10/06/2026
Лесен ролат со овошје
За кората:
6 белки (на собна температура)
1 прстофат сол
120 г шеќер
3 лажици Тетовско екстра бело брашно (тип 400) на
За кремот:
400 мл млеко
1 кесичка пудинг од ванила
6 жолчки
60 г шеќер
1 лажица густин
1 кесичка ванилин шеќер
200 мл слатка павлака за матење (добро изладена)
За полнење:
250 г јагоди (измиени и исушени)
2 киви ( средни )
1 портокал
Од белките и шеќерот изматете цврст шам па со мешање додате ја солта и брашното. Кората печете ја убаво распоредена во плех врз хартија за печење, на 180 степени околу 25-30 минути. Кога ќе ја извадите од рерна, ставете ја на чиста крпа, извадете ја хартијата, и свиткајте ја кората како ролат.
Во сад измешај ги жолчките, шеќерот, ванилиниот шеќер, густинот и пудингот од ванила. Додај помала количина млеко (околу 100 мл) и мешај додека не добиеш мазна смеса без грутчиња. Останатото млеко загрејте го до вриење и постепено со мешање додавајте го во смесата. Со постојано мешање варете ја на оган околу 3-4 минути па потоа оставете ја да се олади. Првин на собна температура а потоа околу половина час во фрижидер.
Слатката павлака цврсто изматете ја со миксер и потоа со шпатула убаво измешајте ја со кремот за да добиете хомогена смеса.
Отворете ја кората и премачкајте ја со кремот. Одозгора ставете го исецканото овошје и потоа со помош на крпа завиткајте ролат. Ролатот превртете го на послужавник со работ надолу, завиткајте го во провидна фолија и оставете го преку ноќ во фрижидер да се олади.
Пред послужување, украсете со малку шлаг и овошје.
