17/08/2025
Mir sin dobäi, save the date!
Sonndeg 7. September vun 10:00 bis 18:00 Auer : Stroossemaart Lëtzebuerger Produkter zu Miedernach beim Schoulcampus "Am Weier". Léiert eis Austeller kennen : Déi gutt Drëps mat Likören
Op www.medernach.info Bestellungen fir Mettegiessen. Merci
Mer sinn houfreg drop, datt mir fir eise Stroossemaart Lëtzebuerger Produkter de Logo Green Events kënne kréien.
Duerch d’ Erhale vun dësem Logo gëtt déi nohalteg a klimafrëndlech Organisatioun vun dësem Evenement souwuel ënnerstrach ewéi och unerkannt, woubäi mir besonnëg op follgend Krittären vill Wäert leeën:
• mir verzichten bewosst op Eeweegeschier an reduzéieren de Gebrauch vu Plastik op e strikte Minimum
• Iessen a Gedrénks gëtt et gréisstendeels lokal, regional, vegetaresch an Bio, an fair gehandelt. Eisen Event ass jo schonns säit 36 Joer do fir déi regional an lokal Produkter.
• mir reduzéieren eisen Reschtoffall op e Maximum andeems mir alles richteg trennen a recycléieren. Denkt dofir wgl. drun en Akafskuerf mat ze bréngen.
De Parking an der Uertschaft ass limitéiert. Versicht mam ëffentlechen Transport ze kommen : follgend Buslinnen fueren Sonndeg den 7. September duerch Miedernach : 191 -231 – 233 – 241 – 250. D’ Auerzäiten fannt der op www.mobiliteit.lu
Dir kënnt och mam Vëlo kommen iwwert den PC5 zwëschent Feels an Miedernach.
An Zesummenaarbecht mam Oekozenter Pafendall an www.greenevents.lu
