25/04/2026
චිකන් ඩෙවිල් එකක රසටම "සෝයා මීට් ඩෙවිල්" 🥘🔥🌶️
හැමදාම උයන සෝයා මීට් හොද්ද වෙනුවට, අද අපි හදමු රෙස්ටුරන්ට් එකක රසටම සැරට තියෙන සෝයා මීට් ඩෙවිල් එකක්. මේක ෆ්රයිඩ් රයිස් එකක් එක්ක වගේම පරාටා එක්ක කන්නත් මරු!
අවශ්ය ද්රව්ය:👇
සෝයා මීට් පැකට් 1ක් (තම්බා වතුර මිරිකා ගත්)
කෝන් ෆ්ලවර් (Corn flour) මේස හැඳි 2ක්
ලොකු ළූණු, බෙල් පේපර් (පැණි මිරිස්), තක්කාලි (ලොකුවට කපාගත්)
අමුමිරිස්, ඉඟුරු සුදු ළූණු පේස්ට්
සෝයා සෝස්, තක්කාලි සෝස්
කෑලි මිරිස්, ගම්මිරිස් සහ ලුණු
හදන ක්රමය:👇
වතුර මිරිකා ගත් සෝයා මීට්වලට ලුණු, ගම්මිරිස් සහ කෝන් ෆ්ලවර් දමා කලවම් කර රන්වන් පැහැ වන තුරු තෙලේ බැදගන්න.
තාච්චියකට තෙල් ස්වල්පයක් දමා ඉඟුරු සුදු ළූණු පේස්ට් සහ අමුමිරිස් බැදගන්න.
එයට කපාගත් ළූණු, බෙල් පේපර් සහ තක්කාලි එකතු කර විනාඩි 2ක් අධික ගින්දරේ තෙම්පරාදු කරන්න (එළවළු ටික තැලෙන්න දෙන්න එපා).
දැන් සෝයා සෝස්, තක්කාලි සෝස්, කෑලි මිරිස් සහ බැදගත් සෝයා මීට් ටික එකතු කර හොඳින් කලවම් කරන්න.
රස අනුව ලුණු බලා ලිපෙන් බාගන්න.
💡 Cooking Tip:👉 "සෝයා මීට් එකේ නියම රසක් ගන්න නම්, මුලින්ම සෝයා මීට් ටික තම්බද්දී ඒ වතුරට ලුණු සහ කරපිංචා ඉත්තක් එකතු කරන්න. ඒ වගේම ඩෙවිල් එකට සීනි පින්චක් එකතු කළොත් ඒකෙන් සැර සහ ඇඹුල් ගතිය ලස්සනට සමබර වෙනවා."
✅ මේ වගේ කටට රසට හදන රහස් රෙසිපි දැනගන්න අපේ "My Cooking Tips" පිටුව Follow කරන්න! මේ පෝස්ට් එක ඔබේ මිතුරන් අතරත් Share කරන්න. ❤️
