សហគមន៍កសិកម្មអូរថ្កូវរីកចម្រើន

26/06/2026

26/06/2026

ប្រើឱ្យត្រូវ ទើបទទួលបានប្រយោជន៍ពិតប្រាកដ! 🌱

ខ្ញុំបានឃើញមានការចែករំលែករូបមន្ត “ជីទឹកលាមកមាន់” ជាច្រើន។ រូបមន្តខ្លះអះអាងថាអាចធ្វើឱ្យដំណាំលូតលាស់លឿនដូចវេទមន្ត។ ប៉ុន្តែតាមការសិក្សា និងគោលការណ៍កសិកម្ម ជីទឹកលាមកមាន់ពិតជាមានប្រយោជន៍មែន ប៉ុន្តែមិនមែនជា “ជីអច្ឆរិយៈ” នោះទេ។ ភាពជោគជ័យអាស្រ័យលើវិធីធ្វើ និងរបៀបប្រើប្រាស់ដ៏ត្រឹមត្រូវ។

១. ហេតុអ្វីលាមកមាន់មានប្រយោជន៍?
លាមកមាន់ជាប្រភពសារធាតុចិញ្ចឹមដ៏ល្អសម្រាប់ដំណាំ ព្រោះមានអាសូត (N) ផូស្វ័រ (P) និងប៉ូតាស្យូម (K) ខ្ពស់ជាងលាមកសត្វដទៃជាច្រើនទៀត។ ក្រៅពីនេះ វាក៏ជួយកែលម្អដីឱ្យមានភាពផុស និងរក្សាសំណើមបានល្អ។

⚠️ ចំណាំ៖ លាមកមាន់ស្រស់មិនគួរយកទៅប្រើភ្លាមៗឡើយ ព្រោះអាចមានមេរោគ អាម៉ូញាក់ខ្ពស់ និងបង្កឱ្យរលួយឫសរុក្ខជាតិបាន។

២. រូបមន្តធ្វើជីទឹកលាមកមាន់ (ងាយៗ)
✅ លាមកមាន់ស្ងួត៖ ១០ គីឡូក្រាម
✅ ស្កររងូ ៖ ១ គីឡូក្រាម
✅ មេរំលាយសរីរាង្គ (មេជីកាច់ ឬ EM ឬមេជីវសាស្ត្រផ្សេងៗ)៖២០០-៥០០ មីលីលីត្រ
✅ ទឹកស្អាត៖ ៥០-១០០ លីត្រ
✅ធុងបិទគម្របបាន

#របៀបធ្វើ៖ លាយគ្រឿងផ្សំទាំងអស់ចូលគ្នាក្នុងធុង កូរឱ្យសព្វ រួចបិទគម្របទុកក្នុងម្លប់។ គួរបើកកូររៀងរាល់ ២-៣ ថ្ងៃម្តង ដើម្បីជួយដល់ដំណើរការបំបែកសារធាតុ។ ទុកចោល ១៥-៣០ ថ្ងៃ ទើបអាចយកមកប្រើបាន។

៣. របៀបប្រើប្រាស់ (កុំភ្លេចចម្រោះយកកាកចេញ)
✅ ស្រោចគល់៖ លាយទឹកជី ១០០-២០០ មីលីលីត្រ ជាមួយទឹក ២០ លីត្រ។
✅ បាញ់លើស្លឹក៖ លាយទឹកជី ៣០-៥០ មីលីលីត្រ ជាមួយទឹក ២០ លីត្រ។
👍 ពេលវេលា៖ គួរប្រើនៅពេលព្រលឹម ឬពេលល្ងាច ដើម្បីឱ្យរុក្ខជាតិស្រូបយកបានល្អបំផុត។

៤. មេរៀនសម្រាប់កសិករ
ជីទឹកលាមកមាន់គឺជា "ជីជំនួយ" មិនមែនជាការជំនួសជីគោល (ជីទ្រាប់បាត) បានទាំងស្រុងឡើយ។ ការធ្វើកសិកម្មជោគជ័យ គឺការរួមបញ្ចូលគ្នារវាងការរៀបចំដីល្អ ជីត្រឹមត្រូវ និងការថែទាំសមស្រប។ កុំជឿលើការផ្សព្វផ្សាយដែលអះអាងថា ជីទឹកមួយមុខអាចដោះស្រាយបញ្ហាដំណាំបានគ្រប់យ៉ាង!

🌿 ចំណេះដឹង៖ ការប្រើប្រាស់ជាប្រចាំ រួមជាមួយការថែទាំត្រឹមត្រូវ នឹងជួយឱ្យដំណាំមានសុខភាពល្អ និងផ្តល់ទិន្នផលប្រកបដោយនិរន្តរភាព។
តើលោកអ្នកធ្លាប់បានសាកល្បងធ្វើជីទឹកលាមកមាន់ដែរឬទេ? ចែករំលែកបទពិសោធន៍ខាងក្រោមនេះមក! 👇

#កសិកម្មទំនើប #ជីសរីរាង្គ #ចំណេះដឹងកសិកម្ម

26/06/2026

ជាសចំពោះវិស័យកសិកម្ម!

សត្វជាសត្រូវបានចាត់ទុកថាជា "មិត្តភក្តិរបស់អ្នកកសិករ" ដោយសារតែវាដើរតួនាទីយ៉ាងសំខាន់ក្នុងការរក្សាតុល្យភាពប្រព័ន្ធអេកូឡូស៊ីនៅក្នុងចម្ការ៖

• អ្នកកម្ចាត់សត្វល្អិតចង្រៃតាមបែបធម្មជាតិ៖ សត្វជាសចូលចិត្តស៊ីសត្វល្អិតតូចៗជាអាហារ ជាពិសេសសត្វល្អិតដែលតែងតែបំផ្លាញដំណាំដូចជា ដង្កូវ សត្វល្អិតស្លាប និងសត្វល្អិតចង្រៃដទៃទៀត ដែលជួយកាត់បន្ថយការខូចខាតដំណាំដោយមិនចាំបាច់ពឹងផ្អែកលើថ្នាំគីមី។

• សូចនាករបរិស្ថាន៖ ការវត្តមានរបស់សត្វជាសក្នុងចម្ការបង្ហាញថា បរិស្ថាននៅទីនោះមានភាពធម្មជាតិ និងមិនសូវមានការបំពុលខ្លាំង ដែលល្អសម្រាប់សុខភាពដី និងដំណាំ។

កត្តាគំរាមកំហែងដល់ការបាត់បង់សត្វជៀស
ទោះបីជាវាមានប្រយោជន៍ខ្លាំងក៏ដោយ ក៏ចំនួនសត្វជាសកំពុងតែថយចុះគួរឱ្យព្រួយបារម្ភ ដោយសារកត្តាដូចខាងក្រោម៖

• ការជីកចាប់យកទៅធ្វើម្ហូប៖ ដោយសារតែមានតម្រូវការលើទីផ្សារសម្រាប់យកទៅធ្វើម្ហូប ធ្វើឱ្យមានការលបលួចជីកចាប់សត្វនេះតាមរន្ធដែលវារស់នៅ ដែលជាការកាត់បន្ថយចំនួនសត្វដោយផ្ទាល់។

• ការប្រើប្រាស់ថ្នាំពុលកសិកម្ម៖ ការបាញ់ថ្នាំកសិកម្មគីមីមិនត្រឹមតែសម្លាប់សត្វល្អិតប៉ុណ្ណោះទេ ប៉ុន្តែថែមទាំងធ្វើឱ្យសត្វជៀសពុលស្លាប់ដោយសារវាស៊ីសត្វល្អិតដែលប្រឡាក់ដោយជាតិគីមី ឬស្រូបជាតិពុលតាមរយៈស្បែក។

• ការបាត់បង់ទីជម្រកធម្មជាតិ៖ សត្វជាសចូលចិត្តរស់នៅតំបន់វាលទំនាប ដែលមានព្រៃដុះរាយប៉ាយ មានគុម្ពោតព្រៃតូចៗ និងមានវាលស្មៅដុះជាដុំៗដែលសមស្របសម្រាប់ការលាក់ខ្លួន និងការរកចំណី។ ប៉ុន្តែបច្ចុប្បន្ន ការពង្រីកដីដាំដុះដំណាំឧស្សាហកម្ម ការឈូសឆាយដីសម្រាប់សាងសង់ ឬការអភិវឌ្ឍវិស័យផ្សេងៗ បានធ្វើឱ្យទីជម្រកធម្មជាតិរបស់វាត្រូវបាត់បង់។

#បងៗមានអ្វីបន្ថែមទេ?

សត្វនេះពិតជាមានតម្លៃខ្លាំងណាស់សម្រាប់កសិកម្មប្រកបដោយនិរន្តរភាព។ ការថែរក្សាទីជម្រកធម្មជាតិ និងការកាត់បន្ថយការប្រើប្រាស់ថ្នាំគីមី គឺជាកត្តាសំខាន់បំផុតដើម្បីជួយឱ្យសត្វជាសអាចបន្តរស់នៅ និងជួយការពារដំណាំរបស់យើងបានយូរអង្វែង។

17/06/2026

ត្រលាច 🙏🥰😍

10/06/2026

10/06/2026

Thanks Cambodia and Hub Phnom Penh

19/04/2026

ទទួលស្វាគមន៍លោកធុល រិទ្ធី និងលោកស្រី ជា សុវណ្ណាឌី អ្នកជំនាញបច្ចេកវិទ្យា និងសហគ្រិនភាព (ស្ថាបនិក KOOMPI) ទស្សនកិច្ចសិក្សា ពិភាក្សាពីការងារទីផ្សារកសិផល នៅសហគមន៍កសិកម្មអូរថ្កូវរីកចម្រើន ស្ថិតក្នុងគម្រោង មុខរបរ និងការងារសមរម្យសម្រាប់យុវជន ដំណាក់កាលទី 3 (DEY III) គាំទ្រដោយអង្គការ UNIDO Cambodia

08/04/2026

ចែករំលែកចំណេះដឹងកសិកម្ម🌱🦠

នេះជាកម្មវិធីផ្លាស់ប្ដូរ ហើយនិងការចែករំលែកចំណេះដឹងកសិកម្មរវាងអង្គការ ODOV អញ្ជើញមកពីខេត្តព្រៃវែង ជាមួយនឹងសហគមន៍កសិកម្មអូរថ្កូវរីកចម្រើននៅខេត្តពោធិ៍សាត់។ យើងបានធ្វើការផ្លាស់ប្ដូរហើយនិងចែករំលែកនូវបទពិសោធន៍ ចំណេះដឹង ហើយនិងការអនុវត្តល្អៗ រវាងគ្នានឹងគ្នានៅក្នុងការធ្វើកសិកម្ម រួមមានការដាំដុះដំណាំ ពិសេសផ្ដោតទៅលើការដាំដុះបន្លែ ការចិញ្ចឹមសត្វ រួមនឹងការងារទីផ្សារផងដែរ ...

#25-27/03/2026

07/04/2026

ខ្លះៗ ពីសកម្មភាពនៃការចែករំលែកចំណេះដឹងពីផលិតកម្មបន្លែ