជា លោកគ្រូនាយកវិទ្យាស្ថានបច្ចេកវិទ្យាកម្ពុជា មណ្ឌល តេជោ ហ៊ុនសែន ចំការដូង លោកគ្រូអ្នកគ្រូនៅក្នុងដេប៉ាតឺម៉ង់ទេពកោសល្យឧស្សាហកម្ម និងមេកានិច ដែលបានផ្តួចផ្តើមវគ្គបណ្តុះបណ្តាលនេះឡើង។ សូមអរគុណដល់ លោកគ្រូឧទ្ទេស ក្រុមការងារ GIM AC Service Team និងប្អូនៗនិស្សិតទាំងអស់គ្នា ដែលបានចូលរួមក្នុងវគ្គបណ្តុះបណ្តាលនេះ។ សូមអរគុណ!
