06/05/2026
កុំក្លាយជាជនរងគ្រោះនៃគំនុំអាក់អន់ចិត្ត…
មានការឈឺចាប់ខ្លះ…មិនបញ្ចប់ទៅត្រឹមពេលដែលរឿងនោះកន្លងផុតទៅឡើយ,ប៉ុន្តែវាបន្តអូសបន្លាយយ៉ាងយូរ… តាមរយៈរបៀបដែលអ្នកចងចាំវា។
អ្នកប្រហែលជាបានដើរចេញពីមនុស្សម្នាក់។ពីទំនាក់ទំនងមួយ។
ពីដំណាក់កាលដ៏ឈឺចាប់មួយ។
ប៉ុន្តែគំនុំអាក់អន់ចិត្ត… នៅតែបន្តស្ថិតនៅ។វាមិនមែនជារឿងអ៊ូអរនោះទេ។វាបង្កប់នៅក្នុងពេលដែលអ្នកគិតត្រលប់ក្រោយ ហើយមានអារម្មណ៍ថាអួលណែនក្នុងចិត្ត។នៅក្នុងពេលដែលអ្នកប្រៀបធៀប និងបន្ទោសដោយមិនដឹងខ្លួន។
សូម្បីតែនៅក្នុងរាត្រីដែលអ្នកសួរខ្លួនឯងថា៖ហេតុអ្វីបានជាពួកគេអាចប្រព្រឹត្តមកលើខ្ញុំបែបនេះ?
អ្នកគិតថា…ការឱបក្រសោបគំនុំ គឺជាវិធីដើម្បីកុំឱ្យអ្នករងការឈឺចាប់បន្ថែមទៀត។គឺជាវិធីដើម្បីកុំឱ្យអ្នកភ្លេចថា អ្នកធ្លាប់ឈឺចាប់កម្រិតណា។
ប៉ុន្តែមិនមែនទេ។គំនុំមិនបានការពារអ្នកឡើយ។វាគ្រាន់តែឃុំឃាំងអ្នក… នៅក្នុងភាពឈឺចាប់នោះតែប៉ុណ្ណោះ។អ្នកដែលធ្វើឱ្យអ្នកឈឺចាប់ ប្រហែលជាបានបោះជំហានទៅមុខបាត់ទៅហើយ។
ប៉ុន្តែអ្នក… នៅតែជាប់ផុងក្នុងរឿងចាស់,ដដែលៗ រាល់ពេលដែលនឹកឃើញ គឺជាពេលដែលអ្នកឈឺចាប់ម្ដងទៀត។
អ្នកមិនខុសទេដែលធ្លាប់រងការឈឺចាប់។អ្នកក៏មិនចាំបាច់បង្ខំខ្លួនឯងឱ្យអភ័យទោសភ្លាមៗនោះដែរ។ប៉ុន្តែកុំបណ្តោយឱ្យគំនុំក្លាយជាកន្លែងដែលអ្នកស្នាក់នៅយូរពេក។
ព្រោះចុងក្រោយ…អ្នកដែលត្រូវជាប់ឃុំក្នុងអារម្មណ៍នោះ មិនមែនជាពួកគេទេ។
ការលះបង់គំនុំ មិនមែនមានន័យថាអ្នកកំពុងកាន់ជើងរឿងដែលបានកើតឡើងនោះទេ។ហើយក៏មិនមែនមានន័យថាអ្នកបំភ្លេចវាចោលដែរ។
ប៉ុន្តែវាគឺជាការជ្រើសរើសរបស់អ្នក…ដែលមិនអនុញ្ញាតឱ្យអតីតកាលបន្តមានសិទ្ធិធ្វើឱ្យអ្នកឈឺចាប់ម្ដងទៀត។
នឹងមានរឿងខ្លះដែលយើងមិនអាចយល់បានទាំងស្រុង។
មានចម្លើយខ្លះ ដែលអ្នកនឹងមិនអាចទទួលបានជារៀងរហូត។
ប៉ុន្តែអ្នកនៅតែមានជម្រើសមួយ៖បន្តរែកពន់ភាពធ្ងន់ធ្ងរនោះ…
ឬដាក់វាចុះ ដើម្បីឱ្យចិត្តអ្នកបានស្រាល។
ការអភ័យទោស… ជួនកាលមិនមែនធ្វើឡើងសម្រាប់អ្នកដទៃនោះទេ។
ប៉ុន្តែវាជាវិធីដែលអ្នកប្រគល់សេចក្តីសុខសាន្តត្រលប់មកឱ្យខ្លួនឯងវិញ។
ហើយពេលណាមួយ,អ្នកនឹងដឹងថា…អ្វីដែលធ្វើឱ្យអ្នកមានសេរីភាព មិនមែនជាការដែលរឿងគ្រប់យ៉ាងក្លាយជាយុត្តិធម៌នោះទេ,
ប៉ុន្តែគឺនៅពេលដែលអ្នកលែងបណ្តោយឱ្យរឿងអតីតកាល
មានសិទ្ធិធ្វើឱ្យអ្នកឈឺចាប់ទៀត។
សូមគោរពអញ្ជើញស្វែងយល់ និងអានសៀវភៅ៖«វិធីយកឈ្នះទុក្ខព្រួយសាងជីវិតស្រស់បំព្រងនិងឈ្នះខ្លួនឯង»រក្សាលំនឹងអារម្មណ៍កណ្តាលព្យុះជីវិត(សៀវភៅនេះនឹងជួយឱ្យអ្នកចេះរក្សាលំនឹងអារម្មណ៍របស់ខ្លួនឯង)។«ឈ្នះខ្លួនឯង ស្រ្តីមានអំណាច ស្រ្តីត្រូវស្គាល់ចិត្តបុរស គិតឲ្យសម្រេច វិធីធ្វឲ្យចិត្តរីករាយនិងការងាររបស់អ្នក វិធីយកឈ្នះទុក្ខព្រួយសាងជីវិតស្រស់បំព្រង ចិត្តកូនស្រីម៉ែ4.0»លោកអ្នកចុចភ្ជាប់តេឡេក្រាមជាវខាងក្រោម
https://t.me/Soksophat1
