14/03/2025
သေနေ့ကိုရွှေ့ဆိုင်းခြင်း။
~~~~~~~~~~~~~~~~~
သေနေ့စေ့ရင်သေမှာဘဲ ဆိုတာ
လူမိုကျစကားဘဲ။
ဖျတ်ကနဲခွေခေါက်ကျပြီးသေသွားတာလဲအဲဒီလူမိုက်တွေဘဲဗျ။
သေနေ့ဆိုတာ ရွှေ့ဆိုင်းထားလို့ရတယ်။
ခန္ဓာ ရရင် သေမှာကတော့ သေမယ်။
ဒါပေမယ့် အိုမှသေရင် အမှည့်လွန်
သစ်သီးများ လေတိုးတာလေးနဲ့ကြွေသလို
အသေလွယ်တယ်။
အလူးအလဲမခံစားရဘူး။
တရားဘာဝနာလုပ်ဖို့အချိန် ပိုရတယ်။
အိုမှသေတော့ကျန်ရစ်သူမိသားစုကလဲ ဖြေသာတယ်ပေါ့ဗျာ။
အဲတော့သေနေ့ကို အိုတဲ့အထိ
ရွှေ့ကြရအောင်။
ဘန်ကောက်သွား ဆေးစစ်၊
သိန်း၁၀၀ လောက်ကုန်စရာမလိုပါဘူး။
သူတို့ ဆေးစစ်တဲ့ Medical Check up package တွေကြည့်လိုက်ရင်
အင်မတန်ရှားပါးတဲ့ရောဂါအတွက် အင်မတန်စျေးကြီးတဲ့ tests တွေပါတာ သက်သက်ငွေလိုချင်လို့ထည့်ထားတာ။
လူတစ်သိန်းမှာ တစ်ယောက်လောက်ဖြစ်တဲ့ရောဂါမျိုးပါ။
အဲဒီတော့ ပြည်တွင်းမှာဘဲ အကုန်အကျ နည်းနည်းနဲ့ ကလီစာတွေတစ်ခုခြင်းစီကို ရေရှည်ခံအောင် လုပ်ကြရမယ်။
၁။ ဦးဏှောက်-
ဘာစစ်စရာမှမလို။
CT ရိုက်လိုက်ပါလား။
MRI ရိုက်လိုက်ပါလားဆိုတာ အလကားစကားတွေ။
လေဖြတ်မှ လုပ်တဲ့ကိစ္စတွေ။
လေမဖြတ်ရင်မလို။
၂။ အဆုတ်-
ဓာတ်မှန်တစ်ချပ်ဆိုရပြီ။
အများအားဖြင့် CXR clear ပါဘဲ။
တစ်ခုခုတွေ့ရင်တော့
အဆုတ်သမားတော်နဲ့လိုတာဆက်လုပ်။
၃။ နှလုံး-
ခေါက်ကနဲသေတာ သူတရားခံဘဲ။
သူ့ကိုတော့ အထူးဂရုစိုက်ရလိမ့်မယ်။
အခြေခံ စမ်းသပ်ရမှာက
ECG
Stress test ( Exercise ECG)
Echocardiogram
CT calcium scoring
ဒီလေးမျိူးကို အရင်လုပ်ရမယ်။
များလိုက်တာ လျော့စမ်းပါအုန်းဆိုရင်
အနည်းဆုံးတော့ ECG နဲ့ CT calcium scoring တော့လုပ်ပါ။
CT calcium scoring ဆိုတာ
နှလုံးသွေးကြောတစ်ချောင်းချင်းစီမှာ
calcium ဘယ်လောက်များနေလဲ
တွက်တာပါဘဲ။
တနည်းပြောရရင် ခေါက်ကနဲ
လဲသေနိုင်သလားဆိုတာကိုတွက်တာဘဲ။
Zero ဆိုရင်တော့ နေမြဲ။
၄၀၀ အောက်လောက်ဆိုရင်တော့
life style အမြန်ပြင်ပေတော့။
လာတော့မယ်။ ဖျတ်ကနဲ။
၄၀၀ အထက်ဆိုရင်တော့
တစ်ခုခုကိုလုပ်ရတော့မယ်။
နှလုံးအထူးကုသမားတော်နဲ့ပြပါ။
CT angiogram သွားမလား။ Coronary angiogram နဲ့လိုအပ်ရင် stent ထည့်တဲ့အထိ သမားတော်နဲ့တိုင်ပင်ပြီးလုပ်ပါ။
ဟိုယောင်ယောင် ဒီယောင်ယောင်
သူများစကားတွေနားမယောင်ပါနဲ့။
ဇေစိုးပြောတာ ဒီကမ္ဘာမှာ အမှန်ဆုံး လို့
ယုံကြည်လိုက်နာပါ။
ပိုက်ဆံကတော့ နဲနဲကုန်မှာပေါ့။
ဒါပေမယ့် စနစ်တကျ ကုန်တာဖြစ်လို့
ကုန်ပါစေလေ။
အားလုံးကုပြီးသွားလို့ ကိုယ့်နှလုံးကို
ရိုရိုသေသေသုံးရင်
နောင် နှစ် ၃၀-၄၀ သုံးပါလေ့။
၄နဲ့ ၅။ အသည်းနဲ့ ကျောက်ကပ်
ဘာမှမလို။
သွေးစစ်တဲ့အထဲမှာ အသည်းနဲ့ကျောက်ကပ်
function တွေပါပြီးသား။
လိုလိုမယ်မယ် လုပ်ချင်ရင်တော့
ဗိုက်ကို Ultrasound လေးပွတ်လိုက်ရင်
အသည်းနဲ့ကျောက်ကပ်ကိစ္စ ပြီးပြီ။
၆- အစာအိမ် အူလမ်းကြောင်း-
သူကတော့ သိပ်အရေးမကြီးပေမယ့်
ငွေပိုရင်တော့ အပေါ်အောက်ကြည့်ထား
မမှားဘူးပေါ့လေ။
ဘန်ကောက်မှာ သိန်း ၄၀ လောက်ကုန်မယ်။
လုပ်ခသက်သက်တင်။
ရန်ကုန်မှာ ၁၅-၂၀ လောက်တော့ကုန်မယ်။
အခုနောက်ပိုင်း မြန်မာပြည်မှာ AI ပါတဲ့
မှန်ပြောင်းတွေတောင်သုံးနေကြပြီ။
၇- နောက်ဆုံးကတော့ သွေးစစ်တာပေါ့
ဆီးချိူ စစ်ရင် Hb A1C ဆိုတာထည့်စစ်ပါ။
သွေးဖြူ သွေးနီစစ်ပါ။
အသည်းနဲ့ ကျောက်ကပ်စစ်ပါ။
ကိုလက်စထရော နဲ့ပတ်သက်တာ
အတွဲလိုက်စစ်ပါ။
ဘီပိုး စီပိုး HIV စစ်ပါ။
သိပ်မကုန်အောင် မလိုတာတွေ မစစ်နဲ့ပေါ့။
သို့သော် တချိူ့ package တွေက
ဖြုတ်မရဘဲ fix လုပ်ထားတတ်တော့
အဆင်ပြေတဲ့နေရာမှာ ငွေမကုန်အောင်
လိုတာဘဲစစ်ပါ။
ကဲ ဇေစိုးစကားနားထောင်ပြီး
သေနေ့ကို ရွှေ့ကြမယ်ဆိုရင် ဗိုလ်ချူပ် သူရစောဖြူ လို အသက်၉၀ ကျော်ထိ ဂေါက်ရိုက်နိုင်ရင် ဘယ်လောက် ဟန်ကျပါသလဲခင်ဗျာ။
ဇေစိုး။
Professor Dr Zay Soe
Chest Physician
With respect Credit
Via Professor Dr. Thein Myint( GI Physician)
Photo- ChatGPT
