28/06/2026
🚨ដំណឹងផ្លូវការក្រសួងអន្តោប្រវេសន៍ hikorea និងការផាកពិន័យអតិបរមា 👮과태료 1,000,000វ៉ុន 💸😱ប្រកាសជាផ្លូវការ😊
외국인 취업정보 온라인 신고 (공지사항 58 참부 4) ចូលមើលបាន សូមប្រុងប្រយ័ត្ននិងស្វែងយល់បន្ថែម🔥
អំពីការរាយការណ៍ព័ត៌មានការងាររបស់ជនបរទេស (មុខរបរ និងប្រាក់ចំណូលប្រចាំឆ្នាំ)
⚠️ សូមចំណាំថា ការអនុវត្ត និងការផាកពិន័យរដ្ឋបាល (과태료) អាស្រ័យលើការវិនិច្ឆ័យរបស់ប្រធានការិយាល័យអន្តោប្រវេសន៍ និងជនបរទេស តាមស្ថានភាពជាក់ស្តែងនីមួយៗ។
Q1. តើនរណាខ្លះជាអ្នកត្រូវរាយការណ៍ព័ត៌មានការងារ (មុខរបរ និងប្រាក់ចំណូលប្រចាំឆ្នាំ)?
A. អ្នកដែលមានស្ថានភាពស្នាក់នៅខាងក្រោម និងកំពុងប្រកបសកម្មភាពរកប្រាក់ចំណូល (រួមទាំងអាជីវកម្មផ្ទាល់ខ្លួន) ត្រូវរាយការណ៍៖
* E-1 ~ E-10
* F-2 (ស្នាក់នៅ)
* F-4 (ជនជាតិកូរ៉េនៅក្រៅប្រទេស)
* F-6 (អាពាហ៍ពិពាហ៍)
* H-2 (ទស្សនកិច្ចការងារ)
* D-7 (បុគ្គលិកបញ្ជូន)
* D-8 (វិនិយោគអាជីវកម្ម)
* D-9 (ពាណិជ្ជកម្ម/គ្រប់គ្រង)
មិនត្រូវរាយការណ៍៖
* អ្នកកាន់វីសា F-5 (អចិន្ត្រៃយ៍)
* អ្នកដែលមិនមានសកម្មភាពរកប្រាក់ចំណូល
⸻
Q2. ប្រាក់ចំណូលប្រចាំឆ្នាំ គិតមុនពន្ធឬ? បើប្រាក់ខែប្រែប្រួលបន្តិច ត្រូវរាយការណ៍រាល់ដងទេ?
A. ប្រាក់ចំណូលប្រចាំឆ្នាំ គិតតាម ប្រាក់ចំណូលមុនកាត់ពន្ធ (과세 전 소득)។
ត្រូវរាយការណ៍តែពេល កម្រិតប្រាក់ចំណូល (소득구간) ផ្លាស់ប្តូរប៉ុណ្ណោះ។
កម្រិតប្រាក់ចំណូលប្រចាំឆ្នាំ៖
* គ្មានប្រាក់ចំណូល
* ក្រោម 10 លានវ៉ុន
* 10 លាន ~ ក្រោម 20 លានវ៉ុន
* 20 លាន ~ ក្រោម 30 លានវ៉ុន
* 30 លាន ~ ក្រោម 40 លានវ៉ុន
* 40 លាន ~ ក្រោម 50 លានវ៉ុន
* 50 លានវ៉ុនឡើងទៅ
⸻
Q3. រយៈពេល 15 ថ្ងៃសម្រាប់ការរាយការណ៍ការផ្លាស់ប្តូរ គិតចាប់ពីពេលណា?
A. ជាគោលការណ៍ គិតចាប់ពីថ្ងៃដែលព័ត៌មានការងារដែលបានរាយការណ៍ មានការផ្លាស់ប្តូរ (ថ្ងៃកើតមានការផ្លាស់ប្តូរ) ហើយត្រូវរាយការណ៍ក្នុងរយៈពេល 15 ថ្ងៃ។
ឧទាហរណ៍៖
* ពេលចុះបញ្ជីជនបរទេសដំបូង មិនទាន់ធ្វើការទេ
* ក្រោយមកចាប់ផ្តើមធ្វើការ
➡️ ត្រូវរាយការណ៍ព័ត៌មានការងារ ក្នុងរយៈពេល 15 ថ្ងៃ ចាប់ពីថ្ងៃចាប់ផ្តើមធ្វើការ។
⸻
Q4. បើលើស 15 ថ្ងៃហើយ ត្រូវធ្វើដូចម្តេច?
A. ត្រូវរាយការណ៍ការផ្លាស់ប្តូរភ្លាមៗដោយមិនពន្យារពេល។
* បើមិនរាយការណ៍ក្នុងកាលកំណត់ អាចជាប់ការផាកពិន័យរដ្ឋបាល (과태료)
* ទឹកប្រាក់ពិន័យអាចខុសគ្នាតាមរយៈពេលយឺត និងស្ថានភាពនៃការល្មើស
* ពិន័យអតិបរមា 1,000,000 វ៉ុន
ទោះជាយ៉ាងណា ការលើស 15 ថ្ងៃ មិនមែនមានន័យថាត្រូវពិន័យភ្លាមៗទេ។
ការសម្រេចថាតើត្រូវផាកពិន័យឬអត់ អាស្រ័យលើ៖
* ការរំលោភជាបន្តបន្ទាប់ឬអត់
* មានចេតនាមិនអនុវត្តកាតព្វកិច្ចឬអត់
* ស្ថានភាពជាក់ស្តែងផ្សេងៗ
ហើយប្រធានការិយាល័យអន្តោប្រវេសន៍ជាអ្នកសម្រេចចុងក្រោយ។
⸻
Q5. តើអាចរាយការណ៍នៅឯណា និងរបៀបណា?
A. អាចចូលប្រព័ន្ធ Hi Korea ហើយជ្រើសម៉ឺនុយ «취업정보(변경)신고» (រាយការណ៍/កែប្រែព័ត៌មានការងារ) ដើម្បីរាយការណ៍តាមអនឡាញ។
* បើកក់ពេលទៅការិយាល័យអន្តោប្រវេសន៍តាម Hi Korea ប្រព័ន្ធនឹងបង្ហាញផ្ទាំងរាយការណ៍ព័ត៌មានការងារដោយស្វ័យប្រវត្តិ។
* បើត្រូវការតែរាយការណ៍ព័ត៌មានការងារប៉ុណ្ណោះ អាចប្រើ 전자민원 (សេវាអេឡិចត្រូនិក) បានយ៉ាងងាយស្រួល។
⸻
Q6. តើអាចរាយការណ៍ដោយផ្ទាល់ (លិខិត/ទៅការិយាល័យ) បានទេ?
A. បាន។
ក្នុងអំឡុងពេលសាកល្បង
ខែមករា 2026 ដល់ ខែមិថុនា 2026
អាចប្រើបានទាំង៖
* ការរាយការណ៍អនឡាញ
* ទម្រង់បែបបទចាស់ (외국인 직업 신고서, 통합신고서)
ប៉ុន្តែក្រោយពេលសាកល្បង នឹងអនុញ្ញាតឱ្យរាយការណ៍ តាមអនឡាញប៉ុណ្ណោះ។
📌 សរុបខ្លីៗ៖ ជនបរទេសដែលមានការងារ ឬអាជីវកម្ម ត្រូវរាយការណ៍មុខរបរ និងកម្រិតប្រាក់ចំណូលប្រចាំឆ្នាំ។ បើមានការផ្លាស់ប្តូរ ត្រូវរាយការណ៍ក្នុងរយៈពេល 15 ថ្ងៃ។ លើស 15 ថ្ងៃ អាចជាប់ពិន័យរហូតដល់ 100 ម៉ឺនវ៉ុន។
