26/08/2026
រន្ធន់ណាស់: ទឹកជំនន់យ៉ាងគំហុកមួយ បានហូរចូលប្រទេសនេប៉ាល់ ចេញពីការបាក់ទំនប់វារីអគ្គិសនី របស់ប្រទេសចិន ដោយបានបំផ្លាញសហគមន៍នានា នៅតាមដងទន្លេ Bhote Koshi ដោយហូរចុះទៅកាន់ទន្លេ Trishuli និងបង្ខំជម្លៀសប្រជាជន នៅតាមស្រុកជាច្រើន។
វីដេអូ ថតនៅតំបន់ Rasuwa បង្ហាញពីការកើនឡើងខ្លាំង នៃទឹកល្បាប់ពណ៌ត្នោត ដែលបោកបក់កាត់តាមសហគមន៍ក្នុងជ្រលងភ្នំ ហើយកួចយកអគារ និងកម្ទេចកម្ទីផ្សេងៗទៅតាមផ្លូវរបស់វា។ វីដេអូមួយទៀតដែលថតពីជម្រាលភ្នំ បង្ហាញឱ្យឃើញការបំផ្លិចបំផ្លាញនៅខាងក្រោម ខណៈដែលពពកធូលីដីដ៏ក្រាស់ហុយឡើង នៅពេលទឹកជំនន់ដ៏កាចសាហាវបានហូរកាត់ជ្រលងភ្នំ។
ទឹកជំនន់នេះបានវាយប្រហារនៅប្រហែលម៉ោង ៩:០០ ព្រឹកថ្ងៃពុធ ទី២៦ ខែសីហា ដោយបង្កការខូចខាតយ៉ាងធ្ងន់ធ្ងរដល់តំបន់ Timure និង Syabrubesi ក្នុងស្រុក Rasuwa ដែលជាទីលំនៅរបស់ប្រជាជនប្រមាណ ៥០,០០០ នាក់ មុនពេលហូរចុះទៅតាមស្រុក Nuwakot ឆ្ពោះទៅកាន់ Dhading។
ទីផ្សារ ផ្ទះសម្បែង ហេដ្ឋារចនាសម្ព័ន្ធ ផ្លូវថ្នល់ ស្ពាន និងគម្រោងវារីអគ្គិសនីជាច្រើន បានខូចខាត ដោយត្រូវទឹកកួចបាត់ ខណៈអាជ្ញាធរ កំពុងពិនិត្យវាយតម្លៃពីទំហំ នៃការបំផ្លិចបំផ្លាញនេះ៕
ប្រភពពី: https://t.me/Cambodainew123/50131
