02/01/2026
බබා කාටද වැඩිපුරම ආදරේ? ඔයාලත් බබාගෙන් මේක අහනවද? එහෙනම් මේ ලිපිය අනිවාර්යෙන් කියවන්න ❤️
මේක ඇත්තටම කල්පනාකාරී ප්රශ්නයක් 🌱
කුඩා දරුවන්ගේ වයසේදී (අවුරුදු 1–4 පමණ), “ඔයා වැඩිපුර ආදරේ කරන්නේ කාටද?” කියලා දරුවෙක්ගෙන් අහනවා - ඒක දෙමව්පියන්, ආච්චිලා සීයලා හෝ වෙනත් අය වේවා - හානිකර නැති හෝ සෙල්ලමට අහන දෙයක් බවක් පෙනෙන්නට පුළුවන්, නමුත් එය සාමාන්යයෙන් දරුවාගේ චිත්තවේගීය වර්ධනයට සෞඛ්ය සම්පන්න හෝ ප්රයෝජනවත් නොවේ.
🛑එය හොඳ අදහසක් නොවන්නේ ඇයි?
🩷1. බබාලට එයාලට “වැඩියෙන්ම” ආදරය කවුද කියලා තේරෙන්නේ නැහැ මේ වයසේදී.
ආදරය මැනිය හැකි හෝ සංසන්දනය කළ හැකි දෙයක් නොවේ. බබාලගේ පිළිතුරු වලට සාමාන්යයෙන් පදනම් වන්නේ:
-බබා අවසන් වරට දැක්කෙ කවුද
- ඔවුන්ට කැමති දෙයක් දුන්නේ කවුද
- ඒ මොහොතේ බබාට ආරක්ෂිත යැයි හැඟෙන්නේ කා සමඟද වගේ දේවල් ටිකක්.
එය බැඳීමේ සැබෑ පිළිබිඹුවක් නොවේ. සමහර වෙලාවට බබා දෙන පිලිතුරු වලට දෙමාපියන්ගේ හිත් රිදවෙන අවස්ථා ඇතිවෙන්නෙ මේ නිසා.
🩷2. එය චිත්තවේගීය පීඩනයක් ඇති කළ හැකිය විහිළුවට කිව්වත්, කුඩා දරුවන් ඉතා සංවේදීයි. මෙවැනි ප්රශ්න නැවත නැවත ඇසීමෙන් බබාට හිතෙන්න ගන්නවා...
බබා කාවහරි තෝරා ගත යුතුයි කියලා
ඒ වගේම එයාගේ පිළිතුරට ඔයාලගේ මූනේ හැගීම්, හිනාව, වචන, දුක දිහා බබා බලාගෙන ඉන්නවා. එයාට ඒක පැටලිලි සහගත දෙයක් වෙනවා.
විශේෂයෙන් දෙයක් දීලා ආදරේ වෙන්නෙ ඒ නිසා කියලා බබාට හිතෙන්න පුළුවන්. ආදරය කොන්දේසි සහිත හෝ තරඟකාරී දෙයක් කියලා මේ වයසේ දරුවෙක්ට හිතෙන්න ගන්න පුළුවන්.
උදාහරණයක් විදියට තෑගි දෙනවා නම් ඒ දෙන කෙනාට ආදරේ වෙන්න ඕන වගේ ආදරය ගැන මනින මිනුම් බබාගේ හිතේ ඇතිවෙන්න පුළුවන්. මේක අනතුරුදායක දෙයක් වෙන්නත් පුළුවන් ඉදිරියේදි. තෑගි දෙන ඕන කෙනෙක් හොද කෙනෙක්, බබාට ආදරේ කෙනෙක් කියලා බබා වරදවා වටහා ගැනීමට ඉඩ තියෙනවා.
🩷3. එය වරදකාරිත්වය හෝ ව්යාකූලත්වය ඇති කළ හැකිය.
කුඩා දරුවෙකුට පසුව කනස්සල්ලට පත්විය හැකිය:
“මම නරක බබෙක් ද.. නෝටි උත්තරයක් දුන්නාද?”
“අම්මා දුකෙන්ද ?, තාත්තට දුක හිතුනද"
මේ වගේ දේවල් ඒ චූටි හිතට බර වැඩියි. මේ ආකාරයේ සංසන්දනයක් හැසිරවීමට ඔවුන්ට චිත්තවේගීය මෙවලම් නොමැති නිසා බබා confuse වෙන්න පුළුවන්. ඊළග පාර අහද්දි උත්තර දෙන්න ඕන විදියට එයා හැඩගැහෙන්න පුළුවන් වගේම ඒ එන උත්තරය එයාගේ ඇත්තම හැගීම නෙවේ. ප්රශ්නෙ අහන අය, අහන්න ආස උත්තරය තමයි බබා ඊළගට දෙන්න පටන් ගන්නෙ..
🩷4. එය සහෝදර සහෝදරියන් හෝ පවුල් සබඳතාවලට බලපෑ හැකිය. වැඩිහිටියන් සැසඳීම් දිරිමත් කරන්නේ නම්, ආදරය යනු ඔබ තරඟ කරන දෙයක් බවත්, එය පසුව ඊර්ෂ්යාව හෝ අනාරක්ෂිත බව වැඩි කළ හැකි බවත් දරුවන්ට ඉගෙන ගත හැකිය.
✅ඒ වෙනුවට කරන්න පුලුවන් මෙහෙම 👇
“බබා හරිම හොදයි, හැමෝටම ආදරෙයි.”
“අම්මයි තාත්තයි දෙන්නම බබාට ගොඩාක් ආදරෙයි.”
“හැමෝම බබා හරිම හොදයි කිව්වා. හැමෝම බබාට ආදරෙයිලුනේ...”
මෙම වචන ආරක්ෂාව, බැඳීම, ආත්ම විශ්වාසය ගොඩනඟනවා මිස තේරීම්, පැටලිලි සහිත දේවල් නොවේ.
දැනටමත් ඔබේ දරුවා වටා මේ වගේ අනවශ්ය විදියට ප්රශ්න අහන පරිසරයක් ඇතිවෙමින් පවතී නම්, දැන් ඉදන් අහන ප්රශ්නය , දෙන උත්තරේ මාරු කරන්න:
පුතා අම්මටයි තාත්තාටයි දෙන්නටම ගොඩක් ආදරෙයි නේද...
අක්කටයි අයියටයි දෙන්නටම ගොඩක් ආදරෙයි නේද... වගේ ප්රශ්නය ඇතුලෙම උත්තරයත් දීලා අහන්න.
හැමවිටම ආදරෙන් සිනාසෙමින් කතා කරන්න.,
දරුවාගෙන් වෙන කෙනෙක් මේ ප්රශ්න අහනවා නම් “අපේ බබා හැමෝටම ආදරේ හොද බබෙක්නේ.. නේද මැණික... ඔව් නේද..” කියලා දරුවාට උත්තර දීමට උදව් වෙන්න.
එතකොට බබාට හිතෙන්න ගන්නවා දෙමාපියන් ළග මම ආරක්ෂිතයි කියලා.
"බබා දැන් තනියම කෑම කනවා, හොදට දොයි වෙනවා, චිත්ර අදිනවා, ලස්සනට කතා කරනවා.. අපි හැමෝම ආදරෙයිනේ මැණිකට.." වගේ ආදරණීය දිරිගන්වන වචන පාවිච්චි කරන්න.
🛑චූටි බබාලාගෙන් කවදාවත් අහන්න හොදම නැති ප්රශ්නයක් තමයි කාටද වැඩිපුරම ආදරේ කියලා. දරුවෙක්ට ආදරය කියන්නේ ආරක්ෂිතබව අසීමිත දෙයක් බව සහ කොන්දේසි විරහිත බවක් හිතට දැනෙන්නේ දෙමාපියන් වන අපේ වචන වලින්, අපේ හැසිරීමෙන්. ඒක බබා අපිට උත්තරයක් දීලා ඔප්පු කරන දෙයක් නෙවෙයි.
මොකද එයාලගේ ආදරණීය බැල්මක්, උණුසුම් සිප වැලඳ ගැනීමක්ම ඇති ඒ ආදරේ මොන වගේද කියලා අපිට දැනෙන්න...🥺🩷
Yummy Treats
✍️සචිනි උඩවත්ත ❤️
ලිපියෙන් ඔයාලගේ ජීවිතයට දෙයක් එකතු උනා නම් ලයික් කරලා ශෙයා කරන්න, පේජ් එකත් ෆලෝ කරන්න.
ස්තුතියි ❤️
