بن يوسف للزراعة

بن يوسف للزراعة Contact information, map and directions, contact form, opening hours, services, ratings, photos, videos and announcements from بن يوسف للزراعة, Farmers market, Tripoli.

بن يوسف للزراعة 🍏
متخصصون في الزراعة المائية والزراعة التقليدية، مع اعتماد أحدث الأساليب الزراعية وأفضل الممارسات لضمان جودة الإنتاج واستدامته. نعمل برؤية واضحة تقوم على التطوير المستمر والاهتمام بالتفاصيل لتحقيق أعلى معايير الكفاءة في المجال الزراعي. 🌱

18/08/2026

🌱 لأننا نعلم إن الزراعة تبدأ بخطوة بسيطة…

قررنا تشجيعاً منا لكل حد يحب الزراعة، نوزعوا مجموعة من الشتلات المجانية وبأصناف مختلفة ومميزة هلبا 🌿

نسئل الله تكون الشتلات هذة بداية جميلة ليكم، وتكون سبب إنكم تجربوا الزراعة وتستمتعوا بيها أكثر.

ربي يباركلكم في زرعكم ويعطيكم خيره 🤲🌱

ومتخلوش أي تجربة صعبة أو تأخير في النمو يخليكم تيأسوا…
متعة الزراعة في إنك تصبر، تتعلم، وتشوف تعبك يكبر قدام عيونك. 🌱

16/08/2026

🌱 الإضاءة مش مجرد إضافة للنبات… الإضاءة أساس في نموه. 💡

لو عندك نباتات داخل البيت، أهم حاجة تتأكد إن المكان يوفرلها كمية الضوء المناسبة.

ضوء ضعيف = نمو أبطأ وشكل أقل صحة.
إضاءة مناسبة = نمو أقوى، أوراق أجمل ونبات صحي أكثر. 🌿

فلو عندك نبتة ومكانها ما يوفرلهاش إضاءة كافية…
معش تزيد نبتة تانية، وفر الإضاءة للأولى الأول. 😉

اختيار الإضاءة المناسبة للنبات يفرق في النتيجة بشكل كبير.

12/08/2026

🌿 نبتتك معاك في الخدمة… وحتى وقت الإجازة ما تحتاجش تتفكر فيها!

لو ديما تتردد تشتري نبتة للمكتب أو العيادة على خاطر العناية بيها والسقي المستمر، الإكثار في المية حل بسيط ومريح 🌱💧

تحط العقلة في أنبوبة الإكثار، تعبيها بالمية، وخلاص… تقدر تتابع نمو الجذور والنبتة وهي تكبر قدامك.

👌🏼 شكل مرتب وأنيق
💧 عناية بسيطة
🌱 نمو ممتاز
🏢 مناسبة للمكاتب والعيادات وأماكن العمل

حتى لو غبت عليها فترة أو دخلت في إجازة… تلقاها مستمرة في النمو. 🌿

متوفرة بلون ( الأبيض ، الأسود ، البيج ، البني )

05/08/2026

هو صح ديما نبو أفضل الطرق وأفضل الأساليب في الزراعة، لكن في وقتنا الحالي الأهم إننا نشجعوا الناس على الزراعة ونبسطوها للجميع.

خلونا نبدأوا بالإمكانيات المتوفرة، ونزرعوا ونتعلموا مع كل تجربة. ومع الوقت نطورو طرقنا، ونحسنو التجهيزات، ونوصلو لأفضل النتائج خطوة بخطوة.

المهم نبدأ… لأن كل مزارع محترف، كان في يوم من الأيام مجرد شخص قرر يزرع أول بذرة. 🌱


05/08/2026

السلام عليكم ورحمة الله وبركاته 🌿

زبائننا الكرام،

نعتذر منكم، اليوم المحل سيكون مغلقًا، مع استمرار استقبال جميع الطلبات أونلاين والرد عليها كالمعتاد.

نشكر تفهمكم، ونعتذر لكل من وصل إلى المحل اليوم ووجده مغلقًا.

دمتم بخير، بإذن الله.

04/08/2026

🌱 بسم الله، اليوم بنبدأ رحلة زراعة الطماطم والخيار معاكم خطوة بخطوة.

من أول يوم للشتلة، لأول ثمرة باذن الله تعالى بنشاركوا معاكم كل شيء… الزراعة، التسميد، الري، التقليم، وحتى الأخطاء والمشاكل وكيف نتعاملو معاها.

هدفنا إن أي شخص يتابعنا يقدر يزرع بروحه ويتعرف على الزراعة وتحدياتها، وطعم المحصول اللي يطلع من زرع يدك ما يتقارنش بأي حاجة.

تابعونا، وإن شاء الله بعد أشهر بنستمتعو بأول حصاد مع بعض. 🍅🥒

ازرع بروحك… وكل من خير زرعك. 🇱🇾🌱


02/08/2026

الفيديو هذا لكل شخص قال: “بنزرع بروحي.” 💚🌱

صدقوني، أكثر حاجة فرحتنا في الفترة الأخيرة هي كمية الرسائل من ناس متحمسة وتبي تبدأ رحلتها في الزراعة. وهذا أكبر دليل إن الوعي قاعد يكبر، وإن اللي صاير اليوم من غلاء الخضروات وكثرة المبيدات خلّى الناس تفكر في الحل الصح.

بدل ما نشكو… خلونا نزرعو. 🌿

ليبيا أرضها خير، وما ينقصها إلا ناس تؤمن بالزراعة وتبدأ حتى لو بشتلة وحدة. كل واحد يزرع اليوم، يساهم في بناء مستقبل أنظف، وغذاء أفضل، واعتماد أكبر على إنتاجنا المحلي.

الزراعة مش هواية… الزراعة مستقبل. 🇱🇾🌱

أما بالنسبة للشتول هذة، فهي من أفضل الأصناف، لكن لازم تعرف إنها طماطم غير محدودة النمو، يعني تكبر وتواصل في الإنتاج، حتى العشرة شهور لو تحصلت على الاهتمام الصح وتحتاج خيط أو دعامة تتسلق عليها. وبإذن الله بتشوف إنتاج يفرح القلب ويشجعك تكمل وتزرع أكثر. 🍅💪

ابدأ اليوم… يمكن أول شتلة تزرعها تكون بداية قصة نجاحك في الزراعة. 🌱



#طماطم

31/07/2026

💡ليس كل ضوء مناسب للنباتات…

إذا كانت نباتاتك داخل المنزل ولا يصلها ضوء طبيعي كافٍ، فإضاءة النمو هي الحل الأمثل للحفاظ على نموها وصحتها.

👌🏼تمنح نباتاتك الإضاءة التي تحتاجها دون أن تؤثر على جمال ديكور المنزل، بتصميم عصري يناسب أي مساحة.

✅ 3 ألوان للإضاءة.
✅ 10 مستويات للسطوع.
✅ ذراع مرن لتوجيه الضوء كما تريد.
✅ تصميم أنيق وجودة عالية.

اجعل نباتاتك تنمو… واستمتع بجمالها طوال العام. 🌿

📍 متوفرة الآن لدى بن يوسف للزراعة.

لمعرفة السعر وباقي التفاصيل اترك تعليق
او الدخول على المتجر الالكتروني 👇🏻

https://benyousef.ly/products/85

30/07/2026

🌿 الناس المهتمة بالنباتات الداخلية… ما نسيناش حد!

وفرنالكم عمود تثبيت احترافي مناسب للنباتات المتسلقة مثل:
🌱 البوتس • المونستيرا • الفيلوديندرون • السنجونيوم • وأي نبات عنده جذور هوائية.

شن ليميزه على غيره؟

✅ مخدوم من ألياف جوز الهند الطبيعية بجودة عالية.
✅ قلبه بلاستيك متين، مش خشب، يعني ما يتعفنش مع الوقت.
✅ تقدر ترشه بالماء بسهولة للمحافظة على الرطوبة.
✅ فيه مجرى داخلي تضيف فيه الماء مباشرة، باش يوصل للرطوبة بسرعة ويشجع الجذور الهوائية إنها تتمسك وتنمو بقوة.
✅ يساعد النبات ينمو بشكل طبيعي ويطلع أوراق أكبر وأجمل.
✅ قابل للتمديد بكل سهولة، ركب عمود ثاني من فوق وزيد في الارتفاع وقت ما تحتاج.
✅ ثابت وقوي ويتحمل وزن النبات مع نموه.
✅ يعطي نباتاتك مظهر مرتب واحترافي.
✅ مناسب للاستخدام داخل وخارج المنزل.
✅ سهل التركيب والاستخدام.

📏 المقاسات:
• القاعدة: 80 سم
• عمود التمديد: 60 سم
• بعد إضافة التمديد يصبح الطول 140 سم.

💰 السعر: 30 دينار فقط

📦 يتوفر أيضاً بسعر خاص للجملة.

📩 للحجز أو الاستفسار راسلنا على الصفحة.

🌿

29/07/2026

الفيديو هذا خاص بكل شخص معش عنده ثقة في الخضروات الموجودة في السوق ويبي حاجة نظيفة، تقدر تجرب وتزرع بنفسك وتعيش التحديات الزراعية بكامل تفاصيلها المدرج هذا يجي كامل عليك الا تحط الشتله لتبيها وتستنى تاكل من ثمار جهدك وتاكل حاجة انت زارعها بيديك وعارف كامل الرحلة من البذرة لعند الحصاد.

الزراعة اليوم مش مجرد اختيار لاكن واجب وطني عالجميع لازم نزرعو ونتعلمو الزراعة ونعتم بيها لان هذا غدائنا الذي نعيش بيه.

Address

Tripoli

Opening Hours

Monday 09:00 - 13:00
15:00 - 18:30
Tuesday 09:00 - 13:00
15:00 - 18:30
Wednesday 09:00 - 13:00
15:00 - 17:00
Thursday 09:00 - 13:00
15:00 - 18:30
Friday 07:00 - 11:00
Saturday 07:00 - 18:00

Website

Alerts

Be the first to know and let us send you an email when بن يوسف للزراعة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category