Glow & Grow Snacks

10/02/2025

21/03/2023

ជាការពិតណាស់ បាត់បង់អ្នកខ្ញុំគ្មានអារម្មណ៍សោកស្ដាយអ្វីសូម្បីតែបន្តិច ព្រោះរយៈពេលដែលកន្លងមកនេះ គឺខ្ញូំប...

16/03/2023

💛រៀនរស់នៅជាខ្លួនឯង
💛ធ្វើដើម្បីខ្លួនឯង
💛បារម្មណ៍ពីខ្លួនឯង
💛ស្រឡាញ់ខ្លួនឯង
💛ធ្វើជាទីប្រឹក្សាសម្រាប់ខ្លួនឯង
💛អនុលោមនិតិវិធីដោយខ្លួនឯង
💛មានច្បាប់ទម្លាប់សម្រាប់ខ្លួនឯង
💛មានគោលការណ៍ប្រចាំខ្លួន
💛ចេះកំណត់ព្រុំដែន
💛ចេះរស់នៅដោយភាពជាខ្លួនឯង
💛យល់អំពីស្ថានភាពខ្លួនឯង
💛ស្វែងរកអ្វីថ្មីសម្រាប់ខ្លួនឯង
🫶🏻មានរចនាប័ទ្មជាខ្លួនឯង
🫶🏻មានទស្សនៈផ្ទាល់ខ្លួន
🫶🏻មានបេសកម្មសម្រាប់ជីវិត
🫶🏻មានភាពបន់បែន
🫶🏻មានបញ្ហាចេះដោះស្រាយ

16/03/2023

ពេលវេលាពីមួយថ្ងៃទៅមួយថ្ងៃគឺលឿនខ្លាំងណាស់ ប្រសិនអ្នកមិនបានត្រៀមខ្លួនសម្រាប់ការរស់នៅប្រចាំថ្ងៃនោះប្រចាំថ្ងៃរបស់អ្នកក៏គ្មានន័យអ្វីដែរ!
សំនួរសម្រាប់សួរខ្លួនឯង
- កំពុងចង់បានអ្វី?
- ត្រូវការអ្វី?
- ចង់ធ្វើដំណើរទៅកាន់ទីណាមួយ?
បន្ទាប់អ្នកត្រូវស្វែងរក៖
• វត្ថុបំណង
• ចំណុចខ្វះខាត
• ស្គាល់អំពីគោលដៅ
• និងស្វែងរកវិធីទៅកាន់ទីកន្លែងនោះ។

13/03/2023

អ្នកត្រូវការភាពឥតខ្ចោះ សុំទោសដែលខ្ញុំមិនអាច
អ្នកត្រូវការអ្នកដែលមិនបង្កើតកំហុស សុំទោសដែលខ្ញុំបង្កើតកំហុស
អ្នកត្រូវការអ្នកដែលល្អគ្រប់១០ សុំទោសដែលខ្ញុំមិនល្អដូចដែលអ្នកចង់បាន
អ្នកត្រូវការអ្នកពូកែ សុំទោសដែលខ្ញុំមិនពូកែ
អ្នកត្រូវការគោរពរអ្នករហូត សុំទោសដែលខ្ញុំមិនអាចគោរអ្នក
អ្នកត្រូវការជំនួយ សុំទោសដែលខ្ញុំមិនអាចជួយ
អ្នកមានគោលការណ៍ សុំទោសដែលខ្ញុំគ្មានគោលការណ៍
អ្នកមានព្រុំដែន សុំទោសដែលខ្ញុំហួស
អ្នកមានក្រមសីលធម៌គ្រប់ពេល សុំទោសខ្ញុំមិនមាន
អ្នកតាំងខ្លួនចេះ និងដឹងគ្រប់រឿង សុំទោសដែលខ្ញុំមិនចេះ
អ្នកតែងទុកខ្លួនឯងនៅលេខរៀងទី១ សុំទោសដែលខ្ញុំមិនបានជួយលើក
អ្នកជាប់រវល់២៤ម៉ោង សុំទោសដែលខ្ញុំទំនេរ
អ្នកពូកែគ្រប់យ៉ាង សុំទោសដែលខ្ញុំមិនពូកែ
អ្នកមិនខុស សុំទោសដែលខ្ញុំតែងតែខុស
អ្នកចរឹកបាន សុំទោសខ្ញុំចរឹកមិនបាន
អ្នកមានស្តង់ដារ សុំទោសដែលខ្ញុំមិនស្តង់ដារ
អ្នកឃើញពីផលប្រយោជន៍សំខាន់ សុំទោសដែលខ្ញុំមិនបានគិតពីផលប្រយោជន៍
អ្នកធ្វើអ្វីដើម្បីបានជារបស់ខ្លួនឯង សុំទោសដែលខ្ញុំមិនចេះដូចអ្នក
អ្នកមានការសម្រេចចិត្តខ្ពស់ សុំទោសដែលខ្ញុំតែងតែ
សម្រេចចិត្តយឺត
អ្នកមើលមិនឃើញពីការលះបង់ខ្ញុំ ខ្ញុំយល់ពីព្រោះខ្ញុំមិនបានប្រាប់អ្នក
អ្នកឃើញតែពីបាន សុំទោសដែលខ្ញុំមិនចង់បានពីអ្នក
អ្នកអវិជ្ជមានគ្រប់ពេល សុំទោសដែលខ្ញុំវិជ្ជមាន
អ្នកឃើញអ្វីមិនល្អគ្រប់យ៉ាង សុំទោសខ្ញុំមើលឃើញល្អគ្រប់យ៉ាង
អ្នកប្រើប្រាស់ពាក្យសម្តីអាក្រក់ សុំទោសដែលខ្ញុំតបប្រហើនទៅវិញ
អ្នកទុកខ្ញុំមិនស្នើអ្នក សុំទោសដែលខ្ញុំងើបតវ៉ា
ខ្ញុំមិនល្អដូចអ្នកចង់បាន តែខ្ញុំជាកញ្ចក់ឆ្លុះអោយអ្នកមើលពីសកម្មភាពដែលបានធ្វើ។

21/02/2023

ចាប់ផ្តើមដោយព័ណស្រស់ស្អាត ពេលបញ្ចប់មានតែភាពខ្មៅងងឹត❤️‍🩹
# Love are like this.

21/02/2023

💛

បើខ្ញុំរីករាយ បន្ទាប់មកខ្ញុំស្រាប់តែកើតទុក្ខ
បើខ្ញុំមានសង្ឃឹម បន្ទាប់មកខ្ញុំស្រាប់តែព្រួយបារម្ភ
បើខ្ញុំតានតឹង បន្ទាប់មកខ្ញុំស្រាប់តែជួបរឿងល្អ
បើខ្ញុំនិយាយច្រើន បន្ទាប់មកខ្ញុំស្រាប់តែដូចមនុស្សគរ
បើខ្ញុំក្លាហានខ្លាំង បន្ទាប់មកខ្ញុំស្រាប់តែសោកស្ដាយ
បើខ្ញុំយល់ដឹង បន្ទាប់មកខ្ញុំស្រាប់តែស្មុគស្មាញ
គ្រប់យ៉ាងហាក់ដូចជាកើតឆ្លាស់គ្នា ដើម្បីពណ៌នាអំពីខ្ញុំ
អ្វីៗសុទ្ធតែផ្លាស់ប្ដូរ គឺនៅសល់តែការពិតមួយដែលនៅតែដដែល
ពោលគឺភាពស្ងប់ស្ងាត់...

«បើខ្ញុំស្ងប់ស្ងាត់ បន្ទាប់មកខ្ញុំក៏នៅតែស្ងប់ស្ងាត់»

ខ្ញុំមើលឃើញថា ពិភពលោកនេះឧបមានឹងឆាកសម្ដែងសាច់រឿងទឹកភ្នែក ដែលបោកបញ្ឆោតដោយសំណើចខ្លីៗ លាយលំដោយភាពជោគជ័យសមបំណងខ្លះៗ មុននឹងបញ្ចប់ទៅដោយភាពខកចិត្ត និងក្ដីអាលោះអាល័យជារៀងរហូត។ ប្រសិនបើយើងមិនទាន់រឹងមាំគ្រប់គ្រាន់នោះទេ ចូរកុំប្រលែងលេងនឹងល្បែងទាំងឡាយនៅក្នុងលោកនេះ ព្រោះលោកនេះនឹងធ្វើឱ្យមនុស្សយំ... ហេតុនេះចូរឧស្សាហ៍រំឭកខ្លួន ដោយវិលត្រឡប់មកកាន់ភាពដើមរបស់យើង គឺភាពស្ងប់ស្ងាត់។

ឱ! នៅក្នុងពេលនេះ គ្មានល្បែងលេងអ្វី ឬក៏ពាក្យសម្ដីអ្នកណា ដែលអាចព្យាបាល ឬបន្លប់ទុក្ខសោកនៅក្នុងចិត្តខ្ញុំបានទេ ក្រៅតែពីភាពស្ងប់ស្ងាត់។
•
•

21/02/2023

ការរំពឹងទុកប្រឈមនឹងការខកចិត្ត

#ការរំពឹងទុក #អ្នកជំនាញចិត្តសាស្រ្ត

21/02/2023

ហាមធ្វើប៉ុន្មានចំណុច នៅខាងក្រោមនេះ ប្រសិនបើសង្សាររបស់អ្នកមានអ្នកទី៣ ប្រសិនបើធ្វើ អ្នកនឹងធ្លាក់តម្លៃភ្លាម។
-កុំរៀបរាប់រឿងចាស់ប្រាប់គេ គេមិនចង់ដឹង និងលឺពីអ្នកទៀតឡើយ។
-កុំប្រាប់គេពីនេះពីនោះ គេលែងបានចាប់អារម្មណ៍រឿងអ្នក
ទៀតហើយ។
-កុំសុំគេបកក្រោយ គេមិនបកឡើយ ។
-មនុស្សដែលអ្នកគិតថាល្អគ្រប់១០ ចុងក្រោយគឺអ្នកដឹងហើយថាគេមានចរិត ការគិតបែបណា។
-មានជួប មានបែក តាមនិស្ស័យ, ព្រមទទួលយក, ព្រមដោះលែង។
-ចូរកុំស្តាយពេលវេលាដែលអ្នកបានស្គាល់គ្នា,ប៉ុន្តែអ្វីដែលអ្នកត្រូវធ្វើ គឺផ្តល់ស្នាមញញឹមអោយខ្លួនឯង និងជូនពរអោយគេទៅតាមផ្លូវគេចុះ។

19/02/2023

នៅក្នុងពាក្យថាស្រឡាញ់មានរឿងជាច្រើនដែលយើងនឹងស្មានមិនដល់។ ហើយការបែកគ្នាវិញក៏អាចកើតឡើងបានគ្រប់ពេលដែរ។
នៅខាងក្រោមនេះជាចំណុចខ្លះដែលអ្នកគួរអានដើម្បីជាបទពិសោធ ជាមេរៀនសម្រាប់សេចក្តីស្នេហា៖
1-ត្រូវស្គាល់គេអោយបានកាន់យូរកាន់តែល្អ ស្គាល់ទាំងចរិត ពាក្យសម្តី និងសង្គមគ្រួសារ។
2-សកម្មភាព ពាក្យសម្តី ទាំងក្នងសារ និងទាំងខាងក្រៅ តើគេគោរព ស្រឡាញ់ អោយតម្លៃអ្នកទេ?
3-ការគិត (ប្រសិនការគិតខុសគ្នាគួរកុំល្អជាង)។
4-នៅក្នុងការទំនាក់ទំនង តើបានជួយអោយអ្នករីកចម្រើនជាងមុន ឬអន់ថយ។
5-នៅពេលអ្នកពិបាកចិត្ត តើគេនៅក្បែរ នៅចាំលើកទឹកចិត្តអ្នកទេ?
6-កំហុសដែលអ្នកធ្លាប់ធ្វើខុស តើគេមានកត់ទុកទេ (ប្រសិនមាន គួរកុំបន្ត)។
7-នៅពេលឈ្លោះគ្នា តើគេមានលួងអ្នកទេ ឬគេទុកអ្នកចោល។
8-តើគេត្រូវការភាពល្អឥតខ្ចោះពីអ្នកប៉ុន្មានភាគរយ។
9-បន្ទាប់ពីការលើកលែងទោស តើទំនាក់ទំនងមួយនោះល្អប្រសើរជាងមុន ឬថយក្រោយ។
10-ប្រសិនអន់ចិត្តពីអ្វីមួយ សូមលើកមកនិយាយ កុំទុករហូតដល់ឡើងអស់ចិត្តពីគ្នា។
11-ការស្រឡាញ់គឺមិនស្ថិតស្ថេរឡើយ (ចូរត្រៀមចិត្ត ប្រសើរជាងមិនបានត្រៀម) ។
12-មិនគួរនិយាយពាក្យ បែកគ្នា ឬ ឈប់រាប់អានគ្នា។
13-មនុស្សដែលស្រឡាញ់អ្នកពិតគេនឹងតែងតែលើកលែងទោសអោយអ្នកដោយគ្មានលក្ខខណ្ឌ។ ប្រសិនគេមិនស្រឡាញ់ទោះអង្វរអោយគេលើកលែងអោយយ៉ាងណាក៏គេមិនខ្វល់ពីអារម្មណ៍របស់អ្នកដែរ។
14-កុំអោយតម្លៃគេរហូតដល់បាត់បង់តម្លៃភាពជាខ្លួនឯង។
15-គេចាត់ទុកអ្នកបែបណា អ្នកគួរចាត់ទុកគេបែបនោះពីព្រោះមនុស្សយើងម្នាក់ៗមានតម្លៃស្នើគ្នា។