𝐌𝐚𝐥𝐤𝐢 𝐆𝐮𝐧𝐚𝐫𝐚𝐭𝐡𝐧𝐞

04/01/2023

මෙම ඡායාරූප වල සිටින්නේ nautilus නම් සත්ව විශේෂයයි. දැල්ලන් ගේ දුරස්ථ ඥාතීන් වන ඔවුන් පසුගිය වසර මිලියන 500 තුල සැලකිය යුතු ලෙස පරිනාමය වී නොමැත. ඔවුන් අයත් පවුලේ සෙසු සාමාජිකයන් දැන් වඳවී ගොස් ඇත. අදින් වසර මිලියන 538.8 කට පෙර ආරම්භ වූ කේම්බ්‍රියානු යුගයේ දී ඔවුන් වර්ධනය වූ අතර වසර මිලියන 485.4 කට පෙර ඇරඹි ඔර්ඩොවිසියානු යුගයේ දී සැලකිය යුතු මුහුදු විලෝපිකයන් බවට පත්විය. එකල ඔවුන් ගේ ඇතැම් සාමාජිකයන් 2.5m (අඩි 8 ක්) දක්වා වර්ධනය වී ඇත. ඔවුන් එදා ජීවත් වූ ස්වරූපයෙන්ම අද දක්වාම පවතී. මීට සමාන කිසිදු සත්වයෙකු අද ලෝකයේ ඉතිරිව නොමැති නිසා ඇතැමුන් මොවුන්ව පිටසක්ලින් පැමිනි ජීවීන් ලෙසද හඳුන්වයි. මහා බාධක කොරල් පරය ආශ්‍රිතව ඔවුන් බහුලව ජීවත් වේ.

උපුටාගැනීමකි.

22/11/2022

තැඹිලි වතුරේ ගුණ.

ලෝකයේ තිබෙන හොඳම පානයක් ලෙස ලංකාවෙ තියෙන තැඹිලි වතුර හැදින්විය හැක. තැඹිලි ගෙඩියේ වතුරේ හා ලොඳය ලෙස සලකන මාංසල කොටසේත් එක සමානව විශාල පෝෂක ප්‍රමාණයක් ඇත.

ප්‍රධාන වශයෙන් පොටෑසියම්, සෝඩියම්, ක්ලෝරයිඩ්, මැග්නීසියම් හා ස්වාභාවික පැනිරසය හා
මැන්ගනීස්, අයඩින්, සල්ෆර්, සින්ක්, සෙලෙනියම්, කැල්සියම්, පොස්පරස්, යකඩ, හා විටමින් සී, බී හා ඇමයිනෝ අම්ල, කාබනික අම්ල වැනි ඉතා පුලුල් පරාසයක මෙහි පෝෂක දිවයයි.

හදවතේ ඇතිවෙන සුලභ තත්වයක් වන අහිතකර කොලෙස්ටරෝල් ඉවත්කර හදවතට අවශ්‍ය යහපත් කොලෙස්ටෙරෝල් නිපැයුම තැඹිලි වතුරින් සිදු කෙරෙන බව අලුත්ම පර්යෙෂණ වලින් සොයාගෙන ඇත.
තැඹිලි වතුරෙහි තියෙන අධික ඛනිජ ලවණ නිසා හෘදයාබාධ හා අධික රුධිර පීඩනය වැළැක්වීමේ සුපිරි ආහාරයක් ලෙස, විද්‍යාඥයන් විසින් නිර්දේශ කර ඇත.

එපමණක් නොව වකුගඩුවේ හා මුත්‍රාෂයේ රැඳෙන විෂ ඉවත් කිරීම මෙන්ම මත්පැන් පානය කරන අයගේ ශරීරය් වස විස ඉවත් කර වකුගඩු ආරක්ෂා කිරීමේ ශක්තිය මේ තැඹිලි වතුරේ යහමින් අඩංගු වී ඇත. තවද රෝගීන් හා මහලු අය ගන්තා බර අධික ආහාර ඉක්මනින්දි දිරවීමේ ශක්තියක් හා වයසට යාම වළක්වා තරුණ බව රැක දෙන ශක්තියක්ද තැඹිලි වතුරේ ඇත. ස්වභාවික පැණිරස නිසා දියවැඩියාව පාලනයටද ඉතා ගුණදායක වේ.

මව්කිරිවල තිබෙන ලෝරික් අම්ලය කුරුම්බා වතුරේ සහ තැඹිලි වතුරෙහිද පවතින නිසා කුඩා දරුවන්ට පවා දිය හැකි විස්මිත ආහාරමය පානයක් වනවා.

උපුටා ගැනීමකි....

19/11/2022

ගස් කඳන් පොළවට දිරාපත් නොවූ සුවිශේෂ කාබෝනිෆෙරස් යුගය

මියයන ගසක් පොළවට දිරාපත් වීම සාමාන්‍ය සංසිද්ධියකි. එය සිදුවන්නේ දැව කඳන් වල සෛල බිත්ති සැකසී තිබෙන සෙලියුලෝස් සහ ලිග්නින් වැනි කාබනික සංයෝග බිඳදමන ක්ෂුද්‍ර ජීවීන් ගේ ක්‍රියාකාරිත්වය හේතුවෙනි.

නමුත් මෙම ක්ෂුද්‍ර ජීවීන් විශේෂ කිසිවක් පෘතුවියේ නොසිටි යුගයක් එනම් ජීවී පරිණාමයේ එක් කාලයක් තිබී ඇත. එවැනි යුගයක තිබූ ගස් කඳන් වලට කුමක් සිදුවන්නට ඇතිද ? අද ෆොසිල ඉන්ධන හා ගල් අඟුරු බවට පත්ව ඇත්තේ වසර මිලියන 300 කට ඉහතදී ඇද වැටුණු එම ගස් කඳන්ය.

කාබෝනිෆෙරස් (Carboniferous) යුගය නමින් හැඳින්වන මෙම භූ විද්‍යාත්මක කාල පරිච්ඡේදය වසර මිලියන 358.9 කට පෙර සිට වසර මිලියන 298.9 දක්වා වසර මිලියන 60 ක පමන කාලයක් පැවත ඇත. මෙම යුගයේ පැවති ශාක ඉතා උසට වර්ධනය වූ අතර සමහර ගස් අඩි 160 ක් පමන උසට වර්ධනය විය. නමුත් මෙම ගස් වලට ගැඹුරට විහිදුනු ශක්තිමත් මූල පද්දතියක් නොතිබූ නිසා ඉක්මනින් කඩා වැටීමට ලක්වී ඇත. මේ හේතුව නිසා මෙම යුගය තුල ගස් බිලියන ගනනක් පොළවට පතිත වූ නමුත් ඒවා දිරාපත් නොවීය. විද්‍යාඥයන් පවසන්නේ වර්තමානයේ පවතින ගල් අඟුරු වලින් වැඩි කොටස මෙම යුගයේ මියගිය ගස් කඳන් වලින් හටගත් බවයි. මෙම යුගයේ ගල් අඟුරු නිර්මාණය වීමේ වේගය වර්තමානයට වඩා සියයට 600 කින් වැඩිය. මෙම භූ විද්‍යාත්මක යුගයට කාබෝනිෆෙරස් යන නම ලැබීමට හේතු වූයේද මෙම අසාමාන්‍ය ගල් අඟුරු ප්‍රමානයක් සහිත භූ සැකැස්ම නිසාවෙනි.

එක් අතකින් බලන විට දැව දිරාපත් කරන ක්ෂුද්‍ර ජීවීන් නොමැති මෙවැනි යුගයක් පැවතීම වර්තමානයේ අපට බලශක්තිය ලබා ගැනීමට වටිනා නිධානයක් ඉතිරි කර ඇත. එය මානව සමාජයේ දියුණුවට හේතු වී ඇති බව නොරහසකි. නමුත් අනිත් අතින් බලන විට එය විශාල කාබන් දහනයකට සහ වායු දූශනයට හේතු වී ඇත.

18/11/2022

මේ සේයාරුව බොහෝ ඇගයීම් වලට සම්මත වූවක්. බැලූ බැල්මට පෙනෙන දෙයට වඩා ගැඹුරක් එහි අන්තර්ගත වේ. කුඩා පැටවා කූඩුවෙන් බිමට වැටෙන අතර මව් කිරිල්ලිය කූඩුවේ සිට පැටවා අදින්නට උත්සහ කරයි. ඒ අතර පිය කුරුල්ලා පහත සිට පැටවා ඉහළට තල්ලු කරයි.

17/11/2022

පුෂ්පයක් ආරම්භයේ සිට ඵලයක් හට ගෙන එහි අවසානය දක්වා පෙන්නුම් කර ඇති අපූරූ ස්වභාවික සංසිද්ධියක්.

16/11/2022

ඔලිව් තෙල් වල ගුණ දන්නවාද?

අප ආහාර පිළියෙල කිරීමේදී වඩාත් රසවත් හා විවිධත්වයක් සහිත කෑම සෑදීමට බොහෝවිට විවිධ තෙල් වර්ග භාවිතා කරනවා. පොල්තෙල්, ඔලිව් තෙල්, සූරියකාන්ත තෙල් හා එළවළු තෙල් ඒ අතරින් කිහිපයක්. සියලු තෙල් වර්ග අතරින් ඔලිව් තෙල් වඩාත්ම සෞඛ්‍යාරක්ෂිත තෙල් වර්ගය බව පරීක්ෂණ මගින් සනාථ කර ඇත.

තෙල් ලබා ගන්නා ආකාරය අනුව කොටස් කිහිපයකින් යුතු ඔලිව් තෙල් වෙළෙඳපොළේ හමුවේ.

1. Extra Virgin olive oil - මෙය ඔලිව් ඇට වලින් මුලින්ම ලබා ගන්නා වර්ගය වන අතර ඉතාම හිතකර වර්ගයයි. කිසිදු රසායනික ද්‍රව්‍යක් එකතු නොකෙරේ.

2. Virgin olive oil - මෙය දෙවන වර ලබාගන්නා තෙල් වේ. රසායනික ද්‍රව්‍ය එකතු නොකෙරේ. නමුත් දෙවන වර බැවින් මෙහි ගුණදායක බව පළමු වර්ගයට වඩා අඩුය.

3. Refined olive oil - මෙය තෙවන වර ලබාගන්නා වර්ගයයි. රසායනික ද්‍රව්‍ය එක් කරන බැවින් අහිතකර බලපෑම් ඇතිවිය හැක.

සාමාන්‍යයෙන් ඔලිව් තෙල් වල ගුණදායක බව පවතින්නේ වසර එක හමාරක කාලයක් තුල බව පිළිගනී. එබැවින් මිලදී ගැනීමට පෙර නිෂ්පාදිත දිනය හා කල් ඉකුත් වීමේ දිනය ගැන සැළකිලිමත් වන්න.

ඔලිව් තෙල් ප්‍රතිඔක්සිකාරක ගුණ වලින් හා විටමින් E වලින් පොහොසත් වේ. හෘද රෝග හා කොලෙස්ටෙරෝල් තත්ත්ව සදහා ඉතාමත් සුදුසු තෙල් වර්ගය වේ.

14/11/2022

ලොව පුරා වැවෙන විවිධ ප්‍රමාණයේ තක්කාලි එකතුවක්.

12/11/2022

ඇත්තටම මුතු හැදෙන්නෙ කොහොමද?

මේ මුතු ඇටයෙ උපත වෙන්නේ වැලි කැටයකින් හරියටම කියනවනම් දුවිලි අංශුවකින් තමයි මුතු ඇටයක් උපදින්නෙ.
මෙච්චර කල් හිතන් හිටියෙ මුතු බෙල්ලො තමයි මුතු ඇට හංගන් ඉන්නෙ කියලනෙ.ඒත් ඇත්තටම වැලි කැටයකින් තමා මේක වෙන්නේ.

මුතු බෙල්ලන්ගෙ ශරීරය ඇතුල හරිම මෘදුයි ඉතින් ඒ මෘදු බෙල්ලගෙ ඇතුලට වැලි කැටයක් එහෙමත් නැතිනම් දූවිලි අංශුවක් ඇතුල් උනාම මේ බෙල්ලට අසීමිත වේදනාවක් දැනෙන්න ගන්නවා.
හරියට අපේ තුවාලයකට වැලි කැටයක් ගියාම අපිට දැනෙන වේදනාව වගේ ඉතින් මේ බෙල්ල ඒ දැනෙන වේදනාව අඩු කරගන්න කියල “nacre” කියන ද්‍රාවණයක් වැලි අංශුව වටේට නිකුත් කරනවා.

ඉතින් මේ විදිහට බෙල්ලට වේදනාව දැනෙන්න දැනෙන්න මේ ද්‍රාවණය සැරින් සැරේ නිකුත් කරන්න ගන්නවා.ඉතින් බෙල්ලගෙ බාහිර කවචයේ ඇතුල් පැත්තෙ හැදෙන මේ රසායනිකය තුල ඇරොගොනයිට්(Aragonite) ලවනය සහ කොන්කිඔලීන් (Conchiolin)කියන ප්‍රෝටීනය තමයි අන්තර්ගත වෙන්නෙ.
දිගින් දිගටම මේ ක්‍රියාවලිය සිදුවෙමින් ස්වභාවිකව මුතු ඇටයක් වර්ධනය වෙන්න සාමාන්‍යයෙන් අවුරුදු 15-20 වත් යනවා. ඒ කියන්නේ මුතු බෙල්ලෙක් එතරම් කාලයක් පුරාවටම මේ වේදනාව විඳිනවා.

ඒවගේම මේ වේදනාවත් එක්ක ලැබෙන මුතු ඇට එකිනෙකට වෙනස් වගේම කවදාවත් සර්ව සම්පුරණ නිමැවුමක් විදිහට එලියට එන්නෙ නෑ.ඒත් එහෙමයි කියල වටිනාකමේ අඩුවක් වෙන්නෙත් නෑ.

ඒවගේම වැදගත්ම දේ තමයි ජීවි සත්වයෙක්ගෙන් ලබා ගන්න එකම මැණික් වස්තුව වෙන්නනේත් මුතු ඇට‍යි.

08/11/2022

ගොටුකොළ වල ගුණ දන්නවාද?

ශ්‍රී ලංකාවේ ඕනෑම පරිසරයක බිම් කඩක ඉතා පහසුවෙන් වැවෙන පැළෑටි වර්ගයක් ලෙස ගොටුකොළ හදුන්වන්න පුලුවන්. වැඩි සාත්තුවක් නැතුවම නිකන්ම නිකන් වතුර ටිකක් විතරක් දාලා කෑමට ගන්න වෙළෙඳපොළෙන් ගේන ගොටුකොළ වල ඉවත දමන දඩු ටික පැල කරගන්නත් පුලුවන්.

මේ ගොටුකොළ වල තිබෙන පෝෂක ප්‍රමාණය ඉතාමත් ඉහලයි. ප්‍රධාන වශයෙන්ම මොළයේ වර්ධනයට හා අක්ෂි සෛලවල දුර්වලතා මගහරවා ගැනීමට අවශ්‍ය සංඝටක රාශියක් මෙහි අඩංගු වනවා. ඊට අමතරව තුවාල සුව කිරීමේ හැකියාව යහමින් අඩංගු වනවා. ශීතකාරක ගුණය සහිත පළාවර්ග අතර ඉස්සරහින්ම ඉන්න වර්ගයක් තමා ගොටුකොළ. ඒ නිසා ශරීරයේ උෂ්ණත්වය ඉතා අධික වීම මත රක්තය ආශ්‍රිත ලෙඩ රෝග වලින් පෙලෙන අයට මෙය ඉතාම ගුණදායක ආහාරයක්. මලබද්ධය වැනි තන්තු අවශ්‍යතා සහිත අයටත් ඉතාම වටිනා ඖෂධයක්.

වඩාත්ම ගුණ දෙන ආකාරය වන්නේ ගොටුකොළ සම්බෝල ලෙස රතුලූණු යහමින් දමා දෙහි ඇඹුල්ද සමග ආහාරයට ගැනීමයි. තවද කැද හා ගොටුකොළ මිරිකා ලබා ගන්නා යුෂද ඉතා ගුණදායක වේ.

07/11/2022

ගස්ලබු නැත්නම් පැපොල් කියන්නේ ඉතාමත් රසවත්, ගුණවත් වගේම ලංකාවේ සෑම ප්‍රදේශයකම වගේ පහසුවෙන් වැවෙන භෝගයක්. මෙහි අපගේ එදිනෙදා ජීවිතයට අවශ්‍ය පෝෂ්‍ය පදාර්ථ වලින් රාශියක් අඩංගු වී ඇත.

ප්‍රධාන වශයෙන් බහුලව ඇතු විටමින් A මගින් ඇස් පෙනීම යහපත් ලෙස පවත්වා ගන්න උපකාර වෙනවා. පළතුරු අතරින් පැණි රස වැඩි පළතුරක් වීම නිසා සීනි භාවිතය අවම කිරීමට සිදුවී ඇති දියවැඩියා රෝගීන්ට ඉතා සුදුසු පළතුරක් වනවා. අඩු කැලරි ප්‍රමාණයක් ද අන්තර්ගත වන බැවින් ආහාරයට පැණි රසක් ලබා දීමට හා විවිධත්වයක් ඇති කරමින් ආහාර ගැනීමට පැපොල් උදව් කරගන්න පුලුවන්.

තන්තු බහුල ආහාරයක් වන පැපොල් මලබද්ධය වැළැක්වීමට ඉතාම සුදුසු වේ. එමගින් ආහාර දිරවීම හා ඉක්මනින් පිරුණු බවක් ලබා දීම තුළින් කුස පිරීම සිදුවේ.

විටමින් C බහුල පලතුරක් වන නිසා ශරීරයේ ප්‍රතිශක්තිය ඉහල නංවන අතර එහි ඇති ප්‍රතිඔක්සිකාරක ගුණ පිළිකා සෛල වලට එරෙහිව සටන් කරයි.

එනිසා ඔබේ දෛනික ආහාර වේලට හැකිතරම් පැපොල් එක් කරගැනීමට සැළකිලිමත් වන්න.

02/11/2022

කස කසා ඇට වල ප්‍රතිලාභ

බොහෝ දෙනා කස කසා ඇට යොදාගනු ලබන්නේ ආහාර වර්ග හා බීම වර්ගවල අලංකාරය සඳහාය. විශේෂයෙන් බීම වර්ගවලට මෙන්ම වටලප්පන්, පුඩිං, සලාද, ජෙලිවලට රසකාරකයක් මෙන්ම අලංකාරයත් සඳහා කස කසා ඇට යොදා ගැනේ. නමුත් බොහෝ දෙනා නොදැන සිටි කරුණක් වන්නේ කස කසා ඇටවල ඉතා ගුණදායක පෝෂ්‍ය පදාර්ථයන් ඇති බවය.

කස කසා ඇට නිල් සහ සුදු වර්ණවලින් යුක්තය. කස කසා ඇට ග්‍රෑම් 100ක පෝෂණ ගුණය ලෙසින් ශක්තිය කිලෝ කැලරි 525, කාබෝහයිඩ්‍රේට් ග්‍රෑම් 28.13, ප්‍රෝටීන් ග්‍රෑම් 17.99, සම්පූර්ණ මේදය ග්‍රෑම් 41.56, (මෙහි කොලෙස්ටරෝල් නැත) කෙඳි ග්‍රෑම් 19.5, පෝලේට් මයිකෝ ග්‍රෑම් 82, නියසීන් මිලිග්‍රෑම් 89, අන්තර්ගත වේ. මීට අමතරව තවත් පෝෂ්‍ය ගුණයන් කිහිපයක්ම කස කසා ඇටවල අඩංගුව පවතී.

කස කසා ඇටවලින් ලබා ගන්නා තෙල් මඟින් කාන්තාවන්ගේ සරුභාවය වැඩිදියුණු කරගත හැක. විශේෂයෙන් පැලෝපීය නාලවල ඇති අපද්‍රව්‍ය කොටස, අනවශ්‍ය කොටස, දියකර හැරීමේ හැකියාවත් කසකසා ඇටවල අන්තර්ගතව පවතී.

කස කසා වල ඇත්තේ ජලයේ දිය නොවන කෙඳිවන අතර ඒවා ආහාර දිරවීම සඳහා ඉතා ප්‍රයෝජනවත් වේ. කුසගිනි වීම පාලනය වීමද සිදුවේ. එමඟින් මළ හොඳින් පිටකිරීමට උදව් කෙරේ. අර්ශස් ඇති රෝගීන්ට කස කසා ඇට ඉතා ගුණදායක වේ.

කස කසා ඇට අඩංගු බීම වර්ග පානය කිරීමෙන් කෝටිසෝල් (හෝමෝනය) පහළ බසී. එමඟින් මානසික පීඩනය දුරැකර ආතතිය අඩුකර සිරුර නිශ්චලතාවයට පත්කර නින්ද හොඳින් ඇති කෙරේ. මේ නිසා නින්දට පෙර කස කසා ඇට සහිත බීම වීදුරුවක් පනය කර නින්දට යාමෙන් මහන්සිය දුරැකර සුවබර නින්දක් උදාකරයි.

නිතරම තුවාල හටගන්නා රෝගීන්ටද කස කසා ඇට සහිත බීම ඉතා ගුණදායක වේ. එමඟින් සිරුර සිසිල් කිරීමක් සිදුවන අතර විශේෂයෙන් මුඛයේ තුවාල ඉතා ගුණදායක වේ. මෙහි කාබෝහයිඩ්‍රේට් ඇතුළු බොහෝ පෝෂණ සංඝටක අන්තර්ගතව පවතී. එම නිසා ප්‍රතිශක්තිය ඇතිකර රෝග ඇතිවීම වළකාලයි. මොළයේ ක්‍රියාකාරීත්වයට උදව් කෙරේ. මේ නිසා බුද්ධි වර්ධනය සඳහා බොහෝ උපකාරී වේ.


හිසකෙස්වලට මෙන්ම සමටද ඉතා ගුණදායක වේ. දද කුෂ්ඨ ඇතිවීම වළකාලයි. විටමින් බී 6 අඩංගු වීම හේතුවෙන් රක්තහීනතාවයට ඉතා ගුණදායක වේ. පිළිකා නාශක ගුණයත් කස කසා ඇටවල පවතී. විටමින් බී සහ කැල්සියම් මඟින් ස්නායු පද්ධතියේ රෝග ගණනාවකට සුවය ලබාදේ. තයිරොයිඩ් ග්‍රන්ථයේ ක්‍රියාකාරීත්වයට මෙය උදව් කෙරේ. පෙනීමට ඉතා ගුණදායක වේ.

නමුත් කිසි විටකත් එක දිගට සෑම දිනකම කස කසා ඇට ගැනීමත් බොහෝ ප්‍රමාණයක් එක්වරම ගැනීමත් අහිතකරය. එමනිසා සතියකට දින කිහිපයකට වරක් පානය කිරීම සුදුසුයි.

01/11/2022