27/01/2026
📌අඩු වියදමෙන්, කෙටි කාලයක් තුළ, දිගුකාලීන ආදායමක් ගන්න පුළුවන් බෝගයක් ලෙස මුකුණුවැන්න අද ගොවියන් අතර ඉතා ජනප්රියයි. දිනෙන් දින ඉහළ යන එළවළු මිලත් එක්ක ඉල්ලුම කඩාවැටෙන්න නැති බෝගයක් වීම මුකුණුවැන්නේ විශේෂත්වයයි.
📌ඕනෑම ප්රදේශයක වගා කරන්න පුලුවන්. හොඳින් ජලය රඳාගන්න පුළුවන් පසක, pH අගය 5.5 – 7 අතර වෙනවා නම් වඩා හොදයි, සෘජු හිරු එළිය ලැබෙන ස්ථානයක් වීම අත්යවශ්යයි
👉වගා කිරීමේ ක්රම
1️⃣ බීජ මගින් වගා කිරීම
උසස් ගුණාත්මක බීජ තෝරාගන්න. පස හොඳට පෙරලලා පාත්ති සකසාගෙන මූලික පොහොර යොදා සාරවත් කර ගන්න. පේළි අතර 30 cm, පැල අතර 15–20 cm දුරක් තබා වගා කරන්න
2️⃣ අතු කැබලි මගින් වගා කිරීම (වඩාත් ජනප්රිය ක්රමය)
සෙන්ටිමීටර් 20–25 දිග අතු කැබලි කොළ 2–3ක් ඉතිරි කර වගා කරන්න. දින 5–7කින් මුල් බසිනවා
මුල් අදින තෙක් දිනපතා ජලය දැමිය යුතුයි.
👉 අතු කැබලි මගින් වගා කිරීමෙන් ඉක්මනින් අස්වැන්න ගන්න පුළුවන්. වඩාත් පහසුම ක්රමයයි. මුකුණුවැන්න මිටියක් මිලදී ගෙන, එහි ඇති නිරෝගී අතු වගාවට යොදා ගත හැකියි.
👉ගන්නෝරුව, බතලගොඩ, අම්බලන්තොට වැනි ප්රදේශවල පිහිටි කෘෂිකර්ම දෙපාර්තමේන්තුවේ බීජ හා රෝපණ ද්රව්ය අලෙවි මධ්යස්ථාන වලින් ඔබට උසස් තත්ත්වයේ බීජ ලබා ගත හැක.
▪️පොහොර යෙදීම
මුලික පොහොර ලෙස කොම්පෝස්ට්, ගොම පොහොර, කොළ පොහොර පසට මිශ්ර කරන්න.
අස්වැන්න කපා ගත් පසු නයිට්රජන් අඩංගු පොහොර අඩු ප්රමාණයක් යෙදීම හෝ ජෛව පොහොර භාවිතා කිරීමෙන් වඩාත් හොඳ අස්වැන්නක් ලබන්න පුලුවන්.
▪️රෝග හා පලිබෝධ පාලනය
සාමාන්යයෙන් මුකුණුවැන්නට රෝග අඩුයි. කොළ කන කීටයෝ, කොළ කුඩා වීම, දුඹුරු පැහැති ලප දකින්න පුලුවන්.
👉 කොහොඹ තෙල්, දුම්කොළ සාරය වැනි ජෛව කෘමි නාශක භාවිතයෙන් පලිබෝධ පාලනය කළ හැක.
📌සාමාන්යයෙන් වගා කළ දින සිට දවස් 25–30කින් පළමු කප්පාදුව කරන්න පුලුවන්. පැලයක 5–7 cm ඉතිරි කර කපාගන්න. දින 14කට වරක් නැවත කපා ගන්න පුළුවන් මෙලෙස මාස 6–8ක් පුරා අඛණ්ඩව අස්වැන්න ලබන්න පුලුවන්.
📌පර්චස් එකකින් සතියකට කිලෝ 20–30ක් පමන කැපෙනවා..හෝටල්, තොග වෙළඳ සැල්, ග්රාමීය වෙළඳසැල් සම්බන්ධ කරගෙන දිනපතා මුදල් ලබන්න පුලුවන්. නිසි කළමනාකරණයකින් මාසික ස්ථිර ආදායමක් ලබාගත හැක.
👉නිකරුනේ ඉඩම් තියෙන කැලෑ වැහිලා තියෙන ඉඩම් ඇති අය ඕන තරම් ඉන්නවා ප්රයෝජනයක් නොගෙන. පොඩියට පටන් ගන්න. ටික කාලයක් යද්දි නිවසටම ඇවිත් අරන් යාවි..💪🥰
#මුකුණුවැන්න
