14/03/2026
ផ្លាស់ប្តូរបទពិសោធន៍បើកបរថ្មី! Google បានអាប់ដេតកម្មវិធី Google Maps ដោយបន្ថែមមុខងារ ផែនទី 3D ថ្មី ដែលធ្វើឲ្យការណែនាំផ្លូវកាន់តែច្បាស់ និងមានភាពរស់រវើកជាងមុន។
មុខងារថ្មីនេះមានឈ្មោះថា Immersive Navigation ដែលបង្ហាញបរិយាកាសជុំវិញផ្លូវជា 3D ដូចជា អាគារ ស្ពាន និងទីតាំងសំខាន់ៗ។ វាជួយឲ្យអ្នកបើកបរ មើលផ្លូវ និងស្គាល់ទិសដៅបានងាយស្រួលជាងមុន។
ប្រព័ន្ធនេះដំណើរការដោយ AI ពី Google Gemini ដែលអាចបង្ហាញព័ត៌មានសំខាន់ៗដូចជា ភ្លើងសញ្ញាចរាចរណ៍ ចំណុចឆ្លងផ្លូវ និងផ្លូវចេញពីផ្លូវល្បឿនលឿន ដើម្បីជួយអ្នកបើកបរមិនឲ្យភ្លេចផ្លូវ។
ក្រៅពីនេះ ក៏មានមុខងារ Ask Maps ដែលអនុញ្ញាតឲ្យអ្នកសួរសំណួរដូចជា “រកកន្លែងផឹកកាហ្វេជិតនេះ” ហើយ AI នឹងជួយណែនាំទីកន្លែងសមស្របភ្លាមៗ។
បច្ចុប្បន្ន មុខងារថ្មីនេះកំពុងដាក់ឲ្យប្រើនៅសហរដ្ឋអាមេរិក ហើយនឹងពង្រីកទៅកាន់ឧបករណ៍ Android និង iOS នៅពេលខាងមុខ។
✨ ការអាប់ដេតនេះអាចនឹងធ្វើឲ្យការប្រើ Google Maps កាន់តែងាយស្រួល និងទំនើបជាងមុនសម្រាប់អ្នកបើកបរទូទាំងពិភពលោក។
de Toy
Cr: engadget
