22/02/2025
ကိုယ့်နေရာနဲ့ ကိုယ်နေတတ်ပါစေ
တခါက တိရစ္ဆာန်တွေပြောသောစကားတွေကို နားလည်တဲ့တောင်သူကြီးတယောက်ရှိတယ်။
တနေ့မှာနွားတင်းကုပ်နဘေးမှာမြင်းနဲ့နွားစကား
ပြောနေတာကို တောင်သူကြီးကကြားသွားတယ်။
နွားကပြောတယ် ကိုမြင်း၊မင်းကတော့အေးဆေးပဲ
ကွာ သက်တောက်သက်သာနဲ့လှည်းလေးဆွဲလိုက်
ဟိုနည်းနည်း ဒီနည်းနည်းလုပ်လိုက်နဲ့အဆင်ပြေနေတာဘဲ။
စားရတော့လည်းကောင်းကောင်းမွန်မွန် နေရ
တော့လည်းကောင်းမွန်စွာနဲ့ ဟန်ကျနေတာဘဲ။
ငါ့မှာတော့တနေကုန် တနေခမ်းရွံ့နွံထဲမှာတနေကုန်ဘဲရုန်းနေရတယ်။🌸
ဟုပ်မှာပေါ့ကွ ၊မင်းကသူများခိုင်းတာလုပ် ကျွေးတာစား ထားရာနေ စေရာသွားတော့ မင်းကိုခိုင်းမှာပေါ့ကွ။
ပြီးတော့မင်းကနွားဆိုတော့ နွားကျလွန်းပါတယ်ကွာ။
အေး၊ဒါဆိုမင်းကိုငါအကြံတခုပေးမယ်။ ဟ ဘယ်လိုလည်းကိုမြင်းရပြောပါဦး။
ငါပြောသလိုသာလုပ် မင်းကောင်းကောင်းလည်းနေရမယ်ကောင်းကောင်းစားရမယ်။
ဒီလိုကွ မင်းကိုလယ်ထွန်ခိုင်းရင်ပေကပ်ကပ်လုပ်နေလိုက် စာရင်းငှားကမင်းကိုခိုင်းဖို့ဆွဲလာရင် မသိချင်ယောင်ဆောင်နေလိုက်။
ဖယ်ကန်ကန်လုပ်နေလိုက် အဲ့ခါကျရင် စာရင်းငှားက တောင်သူကြီးကိုပြောလိမ့်မယ် ဗျိုး... တောင်သူကြီး ဒီနေ့နွားကနေမကောင်းဘူးလားမသိဘူး။
ဆွဲလို့လည်းမရဘူး ခိုင်းလို့လည်းမရဘူး အဲ့ခါကျရင်မင်းတကယ်ကိုသက်သာပြီး ငါပြောတဲ့အတိုင်းသာလုပ်ကြည့် မင်းအတွက်အဆင်ပြေစေရမယ်။
နွားက မြင်းပြောသောစကားတွေကို တလုံးမကျန်မှတ်သားထားပြီး နေလိုက်တယ်။
ထိုအခါမှာ မြင်းနဲ့နွားပြောနေသောစကားတွေအား
လုံးကို တောင်သူကြီးကအကုန်မှတ်ထားလိုက်တယ်။🌸
နောက်တနေ့မိုးလင်းလို့ လယ်ထွန်ဖို့အတွက်နွားကို နွားတင်းကုပ်ကနေဆွဲထုပ်တဲ့အခါ မနေ့ကမြင်းပြော
ထားတဲ့အတိုင်း နွားကအကုန်လိုက်လုပ်တယ်။
အဲ့ခါမှာနွားကမြင်းပြောထားတဲ့အတိုင်း ပေကပ်ကပ်နဲ့ ဖယ်ကန်ကန်လုပ်တယ်။
သုံးလေးငါးခါလောက်ဆွဲတယ် ဆွဲလို့မရတဲ့အဆုံး တောင်သူကြီးကိုအော်ပြောလိုက်တယ်။
ဗျိုး...တောင်သူကြီး ဒီနေ့ နွားနေမကောင်းဘူးလားမသိဘူး အလုပ်ခိုင်းဖို့နွားတင်းကုပ်ကနေဆွဲထုပ်တာ ဆွဲလည်းမရဘူး။
အဲ့ဒီအချိန်မှာစာရင်းငှားကပြောလိုက်တာကို တောင်သူကြီးက သိသွားပြီးဒါဟာမနေ့က မြင်းလက်ချက်ဘဲဆိုတာကိုသိသွားတယ်။
အေးဒါဆိုလည်းကွာနွားနေရာမှာ မြင်းကိုအစားထိုးပြီး လယ်ထွန်ခိုင်းလိုက်လို့ တောင်သူကြီးကပြောလိုက်တယ်။ တောင်သူကြီးပြောတဲ့အတိုင်းဘဲ စာ
ရင်းငှားက မြင်းကို နွားနေရာမှာလယ်ထွန်ခိုင်းလိုက်
တယ်။🌸
ထိုအခါမှာမြင်းကစဉ်းစားတယ် ငါကနှခေါင်းထက်
လျှာကရှည်သွားတာကိုး ခုတော့သူနေရာမှာငါကရုန်းရတော့မယ်။
အစထဲက ငါ့နေရာမှာ ငါနေတာကောင်းပါလျက်နဲ့
ခုတော့ နွားကောင်းစားဖို့အတွက် ငါကအကြံပေး
လိုက်တာကို ခုတော့ ငါ့ရှူး ငါပတ်ပြီးငါဘဲဒုက္ခ
ရောက်ရတယ်။🌸
ခုလိုတွေးရင်းနဲ့ မြင်းခမျှာနောင်တတွေရလို့မဆုံးဖြစ်
သွားတယ်။
ပြောချင်တာက သူတပါးကောင်းစားဖို့အတွက်နဲ့ တ
ခါတလေမှာ ကိုယ်ကိုယ်တိုင်ကဒုက္ခတွေနဲ့ကြုံတွေ့ရ
တာမျိုးတွေ ရှိတတ်ပါတယ်။
ဘယ်အရာမဆို နှခေါင်းထက် လျှာရှည်တာကအ
လွန်ကိုဆိုးပါတယ်။
အလိုက်လည်းသိတယ် ကိုယ်ချင်းလည်းစာတယ်ဆို
ပေမယ်လို့ တခါတလေမှာ ကိုယ့်နေရာလေးနဲ့ ကိုယ်သာ နေပေးလိုက်တာဟာ အကောင်းဆုံးပါဘဲ။
မေတ္တာဖြင့်
#ပြန်လည်မျှဝေသည်
#ဘဝအတွက်စာဖတ်ပါ
