28/07/2026
Credit លោកគ្រូហេង🤭 Food & Hospitality Critics
#របៀបធ្វើទឹកប៉េងបោះ🍅🍅🍅
មានមិត្តអ្នកអានម្នាក់សួរខ្ញុំអំពីរបៀបធ្វើទឹកប៉េងប៉ោះ
មិត្តអ្នកអានខ្លះឆាតសួរខ្ញុំសុភាពណាស់
ធ្វើអោយខ្ញុំមើលមកខ្លួនឯងហើយឆ្ងល់ ខ្ញុំកាចខ្លាំង?
ដូច្នេះចង់ប្រាប់ថា ទុកខ្ញុំជាមិត្តម្នាក់រាប់តាមអាយុ
មិនចាំបាច់គួរសមពេកទេ ខ្ញុំទំនេរ ក៏ឆ្លើយបាន
សំណួរខ្លះ សុំអត់ឆ្លើយ
តោះមកដឹងរបៀបធ្វើទឹកប៉េងប៉ោះវិញ
ទឹកប៉េងប៉ោះរបៀបធ្វើនៅក្នុងឧស្សាហកម្ម នឹងធ្វើនៅផ្ទះមិនដូចគ្នាទេ។
នៅក្នុងឧស្សាហកម្ម
គេប្រើម្សៅប៉េងប៉ោះ ៦%-៩% តាមថោកថ្លៃ
ខ្លះដាក់២%ថែមមេ នឹងក្លិន
ម្សៅដំឡូងឬម្សៅពោត ៦%-១០% 😁😁😁
ម្សៅខ្ទឹម ម្សៅខ្ទឹមក្រហម ម្សៅមាន់ មួយមុខ១%នៃទឹក
ស្ករ ១% ខ្លះថែមមេស្ករ
អំបិល ៣%-៥% ឬលើសពីនេះ តាមក្បួនគេ
របៀបគេធ្វើ
ទឹក១លីត្រ
ដាក់ម្សៅពោតចូល គេលាយទឹកអោយរលាយសិន
ដាក់ម្សៅប៉េងប៉ោះចូល នឹងគ្រឿងទាំងអស់ចូល
ហើយកូអោយពុះ ក្លាយជាទឹកប៉េងប៉ោះហើយ។
ទឹកម្ទេសក៏គេធ្វើបែបនឹងដែរ។
តោះមកមើលរបៀបធ្វើទឹកប៉េងប៉ោះបែបនៅផ្ទះម្តង
គ្រឿងផ្សំ
ប៉េងប៉ោះទុំ១គីឡូ
ខ្ទឹមបារាំងមួយ
ខ្ទឹម៣កំពឹស
ប្រេងឆាបន្តិច
ទឹកត្រី ពីរស្លាបព្រាបាយ
ស្ករមួយស្លាបព្រាកាហ្វេ
ម្សៅមាន់មួយស្លាបព្រាកាហ្វេ
ម្រេចមដ្ឋ
របៀបធ្វើ
ស្ងោប៉េងប៉ោះកន្លះនាទី ស្រង់ដាក់ទឹកត្រជាក់ហើយបកសំបក
ហើយកិនដាក់អំបិលស្កម្សៅមាន់ម្រេច។ ទុកមួយឡែក។
បន្ទាប់មក ដាក់ប្រេងឆាចូលខ្ទះ ប្រើភ្លើងល្មម
ដាក់ខ្ទឹមបារាំងចូលមុន ៥នាទី (ខ្ទឹមបារាំងទន់) ដាក់ខ្ទឹមសចូលបានមួយនាទី ចាំចាក់ប៉េងប៉ោះកិនខាងលើចូល។
ហើយរំងាស់២០នាទី ចាំដាក់កិនម្តងទៀត ចប់។
ធ្វើប៉ុណ្ណេះអោយឆ្ងាញ់មិនឆ្ងាញ់ទេ គេហៅថាក្បួនទូទៅ
តែគេធ្វើអត់ប្រើទឹកត្រីនឹងម្សៅមាន់ទេ។ ចង់ឡើងខាប់រលោងដូចគេ ថែមទឹកថែមម្សៅទៅរលោងហើយ។
ហើយបើថាចង់រកស្ពេកាទីអី
សាច់គោមួយខាំ ចិញ្ចឹម ដាក់ឆាជាមួយទឹកប៉េងប៉ោះនេះមួយចំណែក។ បើអត់ស្ពេកាទី មីពងទាយើងនឹងស្រុះហើយ ទឹកប៉េងប៉ោះនឹងស្រោចពីលើ។ ល្មមឆ្ងាញ់ បែបថោកៗ។
ចង់ដូចអឺរុបអី រកជីថែមខ្លួនឯងទៅ។
ពេលធ្វើហើយ ច្រកដាក់កែវក្លាសេទុកប្រើចុះ។
ប៉េងប៉ោះជូ មិនងាយខូចទេ ធ្វើម្តងញាំ២ខែអីបានហើយយ៉ាងយូ។ ចាំថ្ងៃណាទំនេរ ចាំនិយាយរឿងសីតុណ្ហភាពនេះម្តងទៀត។
រូបភាព៖ប្រភព ហ្វេសបុក #ហ្វេសបុកផេក
