19/08/2026
المغرب العميق
وردية طفلة بنت المغرب العميق ماتت وهي كتقلب على العلاج 😥😥😥💔💔💔
وردية بنت تباروشت تاتدارت، ما كانتش محتاجة لمعجزة كانت محتاجة غير حقها في العلاج ولكن للأسف تعدبات حتى مشات عند ربي...
غير تخايلوا معايا ولي ضارب الطرقان وعارف المعاناة غادي يفهمني مزيان ، وردية هزوها لأزيلال وشحال غادا تسنى عاد صيفطوها لبني ملال وحسب شحال خاصها تبقى في السبيطار عاد وجهوها للدار البيضاء حسبتوا معايا شحال داز ديال الوقت باش نقدوا وردية ، حسيتو بشحال ديال الألم والعداب والطريق والمرض ، وصلات لكازا وبالضبط مستشفى الهاروشي لي مشكورين حيث استقبلوها ودارو جهدهم ولكن فات الاوان ، رحلة وردية في العلاج سالات في الإنعاش…
دابا بغيت غير نعرف شحال من وردية ملقاتش علاج في أقرب مستشفى قريب ليها علاش ضرب كاع هاذ الطرقان من الدوار لفيلاج لميدينة ولمدينة أخرى ولجهة أخرى فهمتوني ، دابا اشنو دور ديال هاذ المنتخبون لي دابا كيتسابقوا على مقاعد برلمانية ....
الله يرحمك يا وردية ويصبر والديك وحقك عند الله وكل واحد غادي يوقفوا الله وغادي يتسولو على أي حاجة....
علاش طفلة مريضة خاصها تدوز من هاد المعاناة كاملة باش تلقى العلاج...
من اللخر خاص يتفتح تحقيق حيث نشوفوا علاش مكينش العلاج في أزيلال وببني ملال ، خاص المسؤولية تكون واضحة وخاص العائلة تعرف شنو وقع وفين كان الخلل وماشي حتى العائلة جميع المواطنين لي كيدوزا من نفس المعاناة...
وردية مشات الله يرحمها ولكن قصتها ما خاصهاش تمشي معاها.
حياة المواطن ماشي رقم والعلاج ماشي امتياز راه حق من الحقوق ....
رحم الله وردية،ط ورحم كل ضحية ماتت وهي كتقلب على حقها فالصحة والكرامة.....
السوردو
