شركة عالم الشموع

31/07/2026

جمعة مباركة طيبتوا اليوم والا مقاطعة للمطبخ مع النو وهروب الضي
شن درتوا غذاكم ورونا في التعليقات نشوفوا من اللي طيب ومن متسبل هارب من المطبخ بسبب النو والضي الهارب 🤣🙈🤣🙈

11/07/2026

مكرونة بالبصلة من أحلى الأكلات
وخاصة في الصيف واني نحبها سباقيتي ورقم 1رقيقة
تنزلوها ناقصة طياب ما تاخذش وقت تصفوها وتقدحوا السمن الحيواني لين يدخن
وتصبوه عليها مع شوية حرارات

وتاخذوا من الذهان وشوية مرقة وتردوها على النار تتشرب المرقة هذا علاش قتلكم ناقصة طياب تزيد تكمل في مرقتها وذهانها
والبصلة تكون واقفة على ذهانها مافيهاش مرقة جارية وتطيب في الطنجرة مع لحيمات خروف تهبل


مسكينة الاكلة هاذي مهضوم حقها لكن لو تتطيب صح حتلقا هلبا ناس يحبوها
شن رايكم
ردوا عليا في التعليقات
انتوا من الناس اللي تبدع في المكرونة بالبصلة والا ما تحبوهاش
وشن نوع المكرونة اللي تحبوها
اني في المجمل في كل شي نحب السباقيتي

10/07/2026

جمعة مباركة
استضافة الشيف خديجة المسلاتي في قناة ليبيا الوطنية

اللقاء كان طويل شوية قصيناه فقرات
الفقرة هاذي على شرب الماء
فعلا الماء فيه هلبا ناس ينسوا فيها او ما يحبوش يشربوا امية وهذا غلط ديما جنبك شيشة امية واشربوا ان شاء الله حتى بالقطرة

المهم باستمرار تلقوا نفسكم مكملينها

مني منكم ما يحبش يشرب امية

وراهو حتى لو تشربوا في عصير ما يغنيش على فايدة المية
#المية #طرابلس #بنغازي #سبها #مصراتة #الزاوية

09/07/2026

مساء الخيرات
اول أمس كان عندي لقاء في قناة الوطنية نشكر الصديقة
ثريا الغرياني
اللي استضافتني في القناة ونشكر مقدم البرنامج وكل العاملين وكنت مستريحة هلبا في اللقاء لانه الاستوديو

كان مطبخي في برنامج مع خديجة على قناة الوطنية

وتكلمنا على الأكل في الصيف اللقاء طويل شوية قصيناه وكل مرة نحط مقطع
توا يا احبابي كل وحدة او واحد يقوللنا في التعليقات شن رايه في المقطع وشن تطيبوا في النر ودرجة الحرارة المرتفعة شن عاداتكم وتقاليدكم داخل منزلكم

06/07/2026

مرحبتين يا غوالي، نهاركم مبروك وزين ✨
​اليوم خاطري نهدرز معاكم شوية ونعرف ذوقكم.. من وجهة نظركم، شني أفضل وأبنّ أكلة عربية جربتوها؟ ومن أي بلاد؟
وحقا المطبخ ليبي من الاوائل في عرب ؟🤔
​شاركوني في التعليقات باسم الأكلة والبلاد اللي اتميزت بيها، وخلي نشوفوا الذوق وين ماشي! وين بنرد عن كل تعليق
@أبرز المعجبين 👇😋
#طرابلس #تونس #القاهرة #الرباط

04/07/2026

صباح الخير والنشاط على أحلى متابعين! ☀️👨‍🍳
​اليوم نبي نفتح معاكم موضوع طالع ومداير ضجة كبيرة من مدة ، وهو "نظام الطيبات". 🥦🍎
​كاشيف ، يهمّني هلبة نعرف نظرتكم للأكل الصحي، عشان هكي نبي نسألكم:
​من جربه منكم؟ 🤔
​من اللي حس إنه استفاد منه فعلاً؟
​ومن اللي مش مقتنع بيه وشايفه صعبة تطبيقه؟
وراح نرد ع كل شخص ونتناقشو ف موضوع هذا بكل هدوء
​شاركوني آرائكم وتجاربكم في التعليقات، وخلينا نستفيدوا من بعضنا! 👇✨
#طرابلس #بنغازي #مصراتة #سبها #طيبات #ليببا
@أبرز المعجبين

02/07/2026

29/06/2026

مساء الخيرات بما اني مبرمجة على البرتقالي واني بلا فخر نحب نجازف بتجربة الالوان والترندات من 2016 درت الونين الاسود والاصفر وكان ترند الفترة هاذيكا وكل الناس حبوا اللون وترتيب السفرة اني من محبي التجديد والالوان وممكن أكثر الالوان استعملتهم فيه اللي حبيته وفيه اللي ماعجبني
لقيت في محل منزلية صونية القرعة الحمراء او اليقطين واني قداش ليا ندور في حاجات هكي المهم الصوينية فرحت بيها قد الدنيا وشريت معاها الصحون الثانية وقلت خلي ندير بيهم تلبيقات على قولة نوسة بنت اختي

درت رز بالخضروات نحبه الرز هذا ودجاجة في الفرن ومعاها بطاطس بقشورها وبعدين درت فيها زبدة لورباك وفلفل اسود محروش ورشة ملح ودقوس وسلطة خضراء وأكيد الزويتينات
شن رايكم في الصفرة اليوم وهل انتوا من محبي اللون الأبيض في التقديم والا تديروا ألوان ثانية
حننزلكم منشورات بترند الليمون وترند الدلاع وترند عباد الشمس وفواولي اما احلى واحد عجبكم توا ننزل صورة من كل نوع في التعليقات بعدين ننزل البوستات

26/06/2026

صباح الفل حبيباتي 🤍
جمعة مباركة يارب وربي يفتحها عليكم
يلي متعرفش شن اطيب تعالو انقوللكم شن اديرو اليوم 👇👇

24/06/2026

☀️ صباح الخير والنشاط والروائح الطيبة من أكلنا الحلو! 👩‍🍳✨

​صباح جديد وطاقة جديدة.. من هذه الصورة الجميلة حبيت نصبح عليكم ونريد نسألكم:

شن أول حاجة تخطر على بالكم ديروها لما تنوضوا الصبح؟ قهوة تعدل الرأس ولا على طول تفكير في غداء اليوم؟
وكل حد يعلق بنرد عليه🤍
#ليبيا #طرابلس #الزاوية #سبها #مصراتة #بنغازي