17/09/2023
ကားဘက်ထရီ မကောင်းလို့ ကားစက်ရပ်ပြီးပြန်နှိုး၍မရလျှင် ဘက်ထရီ ဘယ်လိုထောက်နှိုးမလဲ❓
ကားစက်နှိုးဖို့ ဘက်ထရီအားကုန်ပြီး စက်မနိုးတဲ့အခါ ဘက်ထရီအပို (သို့) ဘက်ထရီအားရှိသောကားတစ်စီးနဲ့အားကူပြီး ထောက်နှိုးဖို့လိုအပ်ပါတယ်။
ယနေ့မှာတော့ ဘက်ထရီထောက်နှိုးတဲ့အခါ သတိပြုသင့်သောအချက်တွေနဲ့ လုပ်ဆောင်ပုံအဆင့်လေးတွေကို ဗဟုသုတအဖြစ်မျှဝေပေးချင်တာဖြစ်ပါတယ်။
ကားရဲ့ဘက်ထရီအားကုန်သွားပါက ထောက်နှိုးရန်အတွက် အပိုဘက်ထရီအိုးတစ်လုံး နှင့် ဘက်ထရီထောက်ကြိုးနှစ်ချောင်း လိုအပ်ပါတယ်။
၁။ ကားတစ်စီးအကူဖြင့် နှိုးမည်ဆိုပါက ကားနှစ်စီးကို ခေါင်းချင်းဆိုင်ရပ်ထားပေးပါ။ ဘက်ထရီအိုးမှ အဖိုငုတ်ဆိုလျှင် အပေါင်းလက္ခဏာ (+) နှင့် အနီရောင်ဖြစ်ပြီး အမငုတ်ဖြစ်ခဲ့ပါက အနှုတ်လက္ခဏာ(-)နှင့် အနက်ရောင်ဖြစ်ပါတယ်။
၂။ ဘက်ထရီထောက်ကြိုး (Jumper Cable) အဖိုကြိုးအနီကို အားကုန်နေသော ဘက်ထရီအိုး၏ အဖိုငုတ်တွင် ပထမဦးစွာတပ်ဆင်ပါ။
၃။ အဖိုကြိုးအနီ၏ အခြားတစ်ဖက်ကို အားပြည့်နေသော ဘက်ထရီ၏ အဖိုငုတ်(+)တွင်ချိတ်ဆက်ပါ။
၄။ အမကြိုးအနက်ကို အားပြည့်နေသော ဘက်ထရီ၏ အမငုတ်တွင်တပ်ဆင်ပါ။
၅။ အမကြိုးအနက်၏ နောက်တစ်ဖက်ကို အားကုန်နေသောကားအင်ဂျင် သို့မဟုတ် ဘော်ဒီကိုချိတ်ဆက်ရမှာဖြစ်ပါတယ်။
၆။ ဘက်ထရီအားရှိသောကားကို ပထမဦးစွာ စက်နှိုးထားပြီးမှ ဘက်ထရီအားမရှိသောကားကို စက်နှိုးရမည်ဖြစ်ပါတယ်။
၇။ စက်နိုးသွားပါက ထောက်ကြိုးဖြုတ်လျှင် ယခင်ချိတ်ဆက်ထားတဲ့ပုံစံကို ပြောင်းပြန် ပြန်ဖြုတ်ရမှာဖြစ်ပါတယ်။
လမ်းတွင် ရုတ်တရက် ဖြစ်ပေါ်လာသော အခက်အခဲကြောင့် စိတ်အနှောက်အယှက် မဖြစ်စေဖို့အတွက် မိတ်ဆွေ၏ကား ဘက်ထရီကို ပုံမှန်စစ်ဆေးကြဖို့အတွက် အကြံပြုလိုက်ပါရစေ ခင်ဗျာ။
PIT&GO Emerald Crown (Thuwunna)
Car Service Center
Working Hours
🕘 9:00 AM - 🕠 5:30 PM
Address
🏘️ (B-1),Pa Don Mar Street,
(24) Ward,Near Su Paung Bus-Stop, Behind KBZ Bank, Thingangyun Township, Yangon.
Contact Numbers
📱09- 444 112 664, 09- 443 138 787
Shop Closed
🗓️ We are closed on every Tuesday.
