Sarah's diet Bakery

Sarah's diet Bakery Contact information, map and directions, contact form, opening hours, services, ratings, photos, videos and announcements from Sarah's diet Bakery, Speciality food shop, Tripoli.

اهلا بيكم في صفحة sarah's diet bakery ...صفحه لبيع الأكل الخاص بمرضى السكري والأكلات الخاصه بمختلف الحميات المعروفه( low calory diet,moderate diet,atkins diet,dukan diet,paleo diet,points diet......)...قضيت 3 سنين في ابتكار وتجربة الوصفات الصحيه والتابعه للدايت...قريت من الكتب ومن مواقع التواصل الاجتماعي..سجلت فمواقع انجليزيه وفرنسيه وأسبانيه وحتا الهنديه..استوردت مكونات جديده وحلال لطبخ وصفاتي..وبنكهه غير بحيث م يكونش في ملل فالدايت..أول الوصفات المجربه كانت الخبزه..وهادي أول شي يشطب في قرار الدايت..يا تلغيها ي أما بتاكلي شريحتين طوست شعير فاليوم..لذلك جربت عدة وصفات بحيث تكون خاليه من الدقيق وتكون أقرب للخبزه العاديه بقدر الأمكان بس بسعرات حراريه أقل ..وبعدين جربت الكيك والحلو لأنه بصراحه وأني وحده من الناس معروفين ب حبنا للشاهي والقهوه ومعاها الحلو..وبعدين جربت البيتزا وجربت وجربت..وعلي فكره معظم الصور اللي رح اننزلها مش من تصويري وأنما من المواقع اللي ناخد منها فالوصفات..مش بارعه فالتصوير شخصيا..كل وصفه رح تكون مرفقه بجدول الnutrition fact من قبل أخصائيين في حسابه...للطلب او الاستفسار أرسلو رساله عالصفحه...بالتوفيق

هادي الصوره وصلتني اولامس الصبح🌸و اني بروحي عندي تحضير لإمتحان و م كانش عندي نيّه…والله العظيم حفزتني الصوره بالكتب اللي...
08/10/2026

هادي الصوره وصلتني اولامس الصبح🌸
و اني بروحي عندي تحضير لإمتحان و م كانش عندي نيّه…والله العظيم حفزتني الصوره بالكتب اللي فيها بالقهوه…مشيت حتا اني فتحت التاب وقابلت كتبي و قريت اللي فيه النصيب 🤗
يعني. الدكتوره اللي باعته الصوره برغم ضغط التخصص والقرايه ، عاطيه لصحتها نظامها الغذائي أولويته و مقداره💪🏻
تعرفي…تعرفي تعرفي …من أهم المقومات اللي تبني أسره و مجتمع واعي ب دينه و ثقافته ، هي (المرأه، الأم ) و تكون (صحتها النفسيه في القمه) …غير هكي والله م يصير لا من اسره لا مجتمع..
من اهم النقاط اللي تعززي بيها صحتك النفسيه (كيف تكوني مرتاحه مع جسمك و مظهرك) قدام بوك قدام أمك قدام خوتك قدام كل الاشخاص اللي يهموك
ثاني نقطه (عبادتك)، منطقك ،علمك، إنشغالك بتطوير نفسك و تحسين عبادتك
اما لما بتقعدي لاهيه بالقيل و القال و في كل زياره غاطسه تهدرزي علي هادي و هادي و حديثك يخلو تماماً من العلم و الإنجاز ..والله الا م تقعدي طول عمرك إلتااااالي في نظره اللي حواليك حتا ولو كنتي معتقده انك واصله اعلي المراتب
و بالله معاش تسألو اللي وصلت ال27 وال30 ولا اللي هو خيرك قاعده م تزوجتيش لتوا…مش ح تجي خير من ربي اللي كاتبلها هكي….
م تعيطيش في وجه الأم الجديده اللي كيف جايبه بيبي جديد…وووووووووه سمنتي…هذا تغيرات جسمانيه من عند الله ..
ثقفي روحك اقري فالجامع ، ازرعي زرع في جنانكم ، ديري حديقة صغيره فوق حيطكم ، تريضي ، تصدقي ، ديري لعمرك راي كيف تخلي الناس في حالها و م تقعديش تلقطي فذنوب علي اكتافك و شحم ف جنابك الله ايبارك فيك 👀

قااااعدة يومياً في طلب عليها و تسليم 🍰و يومياً في ناس مش ملحقه عالحجز 😅تستاهل الكيكه بصراحه خفيفه و لطيفه هضمها مريح و ف...
30/09/2026

قااااعدة يومياً في طلب عليها و تسليم 🍰
و يومياً في ناس مش ملحقه عالحجز 😅
تستاهل الكيكه بصراحه
خفيفه و لطيفه
هضمها مريح و فيها كمية بروتييين و سعاده لاباس بيها 🤗💪🏻
غدوه و السبت الحجز fulllll ربي ايبارك 👏
باقي ايام الاسبوع متاحة للحجز ☺️
غدوه باذن الله تلقو منها في محلات الفاندي ..و أنواع 👇🏻
كيك فانيليا مع حشوة كريم كاسترد و صوص فراوله و كرز 🍒
كيك شوكولا مع حشوة كريم كاسترد شوكولا و صوص كرز 🍒
كيك شوكولا مع حشوة كريم كاسترد ابيض و قاناش شوكولا 🍫
والله خفااااااف و لذيذات و اينعنشو

30/09/2026

اذوووووب الغريبه 😌☕️
مش عارفه عندي اعتقاد و غرور انها احلا غريبه دايت (من غير اي نوع من انواع الدقيق) موجوده علي قائمة الأكل الصحي 🤷🏻‍♀️
دقيق لوز/دقيق ترمس/زبدة حيوانيه/سمن حيواني/أفضل انواع السكر البديل علي الاطلاق (سكر المونك) مع شوية إليولوز..
عادي راه كول سمن حيواني و زبدة حيوانيه من ضمن حسبة الدهون ..مهمين جداً لتصنيع الهرمونات سوا( males ) ولا (females ) مفيش فرق ..الاثنين …الكوليسترول و الدهن الصحي اساس في تصنيع الهرمونات

جربتوها 👀خميس اليوم و انتو طيبين ان شاء الله غدوه جمعه م تفوتكمش الكيكة خفيييفه بشكل متوفر منها نوعين في محلات الفاندي 👇...
24/09/2026

جربتوها 👀
خميس اليوم و انتو طيبين ان شاء الله غدوه جمعه
م تفوتكمش الكيكة
خفيييفه بشكل
متوفر منها نوعين في محلات الفاندي 👇🏻
كيك شوكولا والحشوة كريم كاسترد فانيليا مع شوكولا
كيك شوكولا والحشوه كريم كاسترد فانيليا مع صوص كرز 🍒
و اتفرجو علي الماكروز في الصوره
و في عندهم حتا كيك بالريش 😌☕️🍰
و عندهم سينابون كيك
كل شي في يعني 🤷🏻‍♀️من غير سكر من غير تخمة ،من غير نكد 👀

23/09/2026

بجديات واحد أحلا مالثاني
سابليه تيراميسو بنكهة القهوه العربيه 😌☕️
سابليه فستق و ماتشا مع قاناش شوكولا بيضا من غير حليب مخلوطه مع زبدة فستق جمييييييله جداً من فرحات
من غير دقيق ابيض
من غير سكر ابيض (اني منحبااااااش حتا ريحته م نحبهاش)
بروتين عالي
دهن صحي
مناسب لجميع انواع الدايت ☺️

سابليه تيراميسو (keto tiramisu linzer cookies ) ديما نحب فترة القرايه و المدارس أو لما في ضغط شغل ، اندخل مزيج البندق و ...
22/09/2026

سابليه تيراميسو (keto tiramisu linzer cookies )

ديما نحب فترة القرايه و المدارس أو لما في ضغط شغل ، اندخل مزيج البندق و القهوه من ضمن نظامي الغذائي أو في منتجاتي….ناهيك علي ان القهوه العربيه م خشت في شي إلا و خلاااته حاجه كلااااس هكي و ليها قيمتها عاد😌

البندق فعلاً فعلاً غني بالثيامين (thiamine ) اللي هو نفسه فيتامين B1 , تعرفو علاش رقم 1 ، لأن هو أول نوع تم إكتشافه من قروب فيتامين B التسعه
عمومًا والله الفيتامين هذا من كثر فعاليته في تخفيف الضغط و تصفية الذهن ، بعض الخبراء سمّوه 👇🏻
The Anti-Stress Vitamin
و أي كلام أو معلومه نقولها مختبرتها بنفسي
نزيدك علي الفيتامين هذا ان ايساعد في تكسير الكربوهيدرات و هضمها و هادي من الميزات اللي نحبها هلبه فيه.
بس هو الجسم م يصنعاش والكبد ايخزن منه كمية صغيييييييره جداً م ينعباش عليها حقيقتاً…ف بتحاول اتدخله لنظامك الغذائي بالذات (اصدقاء السكري) ، الأمهات اللي عندهم صغار اصدقاء سكري حاولي تحطي حبوب بندق أو زبدة بندق أو جبنه حمره في وجبة البريك (الاستراحه) علاااااااش؟👇🏻
يعطي الفيتامين طاااااقه بدون تخمه
عنده سيطره جميله بطريقه منظمة علي مستويات سكر الدم
ح يشبع الشخص من غير دوخه ولا ضبابه علي العين لأن الفيتامين. رهيب في تهدئة الجهاز العصبي و تعزيز وظائف الدماغ اللي من ضمنها الذاكره
هو الحديث ايطول عليه و م يعطيشي حقه…….

سابليه التيراميسو مزجت فيه دقيق بندق و قهوة عربيه و في النص حطيت قاناش شوكولا بيضا بدون حليب ..بنكهة كريم التيراميسو😌
الباكج تبعه لطيف جداً و نزيك ترفعيه معاك اي مكان ☺️ و الطعممممم 🤷🏻‍♀️جربو و احكمو
و تعالو شوفو شوفو الماكروز اللطيف 👇🏻👇🏻
لكل3 قطع:
1.7 جرام كارب✅
11جرام بروتين 🤩🤩
10جرام فات

19/09/2026

شوفو شوفو هني بالله الجمال و ريحة القرفه و اللوز البيكان توصل لعندك 🤤 سفهتني بصراحه خلتني نشوف للفيديو مرة و 2 لين قلت يا ساره توا اعصري دماغك كيف اديري (نسخه دايت صحيه)…و إيه إيه 🤗🤗 نجحتتتتتت معااااي🤩🥳
لذييييييذة خفيفه رطبه و الريحه والطعم ممممممممم😌

طبعاً اني لا سكر ابيض/ لا دقيق ابيض /ولا اي دقيق فيه كارب (نشوي)
اني منتجاتي و قناعتي (البروتين الاساس) و الباقي كله إيجي سااااهل

انديرلكم منهاااا👀👀👀👀

غريبة الفستق pistachio cookies المكونات:دقيق ترمس Lupin flour دقيق لوز بروتين لوز بودرة مااااتشا زبدة فستق صاااافيه من ...
12/09/2026

غريبة الفستق pistachio cookies
المكونات:
دقيق ترمس Lupin flour
دقيق لوز
بروتين لوز
بودرة مااااتشا
زبدة فستق صاااافيه من (فرحات)
زبدة حيوانيه
القيمة الغذائية للقطعه الوحده:
11./جم بروتين ، ايه ايه 11.2جم بروتين
1.5جم كارب
11جم فات
مليانه فيتامين B6 و تعرفو اهميته بالذات لأصحاب السكري و اللي مدايرين عمليات قص معده

فيتامين E, ماغنسيوم

الماتشا تعالي لفوائد الماتشا 👇🏻👇🏻👇🏻
مضاد أكسده ، كل م تستهلكي مضادات أكسده ، كل م اعطيتي الجذور الحره (استقرار) بالتالي ح يكون في اقل (cell damage ) تلف خلايا ،بالتالي اقل (chronic disease ) التهابات مزمنه

الماتشا ترفع الأيض و تزيد ال motility و تحسن من عملية الهضم و تنحي النفخه ،تنحي النفخه و صديقة ل مايكروبايوم المعده

الماتشا تعطي صفاء ذهني و تزيد الbrain function والله عن تجربة…يعني تاخدي فوائد الكافيين بس بدون ثوثر و بدون الcrash اللي يصير بعد م ينتهي مفعول الكافيين

الماتشا enzyme inducer و الكبد يحبها

الغريبه مناسبه لجميع انواع الدايت و مناسبه لأصدقاء السكري ،حتا لو فيها (زبدة) تقدر تاخدها من ضمن ال(30-33‎%‎) من حسبة الدهون

كمية البروتين والتغذيه اللي فيها تخليك طرف م تقدرش تكمله..

متوفره في محلات الفاندي و الاسعار لمنتجاتي بصفه عامه من 30الي 38د…✋الله لا تخسر مؤمن،هادي دعوه ديما تدعي فيها(حناي) ربي يحفظها

خديتوووو منهم 👀راهو كل شي عندنا معبي فااايده..كل شي عندنا من غير سكر من غير نشويات ..من غير زيت كل شي عندنا معبي بروتين ...
11/09/2026

خديتوووو منهم 👀
راهو كل شي عندنا معبي فااايده..كل شي عندنا من غير سكر من غير نشويات ..من غير زيت
كل شي عندنا معبي بروتين
غر دقيق الترمس الكوب الواحد بالله اقرو كويس الكوب الواحد فيه 👇🏻👇🏻👇🏻👇🏻👇🏻👇🏻
48 جرام بروتيييين..سبحان الله
44جرام ألياف
صفر صفر زييييروووووو فات
والكارب 😳 الكارب وااااااحد جرام ،1 جم فقططط
اني وظيفتي هني نقدملك خبزه و حلويات من غير نشويات و معبيه بروتين…والباقي علي حسب نظامك انت كمل حسبتك مالكارب ولا من الفات

Morning 🌸
11/09/2026

Morning 🌸

Address

Tripoli

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Sarah's diet Bakery posts news and promotions. Your email address will not be used for any other purpose, and you can unsubscribe at any time.

Shortcuts

Share

Category