08/09/2022
🌾පාරම්පරික දේ ශීය සහලේ අගය වටහා ගනිමු (Ancient Sri Lankan Rice Verities: Nutritional & Medical Value)
💚පුරාතනයේ ලංකාව තුල දේශීය සහල් වර්ග 2000 කට අධික ප්රමාණයක් භාවිතා කල බවත් ලංකාවට "පෙරදිග ධාන්යාගාරය" යන විරුදාවලිය ලැබීමට මෙය හේතු වූ බවත් පතපොතෙහි සඳහන් වෙනවා.
අද වන විට දේශීය සහල් වර්ග 1500 ක පමණ නම් ගම සොයාගෙන ඇති නමුත් ඉන් කිහිපයක පමණක් බිජ වර්ග සොයාගෙන නැවත වග කිරීම ලංකාව තුල සිදුවෙමින් පවතිනවා.
දේශීය සහලේ ඇති විසිතුරු බව නම් ඒවායේ ඇති අලංකාර වර්ණ විවිධත්වයයි. මසුරන්, කට්ටමන්ජල් , සුදුහිනටි වැනි අතලොස්සක් හැර අනෙක් සියලුම දේශීය සහල් වර්ග රතු පැහැයේ විවිධ උප වර්ණයන් ගෙන් යුක්ත වේ.
විදේශීයව සහලේ ගුණාත්මක බව තහවුරු කිරීමට යොදා ගනු ලබන්නේ නිවු්ඩ්ඩේ ඇති වර්ණය වුවත් අපේ රටේ වැඩි දෙනෙක් සියලු පෝෂක ගුණ අඩංගු නිවුඩ්ඩ ඉවත් කර ආහාරයට ගැනීම දක්නට ලැබෙනවා.
වර්තමනයේ වේගයෙන් පැතිරීයන බෝනොවන රෝග අතීතයේ අප රටේ නොතිබෙන්නට හේතුව සියලු පෝෂක ගුණ අඩංගු නිවුඩ්ඩ බව රසායනාගාර පරීක්ෂණ ඔප්පුකර තිබෙනවා.
දේශීය සහල්වල ඒ ඒ සහලට අවේනික වෙන වෙනම ගුණයන ඇතත් සහල් වර්ග සියල්ලේම පහේ දියවැඩියාවට සහ එහි සංකුලතාවයන්ට එරෙහිව සටන් වැදීමේ ප්රභල හැකියාවක් පවතිනවා. (මෙ පිලිබඳ වැඩිදුර තොරතුරු ඊළඟ ලිපියෙන් බලාපොරොත්තු වන්න )
ලංකාව තුල මෙවැනි සහල් වර්ග වැඩි වැඩියෙන් භාවිත කිරීමෙන් නිරෝගි ලංකික දරු පරපුරක් ලක් දෙරණට දායාද කිරීමට වෙහෙසෙමු .
🙏 පින්තුර , තොරතුරු අන්තර්ජාලයෙන් ...
# දේශීයසහල් # පාරම්පරිකවීවර්ග
