08/02/2025
ධම්මපදයේ එන අපි කවුරුත් දන්න බොහොම ප්රචලිත ගාථාවක් තමයි
"ආරෝග්යා පරමා ලාබා " කියන්නෙ, එහි තුන් වන පදය තමයි
"විශ්වාසා පරමා ඥාතී" කියන්නෙ. මොකක්ද ඇත්තටම මේකෙ තේරුම?
බොහෝ අය කියන එකක් තමයි(හාමුදුරුවරු ඇතුලුවා) විශ්වාසවන්ත කෙනා තමයි පරම නෑයා කියලා.ඒක ඇත්තටම එහෙමද? ඔක්කොටම කලින් අපි බලමු මේ පරම කියන්නෙ මොකක්ද කියලා. පරම සත්ය,පරම මිතුරා,පරම හතුරා,යනාදී වශයෙන් අපි ඕන තරම් අසා තියෙනවා.ඉතින් සරල තේරෙන භාශාවෙන් කිව්වොත්, පරම කියන්නෙ ආයෙ ඉතින් එතනින් එහාට කෙනෙක්,දෙයක් නෑ කියන එකයි. උදාහරණ වශයෙන් ගත්තොත් පරම මිතුරා කියන්නෙ හොදම මිතුරා,එතනින් එහාට තවත් හොදම මිතුරෙක් නැ,පරම හතුරා- ඉන්න හොදම හතුරා, ඊටත් වැඩිය තවත් හතුරෙක් නෑ, පරම නෑයා-තමන්ට ඉන්න ලගම හොදම නෑයා- එයාට වඩිය නෑයෙක් තවත් නෑ.
දැන් අපි බලමු අපිට ඉන්න ඥාතී කවුද කියලා. අපේ අම්මා,තාත්තා,ආච්චි,සීයා,නැන්දා,මාමා,ලොකු අම්මා,ලොකු තාත්තා,බිරිඳ,සැමියා,දුලා,පුතාලා මේ ආදී වශයෙන් විශාල ලයිස්තුවක් හදා ගන්න පුලුවන්. දැන් අපි මෙතනින් පරම ඥාතියාව හොයාගන්න බලමු. ඔය මොන මොන නෑයෝ හිටියත් අපිට කරදරයකදි පිහිටට එන කෙනා තමයි අපේ පරම ඥාතියා වෙන්නෙ
හිතන්න මෙහෙම, ඔබට දරුණු මාරාන්තික රෝගයක් වැළදෙනවා,කවුද ඔබේ පිහිටට ඉන්නේ?
ඔවු වෛද්යවරු ඉන්නවා බෙහෙත් කරන්න, යාලු මිත්රයො, නෑදැයොඌ මුදල් උපකාර කරයි හැබැයි යම් සීමාවකට,බිරිද හෝ සැමියා ඒත් කරයි සීමාවක, දරුවොත් එහෙමයි, හැබැයි අපේ අම්මයි තාත්තයි තියෙන සේසතම උනත් දෙන්නේ නැද්ද? එතනින් නවතින්නෙ නෑ, ශරීර අවයවයක් ඕනෙ නම් ඒත් දෙනවා, එතනිනුත් එහාට ගිහින් ජීවිතය දෙන්න උනොත්? අනේ අපි ජීවත් උනා ඇති මගේ දරුව තව ජීවත් වෙන්න ඕනී කියලා ජීවිතය උනත් දෙන්න සූදානම් රත්තරන් දෙමවුපියො ඉන්නවා.දැන් ඔය විදියට බැලුවම පැහැදිලියිනෙ අපිට ඉන්න පරම නෑය තමයි අපේ අම්මයි තාත්තයි කියන්නෙ.
නමුත් ඔබට වැළදී ඇති රෝගය මුදල් කොපමණ වියදම් කරලවත් ශරීර අවයව බද්ද කරලවත්, තව කෙනෙකුගේ ජීවිතයක් දීලාවත් ලෝකයේ තියෙන දියුණුම වෛද්ය විද්යාවටවත් සුව කළ නොහැකි එකක්නම් කාටද පුලුවන් ඔබට පිහිට වෙන්න?
ඔන්න දැන් තමයි බුදු හාමුදුරුවෝ කියන පරම ඥාතියා එන්නේ, "විශ්වාසා" "විශ්වාසය" , ඔබට ඔබේ රෝගය සුව වෙන බවට විශ්වාසයි නම්, වෛද්යවරුත් පුදුම කරමින් ඔබ සුව වෙනවා, ඒ සදහා උදාහරණ ලන්කාවෙත් ලෝකෙත් ඕන තරම් තියෙනව.
දැන් අපි රෝගය පැත්තකට දාමු, හිතන්න ඔබට සිහිනයක් තියෙනවා මිලියන ගනනක් වටිනා නිවසක්,මෝටර් රථයක්, ගන්න
ඒක ලබලා දෙන්නත් පුලුවන් අර පරම ඥාතියට "විශ්වාසා" ට තමයි, ඔබට දැඩිව විශ්වාසයි නම් ඒ දේවල් ලබෙනවා කියලා, අනිවාර්යෙන් ඔබට ලැබෙනවා. මේවා හාමුදුරුවෝ බණට කියලා දෙන්නේ නෑ නමුත් ඇමරිකාව ආදී ලෝකෙ වෙනත් රටවල මිනිසුන් මෙයින් හොදට වැඩ අරන් සතුටින් ඉන්නවා, අපි අද අද එයි මරු පින් කර ගන්නේ කිය කිය බෝදියට වැඳ වැඳ ඉන්නවා
ඔබට මෙය වැටහුනා නම් තවත් කෙනෙකුගේ ඇස් පාදන්න මෙය ශෙයා කරන්න
ඔබට සැබෑ බුද්ද වචනය "විශ්වාසා පරමා ඥාතී" විශ්වාසයි නම්, ඔබට බොහෝ දේ ජීවිතයට ලඟා කර ගත හැක
ඔබට ජය
සටහන
ෂම්මික පෙරේරා
