https://www.facebook.com/104281259103451/

𝚆𝙻𝙸𝙳𝙰𝚃 𝙰𝙻𝙸𝙵-𝙹𝚄𝙹, Salé (2026)

20/09/2023

سيرحل فريقنا الغالي لمدينة العيون لإجراء مبارة ضد فريق المحلي لهذا الاخير
الجمعية الرياضية السلاوية VS شباب المسيرة
SAMEDI 23 SEPTEMBRE 2023 📅
17:00 🕔
STADE MOULAY RACHID - LAAYOUNE 🏟

26/08/2023

"هل تعلم أن تشجيع فريق مدينتك من مبادئ الحركية.."
FANATICS2009

22/08/2023

الحلقة 5 : ختارينا تكون على رسالة فاناتيكس المدينة القديمة | جامع المناصب..حال سلا كساعتها |
كمقدمة حبنا للجمعية سلاوية اكتسبناه من حبنا للمدينة والغيرة ديالنا على المدينة هي لي خلاتنا نشجعو الجمعية السلاوية واخا بلا ألقاب فحب المدينة كيجي.فالمرتبة لولة قبل أي شيء وهادشي لي كيخلنا كولاد سلا وسكان أصليين ندافعو على سكان المدينة لي كنشاركهم نفي الهموم ونكونو صوتهم بصفتنا أولتراس.
وفهذا السياق و تحت لواء "الفاناتيكس 09" كيخرجو لينا وليدات المدينة القديمة..الميم قاف لي كتعتبر قلب مدينة سلا والحي العريق لي سواريه وبيبانو شاهدين على التاريخ والأصالة والفخامة السلاوية..حي باب المريسة وبرج الدموع والمسجد الأعظم... نعيا نهضر مانعطيش لهذا الحي حقو ❤
ولي كيتعتابر مند بداية الركة فالمدينة منبع للجماهير السلاوية..
وهنا كيخرجو لينا ولاد هذا الحي بهذا الرسالة لي كانت موجهة مباشرة لعمدة المدينة فديك الوقت "جامع المعتصم".
|جامع المناصب| :
الفاناتيكس خرجو ليه ديريكت و قالو ليه بلي سميتك (جامع المعتصم) خديتي منها غا جمع المناصب والتعويضات لي كتفوت الشهرية ديالو 12 المليون فبلاصة ماتخدم السلاويين وتنقص من همهم و تغير حال الأمة السلاوية للأحسن كيما كنتي كتقول قبل ماتنجح..ولكن كل ديك الوعود كانت كاذبة وخنتي أمال السلاويين
وجمعتي غي لراسك مناصب أ "جامع"..
|حال سلا كساعتها| :
والجزء التاني من الرسالة ولي كانت فيه ميطافور تاريخية ولاصقة بالنسبة ديال 200% فين شبهو الفاناتيكس حال سلا بالساعة التاريخية لي كاينة فالدخلة ديالها..الساعة لي العقارب ديالها واقفين على الخدمة ومجمدين من زمان تماما بحال حال بزاف ديال المجالات فهذا المدينة لي تا هما حابس فيهم التطور والتنمية من زمان..للأسف بصح حال سلا بحال ساعتها.

فالنهاية شكرا للفاناتيكس المدينة على هذا الخدمة ولي بينو فيها بصح بلي هما صوت المدينة والله يشوف من حالنا فهذا المدينة ويجي الوقت لي نشوف حاضر سلا كيما تاريخها..تهلاو .

16/08/2023

الحلقة 4 : ختارينا تكون على خدمة ريدز ديال الواد "السيطرة المطلقة"
-فالبداية نعطيو شوية لهذا الحي حقو ❤
الواد وما أدراك ما الواد..الحي لي سميتو سابقاه، واحد من أكبر أحياء سلا وأكثرها شهرة..وكيف ما معروف من زمان..الحي كيتعتابر منبع للجماهير السلاوية..فبمجرد دخول لهذا الحي غاضربك ريح الحرية والروح السلاوية، فينما دزتي وفكاع الحيوط غتلقا فقط رموز القراصنة وجداريات سلاوية وكاع لي شفتيه لابس توني عرفو غيكون توني ديال الغالية. وفهذا السياق كتجي هذا الخدمة ديال أبناء هذا الحي تحت لواء الريدز..الخدمة لي تدارت على جوج أجزاء سنة 2020 أيام الفيروس..
- الجزء لول: ميساج "SUPREME DOMINION" جملة إنجليزية كتعني بالعربية "السيطرة المطلقة" هذا الميساج لي كانت معاه شعلة كبيرة وزهو بالأهاجيز السلاوية..
- شنو المقصود بهذا الرسالة ؟؟
- "السيطرة المطلقة"؛ جملة واضحة وضوح الشمس اقتابسوها ولاد الواد من الجنود قديما لي كانو كرددو هذا الجملة بمجرد ماكيفرضو السيطرة ديالهم على شي بلاصة وهادشي لي دايرينو السلاويين فالواد فارضين سيطرتهم وحاكمين الحي ديالهم زنقة بزنقة وناشرين شعبية الجمعية فكاع الحوام..
- الجزء الثاني : "TRY TO GET CLOSE YOU WILL LOSE" جملة إنجليزية كذلك تكميلية للميساج لول ولي كتعني بالعربية : "جرب تقرب غادي تخسر"..
ميساج واضح لأي واحد غريب حاول يقرب لهذا الحي ويحاول يبغي ينشر فيه العبودية ديالو غادي يسالي خاسر لأن وليدات هذا الحي جيل مور جيل كيعرفو غا الجمعية السلاوية وكلهم متشبتين بهذا الفريق فكاع الظروف وكيبغيوه حب خالص مستحيل يتزحزح
فالنهاية تحياتي لولاد الواد وكاع لأحياء السلاوية ونتمنى النهار لي تولي فيه جميع الأحياء السلاوية فارضين سيطرتهم وتكون كاع ساكنة سلا كتعرف غا الجمعية وتحرر من مرض العبودية.
كنعتاذر غلى التأخير تسناو الحلقة الجايا ❤

11/08/2023

*جدول مباريات الجمعية السلاوية للموسم القادم 🤍❤️ :
- الجولة 1 : جمعية سلا x سطاد ماروك ( خارجين) ✅
- الجولة 2 : جمعية سلا xالكوكب المراكشي (مدخلين) ✅
- الجولة 3 : جمعية سلا x شباب المسيرة (خارجين) ✅
- الجولة 4 : جمعية سلا x دشيرة (مدخلين) ✅
- الجولة 5 :جمعية سلا x الراسينغ البيضاوي (خارجين) ✅
- الجولة 6 : جمعية سلا x النادي المكناسي (مدخلين) ✅
- الجولة 7 : جمعية سلا x سريع واد زم (خارجين) ✅
- الجولة 8 : جمعية سلا x خنيفرة (مدخلين) ✅
- الجولة 9 : جمعية سلا x وجدة (خارجين) ✅
- الجولة 10 : جمعية سلا x أولمبيك مراكش (مدخلين) ✅
- الجولة 11 : جمعية سلا x شباب بنجرير (خارجين) ✅
- الجولة 12 : جمعية سلا x جديدة (مدخلين) ✅
- الجولة 13 : جمعية سلا x خريبكة (مدخلين) ✅
- الجولة 14 : جمعية سلا x بني ملال (خارجين) ✅
- الجولة 15 : جمعية سلا × وداد فاس (مدخلين) ✅

10/08/2023

- الحلقة 3 : ختابينا تكون على تيفو "القراصنة" فنهائي البطولة العربية لكرة السلة 2014.
قرا هادشي ماغتندمش.
- من بعد باركور أسطوري لملوك السلة فالبطولة العربية بسلا ف 2014وصلو للفينال، ولي كنا فيه فموعد مع دخلة أسطورية للقراصنة بقات فالتاريخ..دخلة لي غيشوفها المشجع ابعادي والمحدود فكريا تيفو جد بسيط. ولكن لي فاهم الكونصيبط كيما كنقول و كيعرف يقرا ما بين السطور غيحس بكمية القوادة لي فهذا الدخلة.
- مضمون الدخلة :
تيفو مقسوم على جوج العوالم متشابهة مختالفة فنفس الوقت؛ فالعالم لول كنشوفو لاعب كرة القدم رجلو مربوطة بسلسلة لي مامخلياهش يتبع البالون ويمارس هذا الرياضة الشعبية بحرية..كما أن القراصنة تعمدو يحطو وجع اللاعب فديك الحالة ديال عدم الإرتياح حتى يبينو وضعية فرع كرة القدم، والسلسة لي كتعبر على العائلة الفاسدة لي كانت حاكمة الفرع فديك الوقت وهي السبب لي ماخلاتش اللاعب(فرع كرة القدم) يجري بحرية اتجاه الألقاب والمنافسة..كما أننا كنشوفو "مقدة" مكتوب عليها "UP" غادة جيهت ديك السلسة باش تحطمها وتخلي اللاعب يلعب بحرية..البيراط هنا هما ديك "المقدة" لي غادي تسالي فساد العائلة وغيحررو الفرع من هذا الفساد لي عايش فيه وغيكون سبب فعودة هذا الفرع للمنافسة بحرية والعودة للمكانة ديالو بين الكبار.
بالمقابل فالعالم الأخر كنشوف لاعب كرة سلة لي ملامح وجهو كتبين الراحة والسعادة وكيمارس كرة السلة فحرية بلا تا قيود الفساد..والفضل كيرجع للمسؤولين النزهاء لي شادين هذا الفرع ومخليينو ديما فالتألق وتشريف المدينة..وهنا البيراط كيضربو المثال بهذا الفرع وفنفس الوقت كيواعدو أنهم غيكونو سبب فتحرير فرع كرة القدم باش يولي فنفس المرتبة ديال فرع كرة القدم فحسن التسيير وتشريف المدينة.
القراصنة ختمو هذا الدخلة المهربنة برسالة كتختازل كاع هادشي لي قلنا قبل : "فرق بين تسيير محترف، وفساد رياضي منحرف. شكرا ملوك السلة."
- شخصيا كنعتابر هذا التيفو من أقود ما داز فسلا..تيفو بسيط ولكن بمعنى كبير بزاف وابداع ملحوظ
نتمنى تكون حلقة اليوم عجباتكم ونتلاقاو غدا إن شاء الله فحلقة جديدة ❤

09/08/2023

- الحلقة 2 : ختارينا تكون على خدمة فاناتيكس القرية : CHAUVINISME | الشوفينية..
قرا هادشي ماغتندمش..
- فالبداية فاش كنهضرو على الفاناتيكس كنهضرو على "الكاليتي" وماشي "الكمية"، وفاش كنهضرو على القرية كنهضرو على واحد من أكبر الأحياء فسلا والمغرب ومن أكثر الأحياء شعبية..هذا الحي كيتعتابر منبع الفاناتيكس وهو الحي لي خرج منو الكروب أول مرة للوجود..
- وهنا كيخرجو لينا ولاد هذا الحي بهذا الخدمة لي تدارت سنة 2020 ولي هي عبارة على ميساج كيحمل كلمة "CHAUVINISME" مرفوق بشعلة..
شنو المعنى ديال كلمة "CHAUVINISME" أو "الشوفينية" بالعربية ؟ هذا المصطلح لي غادي تحس بيه كثر من أنك تفهمو داكشي لاش أنعطيكم أمثلة لهذا المصطلح باش تفهمو..
فاش مثلا كيجي عندك شي واحد كيسولك شناهيا أحسن مدينة فالعالم بدون تفكير غتجاوبو "سلا" ولا شكون أحسن جمهور غتقولو "الجمهور السلاوي" وحتى أنك كتكره شي شخص واخا مادار ليك والو بمجرد أنه كيشجع فريق لي معادي ليك..هنا فين كتجلى الشوفينية..
- والشوفينية كتعريف هي داك الإنتماء لي فايت القياس والغيرة والتعصب الأعمى والقومية لي عند الشخص اتجاه الجماعة أو المدينة لي كينتامي ليها ولي كتخليه يشوف بلي الوطن ديالو حسن من كاع الأوطان
- فالنهاية..شخصيا هذا الخدمة كتجيني من أحسن ما تدار فتاريخ الخلايا د سلا حيت بكلمة وحدة قدرات تلخص بزاف ديال الأحساسيس والأفكار لي كيحملها أي مشجع سلاوي بدون اسثتناء اتجاه الكيان
نتلاقاو فالحلقة الجايا لعز ❤

08/08/2023

- الحلقة ١ : ختارينا تكون على منتوج القراصنة الحمر كاشكول "Phagocyte".
خود شوية من وقتك وقرا هادشي ماغتندمش
- الأغلبية ديال الأولترات فالمغرب إلا ماقلناش كلشي فاش كيبغيو يخرجو شي كاشكول ماكيفكروش بزاف؛ ديزاين عادي فيه لوغو والسمية ديال المجموعة من جهة وجملة بسيطة هاربة من مقرر السادس ابتدائي من الجهة لوخرا..لكن فاش كنقولو الريدز كنقولو التميز والعقل، وهادشي لي طبقوه فالمنتوج ديالهم لي هو عبارة على كاشكول خرج سنة 2018 كاشكول صغير ولكن بمعنى كبير وكبير بزاف
- الكاشكول مقسوم على جوج جهات :
الجهة الأولى (phagocyte) :
فالبداية شنو كتعني كلمة "Phagocyte" ? :
كلمة إنجليزية كخدموها فعلم "البيولوجيا" وكتعني "الخلية لي كتاكل"، هذا الخلية أسيدي كتواجد بشكل طبيعي فالجسم ديالنا والدور ديالها أنها كتعرف وكتمييز أي جسم غريب دخل للجسم ديالنا و غيشكل علينا خطر، وبالتالي كتعاون نظام المناعة ديالنا على محاربة هذا الفيروسات..
- ندوزو دابا للجهة التانية : (this is our role) :
جملة إنجليزية كتعني بالدارجة " هادي هي خدمتنا"
وهنا فين كتجلا علاقة كلمة "phagocyte" بمجموعة الريدز ..ميطافور الريدز فيها هما الphagocyte و جسم الإنسان هو الجمعية السلاوية و الأجسام الغريبة والفيروسات هما المفسدين والمرايقية..ريدز خدمتهم فأرض الواقع بحال خدمت هذا الخلية فجسم الإنسان ولي هي استعاب ومحاربة بكل قوة وشراسة أي فاسد ومرايقي حاول يمس ويأذي الجمعية السلاوية والمدينة..:
ها علاش الريدز مقودين 🏴‍☠️
كنتمنى تكون عجباتكم الفقرة وخليو ليا النصائح ديالكم فالتعاليق وبارطاجيو توصل لأغلبية سلاويين يوعاو بهذا القوادة

08/08/2023

- ابتداءا من اليوم إن شاء الله أنبداو فقرة جديدة فالصفحة :
فقرة غتكون يومية يعني كل نهار بوصط.
كنت ناوي نبداها ابتداءا من نهاية الموسم الكروي باش نحاربو ملل الصيف، لي عطلني هو أنني كنت كنحاول نخدمها بشكل احترافي بالفيديو والصوت ومونطاج.. ولكن للأسف الظروف ماساعداتش..
المضمون :
فهذا الفقرة غنشدو خدمة ديال إحدى الفصائل السلاوية أو الخلايا لي تابعة ليها سواء ميساج تيفو منتوج...إلخ ونشرحو المضمون ديال ديك الخدمة بشكل مبسط ونوضحو الإسقاط ديالها على أرض الواقع والعلاقة ديالها بواقع الفرقة والمدينة أو المجموعة..
السبب لي خلاني نبداه هو كنشوف فاش كتكون شي خدمة بنادم كينجادب للزواق أكثر وكينسى المضمون ولي هو الأهم، ومنها نحاولو نوجهو الدماغ السلاوي باش يولي يفكر فالمضمون كثر من الزواق ويعصر عقلو وهادشي لي غادي يرجع بالنفع على البيبليك السلاوي إن شاء الله..
موعدنا اليوم مع أول خدمة شدو بلايصكم ❤

31/07/2023

ترجل تا نتا صبابط ماتلحسشي 👅❌

27/07/2023

مهدي بلاك ويند عندو salé le vieux ونتا لا

19/10/2022

الله يفك صراح لكناوي..

𝚆𝙻𝙸𝙳𝙰𝚃 𝙰𝙻𝙸𝙵-𝙹𝚄𝙹

20/09/2023

26/08/2023

22/08/2023

16/08/2023

11/08/2023

10/08/2023

09/08/2023

08/08/2023

08/08/2023

31/07/2023

27/07/2023

19/10/2022

Address

Website

Alerts

Shortcuts

Share

Category