තිස්සමහාරාම පිංබිම Tissamaharama

27/08/2026

බල්ලෙක් හැපුවොත් "මම පලි නෑ" කියන්න අයිතිකරුට බෑ! ලංකාවේ නීතිය මෙන්න.

අල්ලපු ගෙදර බල්ලා ගේට්ටුව උඩින් බුරද්දී, තමන්ගේ දරුවාව බයෙන් වඩාගෙන පාරේ යන අම්මලා තාත්තලා අපේ රටේ ඕනෑතරම් ඉන්නවා. "ගේට්ටුව වහලයි තිබ්බේ, සතා පැන්නට මම පලි නෑ" කියලා බේරෙන්න බල්ලන්ගේ අයිතිකරුවන්ට දැන් බැහැ.
තමන්ගේ සුරතලා නිසා වෙනත් අයෙකුට, විශේෂයෙන්ම දරුවෙකුට අනතුරක් වුණොත් ලංකාවේ නීතියෙන් රුපියල් ලක්ෂ 10කට වඩා වැඩි වන්දියක් ලබාගන්න පුළුවන් බව ඔබ දන්නවාද?

අපේ සමාජයේ මුල්බැසගෙන තියෙන ලොකුම මිථ්‍යාවක් තමයි "අනේ මම දැක්කේ නෑ", "සතා දම්වැල කඩාගෙන ගිහින්" කිව්වම අයිතිකාරයා නීතියෙන් නිදහස් වෙනවා කියන එක. නමුත් ලංකාවේ ක්‍රියාත්මක වන රෝම ලන්දේසි නීතියේ එන 'Actio de Pauperie' (පෞපෙරියානු නඩුකරය) සංකල්පයට අනුව මෙහිදී ක්‍රියාත්මක වෙන්නේ ‘Strict Liability' (තදබල වගකීම) පිළිබඳ නීතියයි. එනම්, අනතුර සිදුවීමට අයිතිකරුගේ නොසැලකිල්ලක් තිබුණාද නැද්ද යන්න ඔප්පු කිරීමට වින්දිතයාට අවශ්‍ය නැත. සතා තමන්ගේ නම්, සතාගෙන් සිදුවන හානියට සම්පූර්ණයෙන්ම වන්දි ගෙවීමට අයිතිකරු බැඳී සිටී.

දණ්ඩ නීති සංග්‍රහය සහ අලුත්ම දඬුවම්
ලංකා දණ්ඩ නීති සංග්‍රහයේ 282 වගන්තිය (Penal Code Section 282) ප්‍රකාරව, තමන්ගේ සතෙකුගෙන් අන් අයට සිදුවන අනතුරු වළක්වා නොගැනීම පැහැදිලිවම සාපරාධී වරදකි. 2024 වසරේදී සිදුකළ නවතම නීති සංශෝධනවලට අනුව:

* මේ සඳහා වන උපරිම දඩ මුදල රුපියල් 10,000ක් දක්වා වැඩි කර ඇත.
* දඩයට අමතරව මාස 6ක් දක්වා සිරදඬුවම් නියම කිරීමටද අධිකරණයට ප්‍රතිපාදන ඇත.
* "වැඩකාරයා ගේට්ටුව ඇරියා" හෝ "හිතාමතා සිද්ධවුණේ නැහැ" වැනි නිදහසට කරුණු උසාවියේදී වලංගු නොවේ.

සිවිල් වන්දි ලබාගැනීමේ අයිතිය_____

ඉහත සාපරාධී නඩුවට අමතරව, අනතුරට පත් පාර්ශ්වයට දිසා අධිකරණය හරහා සිවිල් වන්දි නඩුවක් පැවරිය හැකිය. සුළු සපාකෑමකට පවා රුපියල් 50,000 සිට වන්දි ඉල්ලා සිටිය හැකි අතර, දරුවෙකුට සිදුවන බරපතළ තුවාලයක්, මානසික කම්පනයක් හෝ මුහුණේ ඇතිවන කැළලක් වෙනුවෙන් රුපියල් ලක්ෂ 10කට වඩා වැඩි වන්දි මුදල් අධිකරණය මඟින් ලබාදුන් නඩු තීන්දු ලංකාවේ පවතී. මේ නීතිමය අවදානම නිසාම වර්තමානයේ ලංකාවේ සමහර පිරිස් 'Pet Owner Insurance' (සුරතල් සතුන්ගේ අයිතිකරුවන් සඳහා වන රක්ෂණ) ලබාගැනීමට පවා පෙළඹී ඇත.

අනතුරක් වුවහොත් ඔබ වහාම කළ යුතු පියවර 4

නීතිමය වශයෙන් සාධාරණයක් සහ වන්දියක් ලබාගැනීමට නම්, අනතුර සිදු වූ වහාම ඔබ මෙම පියවර අනුගමනය කළ යුතුය:

1. පළමුවැනි පියවර: වහාම දරුවා හෝ අනතුරට පත් පුද්ගලයා රෝහල් ගත කරන්න. ජලභීතිකා අවදානමෙන් ආරක්ෂා වීම සහ ජීවිතය බේරාගැනීම සියල්ලටම වඩා වැදගත්ය.

2. දෙවැනි පියවර: ළඟම ඇති පොලිසියට ගොස් පැමිණිල්ලක් (Police Entry) දමන්න. අයිතිකරු පිටතදී සමථයකට පත්වීමට හැදුවද, පොලිස් පැමිණිල්ල යනු උසාවියේදී ඔබේ ප්‍රබලම සාක්ෂියයි.

3. තුන්වැනි පියවර: රෝහලේදී අනිවාර්යයෙන්ම JMO (අධිකරණ වෛද්‍ය නිලධාරී) ලවා තුවාල පරීක්ෂා කරවා නිල වාර්තාවක් ගන්න. එය තුවාලයේ බරපතළකම (Grievous Hurt) ඔප්පු කිරීමට අත්‍යවශ්‍ය වේ.

4. හතරවැනි පියවර: වහාම නීතීඥවරයෙකු හමුවන්න. නීතීඥ ගාස්තු ගෙවීමට අපහසු නම්, රජයේ තතු විමසීම් මධ්‍යස්ථානයේ 1919 අංකයට ඇමතීමෙන් හෝ නීති ආධාර කොමිසම (Legal Aid Commission) වෙතින් නොමිලේ නීති උපදෙස් හා සහාය ලබාගත හැක.

⚠️ විශේෂයෙන්ම මතක තබාගත යුතු කාල සීමාව:

සිවිල් වන්දි නඩුවක් පැවරීම සඳහා ඔබට නීතියෙන් හිමිවන්නේ අනතුර සිදු වූ දින සිට අවුරුදු 2ක (දින 730ක) උපරිම කාලයක් (2-Year Prescription Period) පමණි. ඒ කාලය ඉක්ම ගියහොත් වන්දි ඉල්ලීමේ අයිතිය සදහටම අහෝසි වේ.

මෙය ඕනෑම මොහොතක ඔබට හෝ ඔබේ හිතවතෙකුට ප්‍රයෝජනවත් විය හැකි අතිශය වැදගත් නීතිමය කරුණකි. මෙය අනෙක් අයගේ දැනුවත්වීම පිණිස Share කරන්න.

27/08/2026

🌕✨ නිකිනි පොහෝය දිනය ✨🌕
නිකිනි පොහෝය, වස් කාලයේ දෙවන පොහෝය දිනය වන අතර පළමු ධම්ම සංගායනය සිදුවූ අති පූජනීය දිනයයි. 🪷
📿 බුදුරජාණන් වහන්සේගේ පරිණිර්වාණයෙන් මාස තුනකට පසු, රජගහනුවර සප්තපර්ණි ගුහා මධ්‍යයේ මහා කස්සප මහථේරෝගේ නායකත්වයෙන් මෙය පැවැත්විණි.
📿 එහිදී බුදු සමිපාරිචාරක අනන්ද මහථේරෝද අරහත්වට පත්ව, භික්ෂු 500ක් පිරිසෙන් පළමු ධම්ම සංගායනය සම්පූර්ණ විය.
🪷 වස් කාලය – ඇසළ පොහෝයෙන් ආරම්භ වී, නිකිනි පොය දක්වා සන්සුන් හා ගැඹුරු ආත්මික අවධියක් ලෙස පැවැතිනි. මෙම කාලය තුළ භික්ෂූන් වහන්සේලා බාහිර සංචාර වලින් වැළකි, ගැඹුරු ආත්මික භාවනාවෙන් යුතුව ජීවිතය ගත කරති. ගෘහස්ථයන්ටද මේ කාලය භික්ෂූන් වහන්සේලා සමග වැඩි සම්බන්ධයක් ඇති කරගන්නා අවස්ථාවකි.
🎐 ශ්‍රී ලංකාවේ නිකිනි පොහෝය –
මෙය මහනුවර ඇසළ පෙරහැරේ අවසන් දිනයක්ද වේ. දිනෙක නාදයෙන්, දම් සුවඳින් හා කලාමය දැක්මකින් පිරුණු මේ මහා පෙරහැර අතිවිශිෂ්ට අත්දැකීමකි.
🙏 අද නිකිනි පොහෝය දිනයේදී, සියලු දෙනාම පින් කටයුතු, සෙරිනද සිත්, හා නිවන් මග පිළිබඳ සිහිවටනයක් ලබා ගනිමු.
සුභ නිකිනි පොහෝය දිනයක් වේවා! 🌸

27/08/2026

නේපාල ගංවතුරින් විදේශීය සංචාරකයින් 291ක් අතුරුදන් - මියගිය ගණන 17 දක්වා ඉහළට 🇳🇵
____________________________________

නේපාලයේ රසුවා (Rasuwa) දිස්ත්‍රික්කයේ ගම්මාන හරහා හදිසියේ ඇති වූ ගංවතුර සහ නායයෑම් හේතුවෙන් නිවාස, මාර්ග සහ යටිතල පහසුකම් රැසකට දැඩි හානි සිදු වී තිබෙනවා.

මෙම ස්වාභාවික ආපදාව හේතුවෙන් මේ වන විට ජීවිතක්ෂයට පත්වූ සංඛ්‍යාව 17 දක්වා ඉහළ ගොස් ඇති අතර, විදේශීය සංචාරකයින් 291 දෙනෙකු ඇතුළුව තවත් විශාල පිරිසක් අතුරුදහන් වී ඇති බවයි වාර්තා වන්නේ.

ව්‍යසනයෙන් බලපෑමට ලක්වූ නේපාල - ටිබෙට් දේශසීමාවේ දෙපසම අතුරුදහන් වූවන් සෙවීමේ සහ මුදාගැනීමේ මෙහෙයුම් මේ වන විටත් දැඩි ලෙස ක්‍රියාත්මක කෙරෙනවා.

27/08/2026

සමාජ මාධ්‍ය හරහා ළමුන් සහ කාන්තාවන්ගේ පුද්ගලික ඡායාරූප සහ ලිංගික දර්ශන මිල දී ගැනීම සහ අලෙවි කිරීමේ මාර්ගගත ජාවාරමක් සම්බන්ධවයි.

මුහුණුපොත (Facebook) ප්‍රමුඛ සමාජ මාධ්‍ය අවකාශයන් තුළ සමූහ (Groups) මගින් ළමුන්ගේ සහ කාන්තාවන්ගේ ලිංගික දර්ශන සහ පුද්ගලික ඡායාරූප මිලදී ගන්නා සහ මුදලට අලෙවි කරන මාර්ගගත ජාවාරමක් පිළිබඳ අප වෙත වාර්තා වී ඇත.

තවද මේ දිනවල සමාජ මාධ්‍ය ක්‍රියාකාරීන් විසින් දැනටමත් මෙම තත්වය පිළිබඳ පරිශීලකයින් දැනුවත් කරමින් ලිපි සහ වීඩියෝ පට විශාල ප්‍රමාණයක්ද ප්‍රචාරය කර ඇත.

ඒ අනුව අප විසින් සිදු කළ මූලික සොයා බැලීම් හරහා අනාවරණය කරගත් කරුණු සහිතව ශ්‍රී ලංකා පොලිස් ළමා හා කාන්තා කාර්යාංශය සහ පරිගණක අපරාධ විමර්ශන කොට්ඨාසය වෙත යොමු කර ඇත.

අදාළ සමූහ පරීක්ෂා කිරීමේ දී ඒවා තුළ ව්‍යාජ ගිණුම් හරහා තම සමීපතමයින්ගේ ඡායාරූප සහ වීඩියෝ පට මෙසේ විකිණීමට උත්සාහ කරන බව පෙනුනු අතර තම පවුලේම සාමාජික කාන්තාවන්ගේම ඡායාරූප සහ වීඩියෝ පට මෙලෙස බෙදාහැරීමට උත්සාහ කරන අවස්ථාද නීරීක්ෂණය විය.

එසේම මෙම සමූහ බොහොමයක් විදේශ රටවල සිට මෙහෙයවන බවද හඳුනාගැනීමට හැකිවිය.

ඔබ පවුලේ කාන්තාවන් සහ ළමුන් ඔබ නිවස තුළදීම මෙලෙස අනාරක්ෂිත වීමේ අවදානම පවතින බැවින් දෙමව්පියන් තම දරුවන්ගේ සමාජ මාධ්‍ය භාවිතය පිළිබඳ සහ ඔවුන් ඒ හරහා ඇසුරු කරන මිතුරන් පිළිබඳව අවදානයෙන් පසුවන ලෙස කාරුණිකව දැනුම් දෙමු.

තවද ඔබ පවුලේ අයෙකු එවැනි ජාවාරමක ගොදුරක් වන බවට, ඇබ්බැහි වූවෙකු වන බවට නිරීක්ෂණය වුවහොත් ඔවුන් මනෝ සමාජයීය උපදේශනය වෙත යොමු කිරීමට හෝ අනෙකුත් නෛතික සහය ලබා ගැනීමට 1938 සහ 1929 ගාස්තු රහිත උපකාරක සේවා දුරකථන අංක හරහා හැකියාව සළසා දී ඇත.

මෙම තත්ත්වය අප අමාත්‍යාංශයේ පූර්ණ අවධානය යොමු වී ඇති බවත් මේ හරහා කාන්තාවන් සහ ළමුන් වින්දිතභාවයට පත්වීම වළක්වා ගැනීමේ ක්‍රියාමාර්ග සඳහා අවශ්‍ය කඩිනම් මැදිහත්වීම් සිදුකරන බවත් මෙමගින් වැඩිදුරටත් දන්වා සිටිමු.

මාධ්‍ය ඒකකය,
කාන්තා සහ ළමා කටයුතු අමාත්‍යාංශය.

26/08/2026

🔴 තව හුරතල් කර කර ඉන්නකො..😬🤦
ඔක්කොටම කලින් පොලිස් මාධ්‍ය ඒකකය ගෙදර යවන්න ඕන..
පොලිස්පතිගෙ නියමයෙන් පරීක්ෂණයක් කරනවා කියලා එයාල දැම්මා ෂෝක් මාධ්‍ය නිවේදනයක්...

පරීක්ෂණේ කරන්න කලින්ම ඒකෙන් අර වයසක මනුස්සයව වැරදි කාරයෙක් විදිහට පෙන්නලා ඉවරයි..ඉතින් පොලිසියෙන්ම කරන ඒ පරීක්ෂණේ ප්‍රථිපල හිතාගන්න පුලුවන්...

පුතා පොලිසිය තුල කලහකාරීව හැසිරුණාලු..යකඩෝ මොන පුතාද..තාත්තා ලේ පෙරාගෙන පොලිසියෙ තියාගෙන ඉන්නවා දැක්කම කලහකාරී නොවී ඉන්නෙ..

ගහලා හෝ වැටිලා හෝ ඒ මනුස්සයගෙන් නොනවත්වා ලේ ගලනකොට පොලිසියෙ වගකීම එයාව පොලිසිය ඇතුලෙ ඉන්දවලා තියෙන එකද..හරිනන් ඒ මනුස්සයා ඉන්න ඕන ඒ වෙලාවෙ hospital එකේ..ඒ තරමටවත් පොලිසියෙ වගවීමක්නෑ..පුතා ආවම පුතාට කියනවා ලේ එනවනන් අයිස් කැටයක් තියන්න කියලා..

වෙන දේවල් වැඩක් නෑ ඒ සිද්ධියම ඇති පොලිසියට විරුද්දව ක්‍රියාමාර්ගයක් ගන්න..

රටේ මිනිස්සු හාවො නෙමෙයිනෙ පොලිසිය දෙන කැරට් අල කකා ඉන්න..

Anura Kumara Dissanayake ජනාධිපතිතුමාට කියන්න තියෙන්නෙ පොලිසිය මේ අහින්සක මිනිස්සුන්ව තලන පෙලන දිහා කිසිදු ක්‍රියාමාර්ගයක් ගන්නෙ නැතුව බලාගෙම ඉන්න පුලුවන්නන් ඔයාට රටේ මිනිස්සු දීපු බලයෙන් වැඩක් නෑ..අහිංසක මිනිස්සුන්ගෙ දුක,පීඩාව ඔයාට තේරෙන්න ඕන..මොකද කලින් ආණ්ඩු කාලෙ මේ වගේ දේවල් වෙනකොට ඔයා තමා මිනිස්සු වෙනුවෙන් කතා කරේ..

දැන් ඔයාට තියෙන්නෙ කතා කරන්න නෙමෙයි..මේවා දැක්කම ක්‍රියාමාර්ග ගන්න, මේ වගේ ආයතන වෙනස් කරන්න කටයුතු කරන්න..

හැමදාම කියනවා වගේ ඒ දේ නොකලොත් කලින් ආණ්ඩුවලට වගේම ඔබේ ආණ්ඩුවෙත් ඉරණම තීන්දු කරන්නෙ මෙන්න මේ පොලිසියම තමයි..!

26/08/2026

අම්බලන්ගොඩ පහරදීමේ සිද්ධියේ
උප පොලිස් පරීක්ෂකවරයාට ස්ථාන මාරුවක්

අත්අඩංගුවේ පසුවන තම පියාට පොලිස් නිලධාරීන් පහරදුන් බව පවසමින් පුද්ගලයෙකු අම්බලන්ගොඩ පොලිස් ස්ථානය තුළ කලහකාරීව හැසිරෙන ආකාරය දැක්වෙන වීඩියෝවක් සම්බන්ධයෙන් විශේෂ විමර්ශනයක් ආරම්භ කර තිබෙනවා.

ගාල්ල කොට්ඨාස භාර ජ්‍යෙෂ්ඨ පොලිස් අධිකාරිවරයාගේ අධීක්ෂණය යටතේ, ගාල්ල දිස්ත්‍රික් II භාර පොලිස් අධිකාරිවරයා විසින් එම විමර්ශනය සිදුකරන බවයි වාර්තා වන්නේ.

මේ අතර, අදාළ සැකකරු අත්අඩංගුවට ගත් පොලිස් කණ්ඩායම භාරව කටයුතු කළ උප පොලිස් පරීක්ෂකවරයා වහාම ක්‍රියාත්මක වන පරිදි අම්බලන්ගොඩ පොලිස් ස්ථානයෙන් ස්ථාන මාරු කර තිබෙනවා.

සිද්ධිය සම්බන්ධයෙන් ඉදිරි විමර්ශන කටයුතු අඛණ්ඩව සිදුකෙරෙන බව සඳහන්.

25/08/2026

25/08/2026

🚨 **නීතිය රකින අයගෙන්ම අමානුෂික ප්‍රහාරයක්! තමන්ගේ තාත්තා වෙනුවෙන් තනියම සටන් වැදුණු නිර්භීත පුතා වෙනුවෙන් මුළු රටම එකතු වෙමු!** ✊🇱🇰💔

අම්බලන්ගොඩ පොලීසියෙන් වයෝවෘද්ධ, අසරණ පියෙකුට සිදු කළ මේ අමානුෂික පහරදීම සහ ඊට එරෙහිව නැගී සිටි පුතුගේ සත්‍ය කතාවයි මේ.

**සිද්ධිය සම්පූර්ණ විස්තරය:** 📌

* 🪪 **සිදුවීම ආරම්භය:** වයෝවෘද්ධ පියා අතේ ඒ මොහොතේ ජාතික හැඳුනුම්පත (ID) නොතිබීම පමණක් හේතු කරගෙන පොලිස් නිලධාරීන් පිරිසක් ඔහුට ඉතා අමානුෂික ලෙස පහර දී ඇත.

* 🩸 **අවදානම් සෞඛ්‍ය තත්ත්වය:** පහර කෑමට ලක්වූ පියා හෘද රෝගියෙකි (Heart Patient). ඔහු ලබාගන්නා ඖෂධ (Blood Thinners) හේතුවෙන් ඇති වූ සංකූලතා නිසා පසුගිය **24 වනදා රාත්‍රී 9:00 සිට 25 වනදා පෙරවරු 11:00 වන තෙක්ම (පැය 14කට අධික කාලයක්)** රුධිරය වහනය වීම නතර වී නැත. එවන් තත්ත්වයක සිටි රෝගියෙකුට නිසි ප්‍රතිකාර ලබා නොදී පොලිස් ස්ථානය තුළ රඳවා තබාගෙන තිබේ.

* 📱 **පුතාගේ නිර්භීත මැදිහත්වීම:** තුවාල ලබා පොලිස් පුටුවක අසරණව වාඩි කරවා සිටි පියාගේ තත්ත්වය දුටු ඔහුගේ පුතු, කිසිදු බියක් නොදක්වා සජීවී විකාශයක් (Facebook Live) ඔස්සේ රටටම සත්‍ය හෙළි කළේය. "ඇයි මගේ රෝගී තාත්තට මෙහෙම අමානුෂික විදිහට ගැහුවේ?" යනුවෙන් එම නිලධාරීන්ගෙන් මුහුණට මුහුණ සෘජුව ප්‍රශ්න කරමින් යුක්තිය ඉල්ලා සිටියේය.

* ⚠️ **මූලික මිනිස් අයිතිවාසිකම් උල්ලංඝනය:** හැඳුනුම්පතක් නොමැති වීම පුද්ගලයෙකුට පහර දීමට හෝ අමානුෂික වධහිංසා පැමිණවීමට නීතියෙන් ඉඩක් නොදේ. විශේෂයෙන්ම ජීවිත අවදානමක සිටින රෝගියෙකුට ප්‍රතිකාර නොදී රඳවා ගැනීම බරපතළ වරදකි.

තමන්ගේ අසරණ තාත්තාගේ ජීවිතය සහ අයිතිය වෙනුවෙන් තනිවම මුළු පොලිස් බලයටම එරෙහිව පෙනී සිටි මේ ආදර්ශමත් පුතු ගැන මුළු රටම ආඩම්බර විය යුතුයි! 👏❤️

**අපේ ඉල්ලීම:** 📢
අම්බලන්ගොඩ පොලීසියේ මෙම අමානුෂික ක්‍රියාවට සම්බන්ධ සියලුම නිලධාරීන්ට එරෙහිව වහාම නීතිමය පියවර ගෙන, මේ පවුලට සාධාරණය ඉටු කරනු! ⚖️🚨 එසේම ලංකාව පුරාම තිබෙන සියලුම පොලිස් ස්ථානවලට කැමරා සවි කිරීමත්, සමහර පොලිස් ස්ථානවලට ජංගම දුරකතන රැගෙන යාම තහනම් කර තිබෙන බැවින් ඒවාට එරෙහිවද වහාම පියවර ගත යුතුය.

තිස්සමහාරාම පිංබිම Tissamaharama

25/08/2026

මේ ඉන්නෙ අර අහින්සක තාත්තාගේ කටින්ලේ එන්න පහර දීපු පොලිස් කාරයා

25/08/2026

තාත්තා වෙනුවෙන් මුලු පොලීසියක් එක්ක ගේම ඉල්ලපු මේ කොල්ලා වෙනුවෙන් මුලු රටම හිට ගන්න ඕනි වෙලාවක්. සිද්ධිය කෙටියෙන් කියන්නම්.

මේ කොල්ලගේ තාත්තා අතේ ID එක නෑ කියලා.. හොඳටම ගහ ලා. ( පේන විදිහට මේ තාත්තට ගොඩක් වයසයි )කොහොම හරි ගහ ලා පොලීසියට ගෙනල්ලා පුටුවේ වාඩි කරලා තියෙනකොට මේ කොල්ලා live එකක් දාගෙන ගිහින් තනියම පොලීසියෙන් ගේම ඉල්ලනවා.. ඇයි තාත්තට මෙහෙම කලේ කියලා. පට්ට ආඩම්බරයි උ ඹ තාත්තා වෙනුවෙන් එල්ලපු ගේමට. අනික මේ තාත්තා හාට් පේෂන් කෙනෙක්.. ඒකට බොන බෙහෙත් නිසා le යන එක නතර⁣ වෙලා නෑ 24 රෑ 9 ඉඳන් 25 උදේ 11 වෙනකල්.

මෙහෙම ගහ ලා තියෙන්නේ අමිබලන්ගොඩ පොලීසියෙන්. වහාම මේකට සාධාරණයක් ඉටු කරන්න. අපි බලාපොරොත්තු වෙනවා මේ පහ ර දීපු පොලිස් නිලධාරින්ගේ වැ ඩ තහනම් වෙනවා දකින්න. Anura Kumara Dissanayake Sri Lanka Police ❤️💪